越式越好味 (已結業)

我第一次食越南嘢同埋個胃有少少抽筋本身唔係好想食嘢唔著想周圍揀所以就坐低就入咗去食，先講餐廳個環境，其實都幾光猛，深水埗來講係衛生揀緊嘢食嘅時候姨姨就拎咗杯茶，我試飲咗一啖，幾特別好似有啲奶茶味嘅麥茶，然後就睇食評就揀咗個撈檬。嗌咗杯熱華田。我以為熱飲係送嘅點知原來要俾$冇留意到就嗌咗。叫咗嘢食等咗一陣就上菜，然後佢俾咗嗰啲特製醬汁之類，我加咗少少跟住就撈埋嚟食，食咗第一啖嘅時候好開胃好鍾意！！本身我自己係一個好鍾意食酸嘢嘅人，食咗一啖就停唔到反而我男朋友就覺得太酸但係我就覺得好正。我就好快食完，食咗兩三啖我以為自己會唔夠食，點知成碗食晒啱啱好我見到有人會嗌沙冰飲，我睇到都幾大杯唔錯。下次會再嚟食！同埋阿姨好Nice，唔知佢繁忙時間嘅服務態度係如何，不過我夜晚來講唔算多人，服務都非常之好，好有禮貌會問清楚邊一碟係邊個先比我地整體來講係深水埗，價錢又唔算貴，鍾意食酸嘢嘅的確可以試下推介推介不過建議就係可能主菜可以整返熱少少，或者我唔識嘢可能係要凍凍地先得，不過係好推介鍾意食酸嘢嘅人嚟試吓，反而我男朋友就覺得有點太酸

蕃茄蟹肉扎肉湯檬（56蚊）第二次食呢間，雖然都係外地人做店員（越南人！？），但食物卻一般。特別對蕃茄蟹肉扎肉湯檬非常失望，可能比較另一間同樣係深水埗，但好出名的越南食店，佢地的蕃茄扎肉湯檬的蟹餅非常入味，但呢間首先湯底差，得番茄蓉同肉碎，湯底似清湯，欠缺番茄味道，札肉有少許腥，反而黑色的肉捲味道唔錯，蟹肉係完全見唔到，冇任何鮮味，見到的海鮮係一隻開邊蝦。牛油果沙冰（25蚊）飲過其他店舖的牛油果沙冰，呢間偏甜，唔知係咪加左奶精/粉，似雪糕運呢拿味，由於被奶味遮蓋，食唔出牛油果味，非常可惜。性價比低，81蚊，蕃茄蟹肉扎肉湯檬同牛油果沙冰水準都好一般。 （50分）

正宗越南菜Openrice訂座，食滿$100送香葉豬肉捲係其他餐廳比較少見，應該都係正宗越南野叫了一個越南豬腩片撈檬和豬頸肉撈檬，都是$49全日都是同一個餐牌，不會夜晚特別貴豬腩片都算多，味道唔錯豬頸肉幾滑，撈檬正常本來餐牌寫飲品是叫咗飯麵可半價加配，可能新開張，現送熱奶茶／熱華田／熱檸水／熱檸茶原價$36的越南滴漏咖啡（本來都沒有半價）則可以$30加配這個越南滴漏咖啡十分正宗，係去越南當地飲過嘅味道，最底是煉奶，我地唔鐘意甜所以無攪拌，下次會問下可唔可以走奶聽店員溝通，應該是正宗越南人因為新開張，店裡暫時只收現金，店員說已在申請其他支付方式。Openrice確認訂座過程有小小問題，店員好緊張咁幫我解決