Plato Cafe & Bistro (吳松街)

嚟呢度食主要係因為主餐牌有5折, 這店以前在細鋪時都有幫襯過。但當時價位以平為主。同依家分別好大。不過佢現在收貴咗但食物質素亦高咗。 算是有點交代吧！不過亦有比較唔理想嘅食物。好似三文魚薄餅咁, 個薄餅似餅乾咁。明顯只是鋪上三文魚片再隨意灑上幾棵沙律菜。完全係無考慮過美感或者正常嘅薄餅應該係點樣? 加三十幾蚊嘅龍蝦湯就係"蝦湯"! 無龍只有蝦再加些罐頭龍蝦湯吧！其他嘅豬排骨同羊架都係一般嗰隻。味道唔錯但不會太突出。反而春雞肉質出奇的好, 夠肉汁亦好夠味。烤嘅火路亦剛好。飲品方面都有賣點, 立體拉花但要加錢才有。 整體服務都OK

新年伊始，大胃當然唔會俾個胃放假啦，一樣eat hard play hard，捉埋大胃之母去一間cafe度扮吓文青平時見嘅海鮮湯都係白色，呢碗特別啲，開胃的微酸仲有好特別嘅麵包條浸吓湯食，型棍呢杯咖啡好有薑味，啱晒怕凍嘅老人家飲鵝肝好厚，仲滿有油香，意大利飯都有好rich嘅醬汁，加埋好滋味呢個可以話係健康加高級版嘅all day breakfast最重要係班尼迪蛋好流心呀雪糕唔會冚咗咖啡香，高分最後當然嚟個心太軟做甜品流心做得唔錯，非常豐富祝願新年快樂之前，問吓自己內心是否火熱先

平時去佐敦，多數去白加士街搵食，今次經過吳松街，見到有間裝修唔錯既意大利西餐廳，就走左入去試新野。環境﹕店內設計簡單得黎有啲心思，主要牆身以白、灰、木色為主配以一些生活態度既英文字句，有啲似café, 坐得好舒服。而且枱同枱之間有足夠空間，無論兩個人、四個人/一班人都唔會同隔離枱痴得太近。服務﹕服務非常抵讚，一坐低就會主動攞張凳/箱比你放袋及斟水，我地要求暖水同黑椒都好快比到，態度友善。餐湯、前菜、主菜、飲品都順序奉上，每食完一道亦會主動收走，唔會出現枱面唔夠位放野既情況。我地一邊食一邊吹水，坐左兩個幾鐘都唔會有人催你走。食物﹕食物選擇多，有dinner set ($1xx-$2xx), 二人餐 ($458/498), 單點。我地最後叫左兩個dinner set 另加松露薯條share 黎食。1.餐湯+麵包條﹕當日係羅宋湯，麵包條似餅乾條，味道正常。2.松露薯條﹕即炸薯條+黑松露碎喺面，仲配埋茄汁同一個白色既醬(芝士?)。薯條係我鍾意既size, 粗過麥當勞嗰啲但唔係勁粗，食到外面脆入面有薯味，唔太油。松露係淡淡的，唔會好攻鼻。我地後來先發現原來like Facebook 係有得送松露

套餐已包了一杯$32飲品，若點$32以上的飲品，需補回差價。西班牙咖啡 (+$16)咖啡融合了雲尼拿雪糕，促進口感，更絲滑順口。玫瑰鮮奶咖啡 (+$14)散發出淡淡玫瑰香味，感覺清新。西班牙黑毛豬鞍架配薯菜 ($128)肉質鬆化，肉味濃郁，甘腴豐香。帶有少許脂肪，油潤甘香，軟腍多汁。炭燒美國安格斯西冷牛扒配意粉 ($148)西冷肉質厚實柔軟，火侯拿捏得準確，真的做到五成熟，口感不錯。朱古力心太軟配意大利雪糕 (+$38)切開時，緩緩流出暖暖的朱古力漿，十分吸引。心太軟口感香脆鬆軟，入口充滿香濃的朱古力味。配上雲尼拿雪糕一起吃，一暖一冷，相映成趣，口感極具層次。

