清心齋

營業中

休息中

今日去將軍澳探朋友，當然不能兩梳蕉就上去，上人屋企當然問人想食乜佢竟然指明叫我去樓下TKO Gateway地下Food Lane嘅<清心齋> 買芝蔴餬豆腐花同埋糕點上去，仲要話係超好食的。排緊隊嘅時候已經見到店員叔叔幫前面嘅客人喺木桶度裝豆腐花出來，熱辣辣噴曬煙都不特止，仲見到真係超滑！！原來豆腐花係自家石磨，淨係睇都已經覺得令人覺得滑到不能信服！！〈豆腐花〉我寫得食評就當然有圖有真相，真係滑到一個點！！豆味又夠香濃，話係本兔兔生食過嘅最滑最正豆腐花都絕對冇誇張！！有豆腐花當然少不了芝蔴餬，同樣都是自家磨製的！！〈芝麻糊〉烏卒卒夠濃郁，帶有芝麻嘅自然油香，正！！〈豆漿〉見豆腐花咁靚，所以都買咗支豆漿邊行邊飲，果然沒有令我失望！！淡淡嘅黃豆香沒有加入過多嘅糖分，清香濃厚。而家仲要做緊優惠價，$10一大支，超抵飲另外見到七彩繽紛嘅各式凍糕，就每樣要咗一件上朋友屋企食。馬蹄糕（左）~馬蹄夠爽脆，晶瑩通透，口感清新。杞子桂花糕（上）~有淡淡嘅桂花清香，剛好用筷子夾到卻不會過硬，軟硬度適中。蘆薈椰汁糕（下）~初初以為冇乜驚喜，但原來甜又滑嘅椰汁糕入面加入爽口嘅蘆薈，軟中帶爽，口感

我家有不少東西都要修理和執整，一人真的攪唔掂，點算好？要兩老出動啦！他們一早上來，我也要準備下。決定去Foodlane買些外賣，發現有間齋舖，廚櫃放滿齋品、糕點、豆漿，旁邊還有木桶豆腐花，岩晒兩老。*****************************先要盒齋滷味（$30/大），有齊蠔油根、甜酸根、咖哩根和齋鴨腎，全部都大大件，份量好足。蠔油根味道剛好，不會太鹹；咖哩根香而不辣；齋鴨腎弄得入味，有咬口得來亦不會太硬；甜酸根最討大家歡喜，酸咪咪好醒胃。*****************************腐皮卷（$18）一客四大件，腐皮柔軟，捲着木耳、沙葛、紅蘿蔔和冬菇，口感豐富，且不油膩，健康之選。還要了一條素鴨（$15），它是我由細到大都喜歡的素食。煎又得，蒸又得，就留待今晚做餸吧！*****************************糕點超多選擇，數一數，連埋砵仔糕足足有十款，揀了其中六款，共八件，有紅棗糕、芝麻糕、紅豆糕、椰汁蘆薈糕，各一件，香芋糕和杞子桂花糕各兩件（$23/4件），超豐富！我最喜歡是紫色的香芋糕，軟滑的糕身中夾雜香芋茸，啖啖芋頭香，香甜而不膩。老爸愛

話說都好久無食齋，因為齋舖都唔係周圍有～今日嚟咗坑口，周圍八卦嘅時候發現有齋賣，除咗酸齋，仲有好多糕點呀～好吸引！砵仔糕，都幾多豆～正！不過略嫌粉多咗啲～仲有豆腐花哦～今日芝麻糊賣晒⋯⋯可惜可惜，如果唔係就可以食我最愛嘅芝麻糊豆腐花勒～酸齋有兩個分量，細$15（可選兩款）、大$30（可選四款）大盒抵好多呀～同埋件件都好大件，佢無剪開。呢間嘅齋味道唔錯，入味，而且有咬口。各式糕點：馬豆糕、紅棗糕、芝麻糕、桂花糕、彩虹椰汁糕、芒果西米糕、香芋糕、蘆薈椰汁糕及紅豆糕$7/件、$23/4試勻咁多味～好過癮！每款都好食，而且甜度適中～紅棗、芝麻糕味道香濃！甚為足料！香芋糕更是未見過，好好食～彩虹椰汁糕，味道食緊似落咗奶嘅啫喱，好食，我覺得小朋友會好鍾意～豆腐花，滑～加咗糖水同糖，返到屋企糖都溶晒～但唔會好甜～芒果布甸好味，好夠芒果味～加啲奶～正！下次可以去買餸，順手加餸～

以前是厚德街市現在改頭換面變成了食街非常之多選擇最近食得滯滯地想食清清地食下齋點知見到呢一間清心齋好多七彩繽紛嘅糕點吸引住一於就外賣一些回家食抵食豆腐花$8 碗非常清甜豆腐滑溜甜點糕點$23有四件芒果椰汁西米糕有先芒果肉感覺似食緊芒果椰汁西米露蘆薈椰汁糕感覺清新，不會太甜，椰汁味剛好香芋糕喜歡香芋味的朋友必食極力推介感覺似食緊香芋味雪糕桂花糕濃濃桂花味加上係啫喱嘅口感落足料彩虹椰汁糕其實是啫喱再加椰汁糕工序比較繁複所以在街買係抵食嘅馬豆糕鋪滿晒馬豆用料豐富黑芝麻糕不要期待是粘糯的感覺紅豆糕甜度適中馬蹄糕馬蹄爽甜砵仔糕都好多紅豆口感係粉粉的年糕唔會太甜口感都是粉粉的不癡牙芒果布甸比較甜如果自行加花奶會好食啲腐皮卷一流落鑊煎一煎佢唔使落油都好好食$30一大盒齋買來送飯送米粉一流清清地咁又一餐最後仲買埋兩支豆漿$12一大支抵過出邊買飲料又健康又有益又有營養