快樂漁港酒家

營業中

休息中

今次嘗試食套餐，果然有驚喜，$350元一位包海鮮同加功費，我哋一共有九人可撰擇七種海鮮，仲有油菜、海鮮湯、炒飯、水果及甜品。選擇咗蒸鮑魚、蒸扇貝、蒸海斑、上湯焗龍蝦、蒸蝦、薑蔥炒蟹、豉汁炒蟶子，每樣海鮮都好新鮮彈牙，味道適中，仲好大碟添。最後埋單$3505，員工服務態度好有禮貌，下次一定再來。

突然想食奄仔蟹, 就打去問吓有冇. 酒樓話有, 咁就放工過去. 之前去鯉魚門食有試過𠰴好既經驗, 亦是過好既經驗. 良莠不齊. 大家自己搵多啲資料.喺 openrice 見到有人話快樂+享記, 快樂之前食過兩次, 是唔錯的, 但享記就未試過, 咁就試一試啦. 去到行晒成條街都唔見享記, 仲以為執咗, 正諗住走, 返轉頭先見到佢個門牌, 原來間舖喺條巷到入去.見網上有人話有個每位 $360 既餐, 可以選6樣海鮮, 好似幾抵咁. 但係我地想食奄仔蟹, 個 set 唔包, 老闆話如果係咁, 散叫可能仲抵. 跟住攪嚟攪去, 最終都係散叫, 阻住老闆咁耐都覺得有啲唔好意思....第一碟係豉椒炒蟶子 (兩隻). 好新鮮, 炒既時間啱啱好. 第二碟係椒鹽瀨尿蝦 (一隻), 又係冇得輸, 第三碟係黃金蝦, 呢個蝦我地原本冇叫, 係享記老闆話送俾我地食. 第四碟就係上湯本地龍蝦, 享記有兩款龍蝦, 一款澳洲, 一款本地, 老闆話本地就香啲但就貴少少, 既然未試過, 咁遠嚟到就試吓, 唔好食就當俾人呃一次, 冇下次, 不過出嚟證明咗海鮮老闆都幾老實, 冇呃我地. 第五樣就係菜心, 煮工包埋的. 味道正常

其實剛於2月尾同老婆與友人先食過一次，但格過幾個禮拜後引起又想再入鯉魚門食海鮮，同想係鯉魚門食海鮮食得平，又要好食，就一定係享記加快樂依一個組合，人衡$300就可以揀5款海，就包埋酒家加工錢。今晚我哋揀咗扇貝，海蝦，龍蝦，北海道毛蟹，同青班仔，我哋重加多咗一個海鮮，蟶子皇添，老闆娘重送咗啲花甲，咁就加埋6款海鮮，快樂果邊一般都會送個海鮮湯同油菜嘅。豉椒炒蟶子 - 鮮甜肉爽，豉椒味無遮到蟶子嘅肉味，大大隻，好食。黃金蝦 - 好食，蝦夠新鮮同大隻，黃金蝦可以成隻連殼一齊食，好食。蒜蓉粉絲蒸扇貝 - 唔好以為啲蒜蓉粉絲咁大pat就以為粒扇貝好細粒，都係中等size，絲粉唔乾身得嚟濕潤帶蒜蓉及豉油汁，扇貝新鮮彈牙又鮮甜，好食呢。清蒸石班 - 廣東人蒸魚，只要新鮮就會好食，魚旗向上，明顯新鮮啦。花彫蛋白蒸北海道毛蟹 - 花彫，蛋白加蟹汁三者同蒸係一個完美嘅配合，只要蒸煮時間啱無可能唔好食，毛蟹唔係好大隻，但300蚊食餐，又毛蟹又龍蝦邊到搵呀。芝士焗龍蝦加伊麵底 - 本地龍都叫做大隻，爽彈，焗得唔會過火，芝士味好重，份量以三個人嚟講算多，伊麵吸晒啲汁一齊食好好食呢。上湯花甲 - 肉爽清甜，好食。入

今日同一家人去鯉魚門食海鮮，而家好多人食海鮮都會分散左去屯門三聖或者流浮山，我地一家就始終係鯉魚門既fans呢間海鮮酒家連個名都有莫名親切感，沿路行去係濕濕立立既路同一浸海鮮味，但去到酒家門口就會唔同哂，因為翻新無耐，裡面裝修頗新架～～海鮮由嗲地發板，我地就坐係度等食。先炒左碟菜同叫左出名既木瓜雜魚湯。個木瓜雜魚湯，魚味勁濃，飲完唔口喝，即係一d味精都無？無都咁好飲既？（由於比我地呢班餓狼清哂，所以影唔切相）炒蝦拼煎米粉餅，蝦既鮮味配上好少酒家提供既炸米粉餅，簡直一流避風塘瀨尿蝦，大隻多肉，唔洗講個d炸蒜炸到個瀨尿蝦香到不得了，真係連殼都想食埋。蒜茸蒸貴妃蚌，真係好似貴妃蚌咁珠圓玉潤，新鮮厚肉，媽呀！好味呀！登登登登！我最愛既蟶子，豉椒炒，d肉多到好似食扒咁，十萬個Like呀！

今晚Kiwi同友人們去咗鯉魚門，食!海!鮮!行過每間海鮮舖都不斷sell我地，最後揀咗呢間睇到海景嘅快樂漁港酒家。有啲酒家會逐碟唔同煮法唔同價錢，邢呢間就公道啲每人比100蚊就任你咩煮法煮幾多都得。一叫完海鮮侍應就先送上豆腐湯，清清地幾鮮甜。豉椒炒蟶子。蟶子好爽，配合埋個豉椒咸度剛好，真係可以撈幾碗飯食。蒜蓉粉絲蒸扇貝。好鮮甜，蒜蓉味唔算太重同埋粉絲食一流。果皮蒸鮑魚。雖然冇乜果皮味，但肉質ok，唔會韌。酥炸生蠔。好特別，外面好酥脆，入面個蠔都好有份量，唔錯。一魚兩食，啲肉好腍，叫一種海鮮可以食到唔同口味，好抵食。最後有生果同椰汁桂花糕送，作個完美嘅結號。

今日星期六, 冇訂位, 好在早到! 酒家方面服務好好, 佢地今日全場爆滿, 但仍然好盡力咁安排座位畀我地![[]]- 鯉魚門既SERVICE好好多! (1) 冇訂位都好盡力安排座位畀我地! (2) 帶/幫我地揀海鮮既人/伯伯都好友善! (3) 好勤力幫我地換骨碟- 裝修好好多 (咁多間海鮮酒家都係!!!)- 同埋好似平少少?快樂漁港送既野食都幾多 (湯+甜品+生果), 令人好驚喜同窩心! =3=