但馬屋 (新都會廣場)

營業中

休息中

我同老公一向都好鍾意食shabu shabu，相信好多香港人都一樣，不論春夏秋冬都會打邊爐，今次揀左位於葵芳新都會廣場嘅但馬屋，之前一直好想食，今日終於都試到喇。6點幾向機場接完朋友收工後，一路上老公就用app拎左飛先，我地泊好車後去到門口已經7點多，當時大概有二十人等候，望一望只係等兩張枱就到我地，但都大概等左45分鐘，8點就入座了，店內環境光猛，職員友善有禮。我地今次揀左日本產黑毛和牛放題套餐一人一鍋，每人都可以選擇自己鍾意嘅湯底喇甘露鍋其實就係甜醬油湯底，幾好味藥膳麻辣鍋朋友略嫌唔夠辣，但喜歡辣嘅朋友都可以一試過下口癮意式蕃茄芝士蕃茄味重，甜甜酸酸好開胃，芝士味略淡一點黑毛和牛我地一共食左10碟因為實在太好味，和牛雪花好靚入口即溶唔會有渣連平時唔多食牛嘅老公都食左好多塊仲一路食一路讚tim豚梅肉都一樣係入口即溶架配料有唔少選擇重點係有雞件同魚塊個人覺得都幾重要，因為唔係來來去去得牛同豬食雞件嫩滑，魚塊無骨，啱晒我呢啲懶人食但馬屋嘅飲品除左有汽水同道地飲品外，仲有一揸揸嘅蘋果汁，雜果賓治，竹庶水，最後仲有15分鐘時間，職員就叫我地埋單喇，呢個時候當然要食甜品啦，呢到嘅雪糕選用Haa

每次去襯日本，例排都會去食但馬屋！但係依家唔洗等去日本...都可以係香港食到𡃤！超開心😋呢回第一次到訪葵芳新都會廣場新開冇耐嗰一間，揀咗個90分鐘$199澳洲榖飼牛放題，仲可以每人一鍋！鍋底我哋分別order咗個藥膳麻辣鍋(好有麻辣味)同意式蕃茄芝士鍋(蕃茄味濃)。湯夠味；啲肉完全可以唔使加豉油等其他調味料。不過最估唔到嘅竟然個豚肉好食過牛...而且入口即溶👍👍👍另外，佢個魚柳超新鮮...冇骨大大舊又啖啖肉！仲有佢啲雞係用雞肶肉！一啲都唔求其！飲品方面，除咗有罐裝飲品，仲有甘蔗水，雜果賓治同果汁。甜品有HaganDazs 雪糕！PS: 1) 按唔同食客需求，餐廳係Lunch/下午時段分別有60/90分鐘唔同嘅收費套餐，或set-lunch。2) 手機app (Tge Gulu) 有得book檯, 超方便！

食火鍋放題我一向會肉類質素高既店去幫襯，原因係肥柑子一向眼闊肚窄，食慣好野，唔想將浪費時間同肚皮位置係唔好既食物度。今次幫襯但馬屋，因為知道呢間係日本遠道而來既過江龍，食物質素有保證，所以就算要等位，都一於等到有位入座，好好品嚐一流和牛。首先去到店外已經有人排隊，幸好人數不多，而早一輪食客都已經接近埋單時間，所以只係稍等一會已經有位。入到去發覺裝潢新淨，光猛通透，長長既凍櫃放滿不同種類食物，而且仲有Haagen-dazs雪糕櫃，真係想食和牛前先食過雪糕。我同柑太點左個$298既黑毛和牛放題，我就點了個美肌鍋，她就點了千夜鍋。即是雞湯鍋及鰹魚湯。千夜鍋有清香的鰹魚湯，入口帶點昆布的清香，清甜不膩。美肌鍋有雞肉的骨膠原，絕對是美肌首選。第一輪黑毛和牛上檯，發現和牛油脂滿佈，入湯焯一焯後入口即溶，和牛的牛肉味及油脂即時充滿口腔內，味道令人一試難忘。豚梅肉亦非常嫩滑，即使煮得稍耐，肉質仍然鮮嫩多汁，絕不老韌。這裡最大的好處是可以有大量的羽衣甘藍供食客食用，這種近年非常流行的蔬菜已經成為坊間的健康食物的首選，幾乎任何與健康有關的食物都會和它拉上關係。在這裡卻有一大盤一大盤供你拿回去焯熟，對降低食