九号館 (利源東街) (已結業)

星期六係中環飲茶，午市都幾多人，間鋪唔太大，出面有人等位，點心通常都係3位一籠，但侍應見有地4個人，主動問我地d 點心要唔要轉4位，都幾貼心~❤️西施蟹肉餃 個樣好精緻，食落啖啖蟹肉🧡龍蝦湯小籠包 好多汁好高汁，但唔係好食得出係龍蝦湯💛懷舊蝦多士 脆脆的好香口💚鮮蝦腸粉 夠滑又好多大大隻蝦💙帶子菜苗餃 花菇燒賣 都係用料新鮮，好味既點心💜砂煲和牛包 砂煲上好似好有氣勢咁，但食落普通，牛肉唔多又唔係特別好食，唔講都唔知係和牛點心整體質素都好唔錯，用料新鮮又足料，d 茶都好香，裝修得好中式都幾靚，環境好乾淨坐得都舒服

第一次來先試點心，兩個人六款食品： 9號館蝦餃 $55一口咬下喜見有點爆汁，滋味在心頭！餃皮薄味道好。 西施蟹肉餃 $55外型幾好，味道都唔錯，不過雖然見到蟹肉，但味道及口感不明顯，可有可無。 懷舊蝦多士 $55非常對辦，多士金黃焦脆，蝦膠緊貼，炸得通透不膩，配備甜醬汁，匹配的平衡。 野菌菠菜餅 $55炸漿薄，餡料豐富脹卜，有水準。 蠔皇叉燒包 $50傳統手藝得以保存，包身香軟不黏牙，蠔油叉燒鹹甜合道，懷舊之選。 欖角排骨蒸飯 $70排骨油滑入味多汁，欖角恰到好處地，提味，簡單基本不負期望，但是，街坊酒樓的排骨蒸飯都做得唔錯，而且經常有特價，相比之下性價比不高。 環境仿懷舊，大紅燈籠高高掛，輕鬆小館，簡約設計，位於利源東街，入口隱敞，路線脫離左鄰右里，別樹一幟，識途老馬才會找到來！ 不過服務有點冷漠！我2點半到，客人不分，並非忙碌的關係！近日新發現，水準幾好，值得再試。 平均分數：3.5/5