全記海鮮菜館

營業中

休息中

襯天氣好，開始有秋意，想去西貢邊吹吓海風，邊食海鮮。每次都會選擇呢間全記，我覺得佢地服務不錯，海鮮又新鮮，最重要，價錢合理。好喇，出去揀海鮮喇先揀左海中蝦，白勺，冇得輸，次次都食。呢日番左蝴蝶蚌，正呀～煮法：鹽油蚌肉肥美鮮甜，又冇沙。呢隻蚌只係秋季出現，亦只得2-3個月有得食，所以一見到就即刻order啦。然後揀左隻象拔蚌做刺身，價錢好合理架，師父抓上手後，會先推走d水（合理啦…用重量計算費用嘛）。個胆仲可以用黎煲粥或椒鹽，但我選擇帶走開始熱食了，揀左d花螺，烏冬辣酒煮啦，夠辣呀，又野味，但覺得烏冬太少了，可能佢唔係主角呱，若果多少少就好了。黎喇黎喇，叫左隻大奄仔，師父話保證多膏。果然冇食言，鹽油焗出黎，一打開，爆膏啦！蟹膏鮮甜甘香，肉質嫩滑。最後加多碟薑汁介蘭，隨後餐廳送上免費紅豆沙，唔太甜，有沙有果皮味，好味呀。

月前,老闆話食個晚飯,揀咗噚(5-7-2019 Fri )晚嚟呢間食,一行12人,我哋 食咗:1. 麻辣鴨舌唔係好感覺到麻,只係辣,都幾辣.味道:3分2. 沙薑雞腳雞腳好多肉,好腍味道:5分3. 齋腰果真係好齋,但口感正常脆唔太鹹,卻又OK.味道:5分4. 長腳蟹身上湯伊麵蟹身肉多,新鮮,伊麵唔會太鹹.不過冇剪到,建議可剪成半條.味道:5分5. 燒鵝一隻一直用火喺下面熱住,皮脆. 味道:5分6. 牡丹蝦刺身大大隻鮮甜. 味道:5分7. 椒鹽瀨尿蝦大隻,啖啖肉,好彩味道都溫和.味道:4分8. 豉椒炒蟶子蟶子大大隻,爽口.味道:4分9. 海鮮湯白色湯,內裡有白菜,味道同我喺屋企飲到嘅魚頭湯一樣.味道:3分10. 西蘭花應該係清炒,正常冇問題.味道:3分11. 陳皮蒸鮑魚Size 啱啱好,又厚身,爽口.味道:4分12. 椒鹽牡丹蝦頭同樣味道都溫和,蝦頭都有好多糕.味道:4分13. 蒜蓉粉絲蒸扇貝同樣係溫和嘅菜.味道:4分14. 象拔蚌刺身感覺有啲鯹.味道:3分15. 花鵰蛋白蒸長腳蟹腳蛋白蒸得滑,蟹肉同樣係鮮甜.味道:4分16. 腐魚通菜?唔太濃味.味道:3分17. 椒鹽象拔蚌頭粉漿唔厚,味

是日平日，我黃阿瑪話要入西貢食海鮮， 浩浩蕩蕩七時入席， 冇人等位，之前食過幾次都係星期六日，真係好大分別，而且印象中服務員同食物都一般般，“貴”字最為有印象，誰不知今日令我對全記有d 改觀，食物係有水準，服務員係有服務，我地帶酒黎飲，開瓶費都只係40蚊，記住，有d 餐廳係要平日黎

上星期六帶埋家人, 一行五人, 入西貢食海鮮, 之前已經做晒research 所以唔洗搵, 一心一意直去我心儀的食店, 爸爸話去到咁遠食拍夜, 所以叫我book早d, 所以我地book左6:00pm, 我地5點幾就入到西貢, 間食店咁早都冇咩人, 所以一入去就有位, 坐定之後, 問下家人有咩想食, 爸爸想食象拔蚌, 媽媽想食蠔, 奶奶就冇所謂, 我就同老公出去門口選海鮮啦, 好多品種呀! 真係花多眼亂呀! 我地要左一條3斤幾嘅象拔蚌(做刺身), 要左一杯美國蠔(做薑蔥蚊), 要左兩斤花甲(做豉汁炒), 要左3大隻賴尿蝦(做避風塘), 又要左一束聖子王有7大條(加粉絲豉汁蒸)1)象拔蚌刺身 -- 超正! 好新鮮!2)薑蔥蚊蠔 -- 正! 不過一人得一隻好似少D!3)豉汁炒花甲 -- 一般! 炒得老左少少! 過左火!4)避風塘賴尿蝦 -- 超正! 好鮮味, 啖啖肉!5)粉絲豉汁蒸聖子王 -- 正! 好好味!另外仲加左幾個小食, 有椒鹽豆腐, 滷水鴨舌, 炸雲吞, 和一個鮮蝦全記炒飯添!~ D小食都OK架! 個炒飯炒到一粒粒, 媽咪話個炒飯炒得好靚喎! 埋單成為

上星期五預祝朋友生日，佢話想入西貢食海鮮，所以一班人就放工搭車到旺角再轉小巴入去~~一行6個人點左6樣野︰有白灼生蝦，不過味道就麻麻，d 蝦味唔夠，同埋好似冇咁新鮮..........象拔蚌刺身 + 粥，刺身好食，有鮮味~~ 而粥又夠綿，只係差在唔夠肉 生炒骨一般，只係朋友想食先至叫~~ 肉有少少 "淋"蒜蓉粉絲蒸扇貝，一個字︰正！蟶子王，食落有沙...........排除左呢個之後咬口好爽~~因為 budget 有限，所以大家都唔敢再叫咁多~~ 等第日有錢再黎食過~~