河內越式料理 (西洋菜南街)

營業中

休息中

唔知大家會唔會有時都想食下啲comfort food(?)🤭普通茶記啊米線啊越南粉呢啲呢(皆因我都好鍾意～)今次就同母親大人👩🏻行街經過見到都唔錯咁就入左去試啦🙆🏻‍♀️-🎈順化蕃茄蟹肉扎肉湯檬 $69第一啖湯飲落去好香濃又帶點鮮甜！蟹肉份量唔算太多，感覺係輕輕作點綴！扎肉幾有口感，食完瞬間有種暖笠笠既感覺😚-🎈越式香茅豬扒撈檬 $64雖然近排天氣好凍，但仍無阻我食撈檬既決心🫣酸酸甜甜既魚露配埋檬粉一齊食好開胃🥳只係落少少魚露調一調個味都已經好出🤏🏻至於豬扒煎到金黃色咁，香口得黎唔算太油膩！-🎈越式炸蝦餅 (細) $32正常發揮，香脆彈牙！-🎈凍椰果椰汁西米露 +$10🎈凍芒果西米露 +$10-總括而言，呢間都真心抵食CP值超高❤️雖然越南粉呢啲唔算話定價好貴，但呢度講緊人均$80左右已經有個粉加埋杯特飲🤭(當然唔包小食xd)自己都覺得已經算係咁了～-🔸河內越式料理📍旺角西洋菜南街204號地舖

夏日炎炎實在令人提唔起勁煮飯，同先生行完魚街索性買埋外賣返去做晚餐。餐廳食物選擇多，而且價錢抵食，門口有大大個餐牌，方便食客叫外賣。豬頸肉一客三至四件，香口彈牙而且唔油膩，味道亦唔錯。先生每次必食嘅極品牛三寶，湯底香濃而且配料豐富，有生牛肉、牛𦟌同牛丸，最欣賞佢嘅牛𦟌，唔會太過軟爛。天氣實在太熱所以我今次叫咗香茅豬扒撈檬，豬扒唔算厚但香茅味好濃，配搭酸甜爽口嘅撈檬解暑一流。粉麵加十蚊就有特飲，味道方面中規中矩，椰汁味道稍淡，但勝在甜度適中，清新解渴。呢間越式餐廳我哋已經幫襯過好多次，貪佢好味又抵食，仲可以平價追加小食同特飲，而且叫外賣起菜亦好快，係我哋嘅外賣首選！

本身想叫個 重量級火車頭（2人份量）但朋友話想食撈檬，咁唯有分開叫啦河內生熟牛肉湯粉 $64 - 好得意🤣佢係有一粒原粒细細嘅青檸同辣椒分開上！ 配料同牛 都算係份量足，真材實料，河粉都可以，唔會淋到一pat pat 越式香茅豬扒撈檬 $60 - 豬扒夠入味又唔〈鞋〉口，又係配料同肉嘅份量十分之真材實料⋯⋯大大碗⋯⋯紅蘿蔔🥕青瓜絲等等跟餐仲配左個炸蝦餅 - 炸得夠香口😋再配上餐飲 凍檸茶同青檸梳打🤪原來係會原罐 soda water 咁上😂