台食館 (豉油街)

營業中

休息中

去咗台食館，試咗佢哋嘅芝士玉米蛋餅同牛肉蔥卷餅。話真係，兩款餅真係好好味㗎！先講芝士玉米蛋餅啦，個外皮煎得金黃酥脆，裡面嘅玉米同蛋嘅搭配好完美，個口感好豐富好多元化。尤其係入面嘅芝士，融化喺蛋餅裡面，帶出一種濃郁嘅芝士香氣，令人控制唔到口水。而牛肉蔥卷餅嘅肉質軟嫩，燜到入味，味道真係好正嘅。餅皮亦唔會太軟，而牛肉蔥嘅搭配都非常完美。呢兩款台灣餅嘅美味之處在於口感豐富、搭配啱啱啱同味道十分鮮美。餐廳環境方面，鋪頭有少少細，位子唔算多，裝修好簡潔。而且員工都好友善嘅，服務態度都ok。

經過豉油街見到一間台灣菜，時間早又唔使等位，就立即入去【台食館】試下 QR Code自助落餐好方便，餐牌好豐富都有齊曬台灣好多地道美食🌯 起司玉米蛋餅軟糯蛋餅皮夾住鮮甜嘅粟米，裡面有好香嘅芝士，估唔到香港都有咁正宗嘅台灣蛋餅，超推介🍝 麻醬雞絲拌麵雞絲、木瓜絲拌麵加埋麻醬汁，好好味麵條煙韌又唔會太凍 剛剛好🍜 大腸麵線台灣菜都一會食大腸麵線，大腸好大件煮得夠淋，會配埋支醋畀按照自己需要加，湯底好香濃，麵線又唔會煮得太爛 🍮 白玉肉鬆山冰凍大豆腐上面有好多好多肉鬆，配埋皮蛋好消暑，夏天食清涼好舒服跟餐可以配埋飲品🥤仙草奶茶茶香奶滑可以按照自己喜好少甜少冰

前日到旺角行街，喺附近搵嘢食，見到呢間餐廳既餐牌幾吸引，決定黎試下。餐廳好細，不過乾淨整齊，感覺衛生。餐牌食品好豐富，我貪心叫咗一份魷魚鬚麻辣拌麵，一份起司玉米蛋餅同一杯熱冬瓜露。魷魚鬚熱辣辣，完全餃到酥脆效果，非常香口。台式麻辣拌麵味道好好麵條很煙靭，但唔會過硬。店家自製既台灣麻辣醬撈麵食真係一流蛋餅係台灣國民早餐，我每次去台灣都必食。估唔到香港都有甘正宗既蛋餅。軟糯的蛋餅皮夾著甜甜既粟米粒，芝士香味濃，我食左幾塊就食唔到，實在飽過頭喇最後都打包帶返屋企。熱冬瓜露中規中矩，唔會過甜，不過有少少淡味。

餐牌食物款式多，賣相都好吸引。 /紅燒牛肉麵/👍🏼👍🏼👍🏼推介！牛肉好嫩，不會難咬，有牛肉味。湯底食得出沒有味精，讚！🍚/滷味綜合便當飯/如果好似我咁貪心，好想乜嘢都試吓可以叫依個飯！一次過食到台灣多款必食嘅小食！雖然味道唔多唔少一定會帶有少少港式，但係喺香港食到呢個味道算不錯了！🍳蛋餅略少，我個人比較偏愛放滿食材，脹卜卜的蛋餅。但這裡的價錢合理，可以算是對得住食物。/起司玉米蛋餅/，如果可以多點芝士就好！/香芋肉鬆蛋餅/，好少有香芋泥肉餡，可以一試！