嘉兵衛 (已搬遷) 新店位置

相較元朗大馬路及新開發的Grand Yoho，還是喜歡去元朗劇院一帶。這裡沒有市中心的人滿之患，有特色的食肆既多亦不用排太耐，文康體藝設施俱全，讓人靜一點、慢一點享受假日晚上。這夜到了由日籍夫婦開的嘉兵衛晚膳，預先訂枱的客人很多，walk-in的我們差一步就要等半小時～兩人叫了兩份定食－香煎菠蘿鹿兒島豚肉（隨附煙三文魚沙津和三文魚湯）、親子丼（隨附三文魚湯、帶子漬物、秋葵）。點的都是比較家常的菜式，但豚肉煎得香軟，伴以菠蘿和燒汁送飯一流。親子丼的蛋液不會太乾、雞肉嫩滑，伴著足料的三文魚湯，寒冬中很是暖胃。

今日收工去元朗整野，終於可以去呢間上次想食又食唔到既日本料理啦。因為聽元朗人介紹話好好食架，所以今次明知入元朗就早d 搵朋友book定位。如果唔係又有排等，就算等到位都未必食到，因為晏左d食才會售罄晒架🙈🙈🙈我地幾個抱住好期待既心態去，未夠鐘開門我地已經係門口睇定食咩，諗住一夠鐘就入去食早個飯。入到去，鋪面係的式不過係骨子既，仲有d家庭feel添。我地一坐低就嗌左幾個定食同小食一齊share喇。其實齋睇賣相係呃到人架，不過食落就知道係名大過實。先講下個小食，其實都ok既，個薯餅炸得唔錯，外脆內軟，不過紫薯栗子，我就真係食唔出有栗子味或者栗子蓉，但係味道都可以既。至於定食，佢係有一碗麵豉湯，細粒帶子加裙邊，秋葵同兩片三文魚刺身跟埋既。我嗌左個味噌豚肉定食，賣相相當吸引，d豚肉係半肥瘦既，肉質都ok，不過略嫌味道太鹹啦，要不停飲水。反而個麵豉湯唔錯，仲好多料添。個親子丼，冇咩特別，不過不失咁。反而個鰻魚真係中晒伏，佢一陣鹹魚味，唔講以為食鹹魚雞粒飯，重點係食鰻魚點會冇鰻魚汁架，所以個飯係得d鰻魚切粒鋪面，仲乾爭爭咁，於是我地叫佢加番個鰻魚汁比我地，佢地話煮既時候已經加左，起初唔肯比我地，最