影片
更多
2024-02-05
3153 瀏覽
約咗啱啱返黎香港嘅朋友食晚餐，佢今次就同埋先生嘅屋企人返黎，話想食餐特色嘅中菜，即刻訂位食呢間～北京樓！點解揀呢間？佢嘅位置非常好，尖沙咀星光行，佢哋係韓國過黎，可以行街之餘仲可以睇埋夜景，真係雙贏！講返食嘢先，因為睇咗個套餐餐牌，有啲食物佢哋好似唔啱食，所以就散叫！今次好好呀，安排間包房比我哋，坐得舒服之餘仲可以清靜啲傾下計！好開心，人多就係可以叫多啲食物，我哋一共order咗10款食物同3款甜品，睇下食咗啲咩先🤣🤣烤北京填鴨一隻作為北京樓嘅招牌菜式，真係完勝！皮香肉脆嘅鴨皮，帶出陣陣鴨肉嘅香味，而且真係入口即化，包住一層皮包，再沾上醬料同配菜，真係名不虛傳！生菜片鴨鬆鴨片就食咗啦，咁其他鴨肉就梗係唔好浪費，黎個一鴨兩食，整個生菜包鴨鬆，香味十足！松子黃花魚呢個都係非常好食嘅菜式，酸酸甜甜嘅汁，加上黃花魚嘅鮮味，真係可以食多2碗飯🤣🤣宮爆明蝦球佢地用嘅大大大蝦球，加咗少少辣椒，食落唔會特別辣（好啱香港朋友口味），不過就特別香同爽，啲大蝦唔係用新鮮蝦一定做唔到咁正！宮廷四合蔬呢個估唔到幾有特色，用合桃炒時蔬，唔會太單調，好夠清！灌湯小籠包好得，一上台朋友諗住即食🤣🤣🤣點知⋯⋯⋯㷫親個咀
點解揀呢間？佢嘅位置非常好，尖沙咀星光行，佢哋係韓國過黎，可以行街之餘仲可以睇埋夜景，真係雙贏！講返食嘢先，因為睇咗個套餐餐牌，有啲食物佢哋好似唔啱食，所以就散叫！
今次好好呀，安排間包房比我哋，坐得舒服之餘仲可以清靜啲傾下計！好開心，人多就係可以叫多啲食物，我哋一共order咗10款食物同3款甜品，睇下食咗啲咩先🤣🤣
烤北京填鴨一隻
作為北京樓嘅招牌菜式，真係完勝！皮香肉脆嘅鴨皮，帶出陣陣鴨肉嘅香味，而且真係入口即化，包住一層皮包，再沾上醬料同配菜，真係名不虛傳！
烤北京填鴨
297 瀏覽
1 讚好
0 留言
烤鴨片
116 瀏覽
0 讚好
0 留言
生菜片鴨鬆
鴨片就食咗啦，咁其他鴨肉就梗係唔好浪費，黎個一鴨兩食，整個生菜包鴨鬆，香味十足！
松子黃花魚
呢個都係非常好食嘅菜式，酸酸甜甜嘅汁，加上黃花魚嘅鮮味，真係可以食多2碗飯🤣🤣
松子黃花魚
124 瀏覽
0 讚好
0 留言
宮爆明蝦球
佢地用嘅大大大蝦球，加咗少少辣椒，食落唔會特別辣（好啱香港朋友口味），不過就特別香同爽，啲大蝦唔係用新鮮蝦一定做唔到咁正！
宮爆明蝦球
53 瀏覽
1 讚好
0 留言
宮廷四合蔬
呢個估唔到幾有特色，用合桃炒時蔬，唔會太單調，好夠清！
灌湯小籠包
好得，一上台朋友諗住即食🤣🤣🤣點知⋯⋯⋯㷫親個咀，上湯包嘅小籠包，皮薄涵靚🤣🤣🤣每人都要食2-4隻先夠！
灌湯小籠包
54 瀏覽
0 讚好
0 留言
砂鍋雲吞雞
呢個幾好，湯之餘仲有鮮雞，而雲吞唔會太大粒。
榨菜肉末配叉子
呢個好好食，因為我好鍾意食榨菜，榨菜炒肉末再放埋入款叉子，加上叉子上面嘅芝麻香味，會食完想再食！
榨菜肉末配叉子
73 瀏覽
0 讚好
0 留言
三鮮蝦仁豆腐
呢個睇落平平無奇，但我就覺得好啱小朋友食，滑溜嘅豆腐配上蝦仁，餸飯一流！
金腿扒津白
呢個雖然好清淡，但金腿入口唔係好硬，而且有美味嘅金腿香味！
金腿扒津白
73 瀏覽
0 讚好
0 留言
當大家都食到咁上下，會諗起好想食甜品，香港好多酒樓都有呢個好處，有埋甜品可以order！
高力豆沙
呢個係必食甜品，其實我成日都當咗係沙翁🤣🤣🤣食到入面嘅豆沙先記起！用上靚蛋白製作而成嘅高力豆沙，一啲都唔溜！
高力豆沙
114 瀏覽
0 讚好
0 留言
豆沙鍋餅
豆沙鍋餅相信好蛋餐廳都有，但呢度係可以食到唔止係豆沙蓉，而且係有埋豆沙粒㗎😍😍😍
豆沙鍋餅
58 瀏覽
0 讚好
0 留言
楊枝甘露
有別於其他餐廳，佢哋嘅楊枝甘露係會配搭埋芒果味嘅雪糕，啲西柚亦都係選擇唔酸嘅。
老實講，呢間都算係我成日去食嘅餐廳，而且都好蛋分店，今次其實係第一次食星光行呢間，估唔到比我感覺係💯！而且環境真係好好，就算大廳嘅枱都唔會太迫，同時亦都可以欣賞到夜景！
環境：⭐️⭐️⭐️⭐️⭐️
服務：⭐️⭐️⭐️⭐️
品質：⭐️⭐️⭐️⭐️⭐️
價格：⭐️⭐️⭐️⭐️
張貼
