品記鮮粉人家私房菜館

營業中

休息中

屋企人想打邊爐，又唔想出街，又唔想整，就試吓土瓜灣品記外賣 送貨 🙌🏼🙌🏼😆即日訂，即晚就送到屋企樓下，非常方便👍🏻 試咗 豬骨煲 ，毛肚，黑柏葉，自家製韭菜餃，夫妻肺片，白灼豬粉腸，冰凍黑糖 冰粉，全部都好好味，用料十足，價錢合理，食物種類選擇多，下次會再試👍🏻👍🏻😋😋😋

一排冇打邊爐又覺得口痕喇～🥵 所以呢晚約埋幾個朋友黎到土瓜灣一齊打邊爐！朋友介紹呢間餐廳性價比高而且選擇多，我哋7:30pm前埋單仲有88折真係好抵～😆 揀咗豬骨煲湯底，湯料有好多豬骨、雞腳、蘿蔔同粟米，口味好濃郁～😋 煮其他火料前先飲咗碗湯，香口得黎但唔覺油膩～👍🏼 叫咗牛肉、蔬菜、丸類同餃子等等，牛肉肉質鮮嫩唔會韌～🐮 自家製韭菜餃包得好飽滿，入面滿滿都係韭菜好多汁～😋除咗火鍋之外，另外點嘅涼拌海蜇頭惹味又爽口～ 小食雞腳炸得極香口，辣辣哋食到我哋個個停唔到口！🤤🔥

去開土瓜灣嗰邊做嘢，又想打邊爐，就WhatsApp book定呢間餐廳🤣叫咗個豬骨煲湯底，有豬筒骨、雞腳、粟米，夠哂足料，湯底飲落先鮮甜🤤🐮手切本地肥牛從色澤同紋理都睇得出好新鮮，識落肉質嫩滑，仲要大大塊，啱哂我呢個食肉獸😋白灼三鮮豬粉腸、鵝腸識落煙韌又冇腥味，黑牛柏葉爽脆，食到停唔到口🥟自家製韭菜餃大大隻又皮薄餡靚，內裏韭菜同鮮肉都好足料😝食飽飽仲趕得切係7:30前埋單，有88折好抵😆

香港11月先似樣咁樣凍番少少，最啱梗係就係打邊邊，放咗工真係冇力再去街市買料，就想即刻返屋企，之前都已經有幫襯過呢間鋪，有時我哋兩公婆放咗工WhatsApp洛完單就送到屋企，方便又快捷，最重要係唔使洗，食完打包掉咗佢就搞掂值得一提嘅係呢度嘅外賣係跟埋個煲，屋企有個電磁爐就搞掂曬。又方便又快捷。豬骨煲$168又大煲又經濟，一煲已經有蘿蔔粟米雞腳豬骨，仲有幾件勁厚肉嘅筒骨，食晒都差唔多飽，仲有靚湯飲，豬骨勁新鮮，呢個價錢真係不得了，自己喺街市買都冇咁平手切牛$188牛肉味濃，分量十足廣島蠔$128Size大隻 ，蠔新鮮，煮完都唔係好縮什丸$58分量OK，值得一提魚皮餃幾好食，不過芝士腸都係普通貨