    周日中午出來佐敦，在九龍公園行完晨運之後，在附近搵下野食，在吳松街口就見到間幾靚仔既西餐廳，見入面光猛又多人食，所以就入去試下。午市SET LUNCH都幾多選擇，而且價錢都OK WOR，仲包埋湯同野飲。餐湯忌廉湯，配2條麵包條。我選了意式大蝦意大利粉，彈牙爽口而且不太油，咸味適中，夏日熱天食都幾好，清清地幾FRESH的感覺。因為香港最近冇豬食，所以叫左個西班牙豬鞍架，好厚好林，有些少肥肉好好食，又唔會太膩的口感，唔錯。不過薯條就硬天少少, 可能炸左一段時間。不過整體都OK。SET LUNCH包一杯$32的飲品，見佢餐牌好多好吸引既特飲，忍唔住要加$都要試下先。呢個OREN奶昔，冇人我失望，好靚仔又好好飲~~~~夏天見到咁大杯野飲，真係令人好興奮~~~奶昔好香，係飯後好正既甜品。西班牙咖啡，第一次叫因為唔知係咩來就想試下，好香好滑的咖啡，沒有苦味，可能是因為有球雪糕既關係吧呢個真係好好飲，冇個奶昔咁飽，一邊飲一邊傾計，星期日的中午真係好正。最後都係叫左個甜品，SET LUNCH加$38就有，是朱古力心太軟，可能特飲太好味，相對之下呢個就冇咁吸引了。整體好好味而且好飽，特飲令人難忘

星期六多數都是拍拖日，除了行街shopping之外就係搵好嘢食。今日下午經過佐敦附近俾我發現一間西餐廳叫Plato Cafe & Bistro，看見門口裝修得幾靚，地下舖又幾大間所以就入去試下。 餐牌上的lunch set由大約$58至$148，我們點了兩個午餐，一個是西班牙黑毛豬鞍$128，另一個是炭燒美國安格斯肉眼牛扒$148，餐湯加$18升級至法式龍蝦湯，飲品方面Espresso 跟餐，西班牙咖啡加$12，還有朱古力心太軟伴雪糕$38。法式龍蝦湯 ~ 味道普通，但跟餐只是加$18， 都算好抵飲。西班牙咖啡 ~ 有一球雲呢拿雪糕， 雲呢拿的甜味配咖啡的香濃，唔錯！Expresso ~ 超級濃郁的咖啡香，飲完成個醒神曬！西班牙黑毛豬鞍 ~ 肉質鬆軟，肥瘦適中，煮得啱啱好！炭燒美國安格斯肉眼牛扒 ~ 我叫了七成熟，超大塊的肉眼扒，除了份量十足之餘，仲食得出肉質的新鮮和嫩口。朱古力心太軟伴雪糕 ~ 心太軟賣相麻麻地，不過食落的味道都唔錯。估唔到佐敦都有一間有水準的西餐廳，價錢平民化，lunch set百幾蚊已經有一個扒餐，食物的質素都唔錯，下次我會再來試下他們的晚餐。

佐敦餐廳眾多，最近仲有吾少新餐廳。貪新鮮既同事推介呢間新開張左幾個月既餐廳，話係門口見到lunch menu包餐湯、蒜蓉法包、主食同餐飲，都係$48至$128。大家見幾抵食，所以決定試試。呢度都幾近九龍公園，係近九龍公園體育館出口行5 min就到。好采我地偷🐥早少少出黎，吾洗等位，可直入。餐廳裝修簡約新淨，感覺優閒。午飯套餐有10個選擇，全部都包餐湯、蒜蓉法包、主菜同餐飲，仲有得加錢配甜品。我揀左8號餐：香煎比目魚(蒜蓉牛油汁、薯條)先黎既係餐湯同蒜蓉法包。蒜蓉法包有驚喜，十分脆口，暖暖既，好想食多塊。餐湯飲得出吾係罐頭湯，d蘿蔔蕃茄洋蔥吾會煮到淋哂，可以食埋。香煎比目魚賣相有心思，用西蘭花墊住塊魚，望落整齊d同可以避免整淋d薯條。比目魚兩面煎香，中間肉質保持鮮嫩。薯條炸到好酥脆，無得輸。最後嘆番杯茶，醒神下。薑茶茶包，加片檸檬，吾落糖都吾會話好寡咁。同事果杯西班牙咖啡好似甜品咁，有球雪糕係上面。佢讚舊雪糕同咖啡好夾，中和左咖啡既苦澀味同提升左細膩度。門口有下午茶套餐menu，四十幾蚊起。