維記咖啡粉麵

營業中

休息中

已經好多年冇去深水埗食維記啦 !!今日正好路過黃金商場，就一個人行去維記叫碗豬潤麵嚟試下 ，希望可以回味下從前同老婆拍拖時成日都來食既味道 ，一去到門口一如過往有好多人喺門口排隊 ，但等咗大概五分鐘已經有位喇 ，嚟到呢度 唯一冇變嘅就係落單阿姐永遠都唔使寫低你要食d咩，亦都可以記得每一位客人叫咗啲乜嘢 ， 再用唔純正嘅廣東話同廚房大叫"豬潤嘔麵"😂😂 印象中我黎咁多次都未錯過。味道同我當年食既印象已經冇咁好食啦!! 公仔麵煮得太林， 豬潤又薄咗少咗，湯亦都淡咗好多啦!但香港呢類型食肆已經買少見少 希望佢仍然可以保留番以往一貫嘅味道， 繼續保留 傳統嘅特色。豬潤牛麵

今日出開黃金，記起好耐無食過維記，決定再去食一食先！等左兩三個字有枱，我每次都係食豬潤牛麵，而黎過呢度都一定有聽過啲姐姐點樣嗌：豬~潤~嘔~麵~ 同埋佢地落單永遠唔洗寫低，你講幾多佢記得幾多，真係好勁。幾年無黎食過，佢個湯底仍然都係好清好好味，雖然比較起以前好似鹹左少少，不過豬潤無變，一樣好嫩好大塊；牛肉都好淋身，唔會煮得太熟。食辣既記得加辣，佢地個辣油好惹味！仲有要提醒係佢地杯野飲係好迷你⋯我都係叫左先記得，𠽌左幾啖就KO左一食完就拿拿臨起身走，因為門口條人龍係亞視黎，永遠都存在⋯

這次與朋友專程去到深水埗品嚐於香港非常著名，每日每段時間都是客似雲來的豬潤麵專家-維記咖啡粉麵！一如過往，午餐時段需要排隊，等了大約十分鐘左右，不用考慮便叫了兩款馳名食物。豬潤牛麵果然名不虛傳，豬潤和牛肉非常新鮮，湯底非常好清，再配上不硬不軟的公仔麵，好吃。咖央西多西多士加上咖央醬，口感非常好，但略嫌太甜，建議可以不用落糖漿！總結:食物款式選擇多，味道好之餘，亦很足的份量,每次都是水準之作, 大滿足

好耐好耐無寫食評呢排去深水埗一定記得呢間維記食返個豬潤牛麵先至安心麵 軟硬適中牛 嫩滑有咬口潤 唔腥之餘又爽口食飽飽之後唔好唔記得飲埋尐湯真係好好飲又無乜味精再加埋一支可樂真係成個人都爽晒