百味堂 (已結業)

黎自韓國大熱嘅甜品店「 百味堂 」早前7月1日登陸左香港尖沙咀K-11商場內以為期三個月嘅限定店形式經營百味堂品牌背後係成立於1964年嘅韓國本土牛奶公司而百味堂於兩年前開始開設甜品品牌係韓國有多間分店牛奶產品甜品就係佢地嘅主打所以最出名就係牛奶雪糕用100%有機奶製成牛奶味非常濃郁 好似飲緊支全脂奶咁雪糕嘅質地唔係平時食嗰種軟雪糕個種軟身質地濃滑 有少少似雪皅嘅感覺但硬DD外貌形狀扭紋得非常有美感第一次幫襯我會建議食牛奶口味而第二次幫襯時我選擇咗豆漿牛奶味豆漿味比我想像中都濃亦都係好好味價錢係$48杯 可以揀甜筒或杯裝價錢的確幾貴 但食得出有貨素當然雪糕仲有好多特別口味例如米糖薑末丶tirmaisu丶紅豆丶紅棗脆丶栗子等此外亦都有多款蛋糕佢地嘅蛋糕都係用有機牛奶製成架

自從上次釜山遊之後一試愛上既牛奶雪糕，7月1日終於黎到香港喇！雪糕奶味重因為用左農場直送100%有機牛奶，無唔食唔朝聖既理由呀！係高貴既商場既中庭，用左全木系既裝飾，超級搶眼。除左入面同埋旁邊會有得坐黎食之外，側邊都加設左小枱仔方便就咁食雪糕。琴日第一日正式開業，真係好多好多好多人，排到咁上下會見到一個百味堂既展櫃，入面放左好多唔同既展品好似咖啡壺呀百味堂既咖啡杯等等，可以一路排一路睇唔駛咁悶。除左餐牌之外仲有呢個百味堂既八大賣點，用得100%牛奶做點都唔會差既。當然唔少得好靚既擺設喇，百味堂係用農場直送既牛奶，所以有大大個牛奶壺同前面放左好多牛奶做賣點。終於排到喇，入面就係呢度會有位可以俾大家坐，如果大家想食個雪糕或者嘆個milkshake都可以。除左雪糕之外仲有唔同款既蛋糕同埋咖啡可以揀，咖啡即叫即沖架，現場見到都有好多人叫。見到咁多雪糕筒即係我排到喇，好期待呀，俾完錢就會見到佢地最特色既放雪糕轉轉轉，一個個整好既雪糕就咁放係你面前。食得喇，叫左兩隻味，豆漿牛奶味($48)，普通牛奶味上面加左豆漿，食落無咁甜身，會有豆味不過唔算係太突出。呢個就係原味牛奶雪糕，食落比豆漿牛奶味甜少少