辛安東元祖奶奶雞 (已結業)

呢間嘅奶奶雞真係深得我心😋但排隊排到傻🥲如果要食真係建議book位（雖然book都可能冇）我同個fd兩個share叫咗半隻奶奶雞都好夠🥘因為佢重有好多其他配菜，青瓜、薯仔、寬粉⋯樣樣都好索汁煮到好淋好好味🤤特別我哋都好鍾意佢個寬粉，煙韌又入味！啲雞都算嫩滑，同樣都係好入味👍🏻芝士蛋卷甜甜哋同芝士幾夾，重點係佢真係拉到絲，用嚟打卡一流📷豬手反而麻麻哋🐷有啲韌唔太好咬，同埋冇乜味😂-總體嚟講，嚟過呢到都知黃到飛起，係到食嘢都舒服啲😂再加埋個燉雞真係好食，推薦👍🏻

今晚同朋友嚟到呢間韓式餐廳食晚餐，裝修同餐具具有韓式風格，原本以為鋪頭細細，一眼可以睇晒，但原來餐廳有兩層，上層環境闊落，適合朋友聚餐。我地叫咗佢哋嘅鎮店之寶辛安東元祖奶奶雞（半隻）（$158收加一），兩個女仔share食～呢個奶奶雞用左不同香料燘製而成，可以選擇辣嘅程度，今次我哋選擇咗小辣，醬汁惹味帶點微辣，雞肉好嫩同入味，仲配有不同蔬菜，如薯仔、紅蘿蔔、青瓜、洋蔥等等，蔬菜配料都好淋身入味，可見用咗好多時間烹調而成。底下仲有韓式粉絲，粉絲呈闊條狀，比起一般幼身嘅韓式粉絲更加可以帶到醬汁，食落煙韌彈牙，軟硬適中，配埋奶奶雞非常好食！份量亦都好足夠，原本以為會唔夠食，最後我哋兩個女仔食都可以飽肚離場～

今日又去同肥仔食野，今次去食韓式燉雞，自己真係比較少食，一於睇下呢間韓國過江龍點樣，係香港開左好幾年相信唔會令我失望。餐廳都唔細，有成兩層，有啲便條仔比食客寫下留言。黎到當然係食辛安東元祖奶奶雞，另外試個韓式泡菜小籠包。Like facebook 送野飲~韓式泡菜小籠包 $58幾有創意！將中韓合壁，雖然佢係韓國餐廳，但都唔會求其整小籠包，小籠包外皮唔算薄但都唔會整到好似食粉果咁厚，其實似返本身既韓式蒸餃子，唯一做唔做小籠包既係冇比醬油同薑，泡菜夠哂多，不過唔知係咪怕有啲人唔食辣既關係，泡菜冇乜味，亦都唔辣，略為淡味左啲。辛安東元祖奶奶雞(半隻) $158叫左半隻試下，怕叫全隻唔好食會浪費。比我感覺望落去似香港既「啫啫雞煲」，都係用豉油為主，有得揀辣度，就揀左小辣，原來仲有啲配料，例如洋蔥、薯仔同埋韓式粉絲，食落微微辣味，帶啲豉油咸味，肉質唔算特別嫰滑，但都可以，更加入味會仲好。因為已經係旺角掃左街食左少少野先黎，所以試左兩樣野食，埋單每人$100多啲都唔算太貴。

三行人行開旺角就去左食好耐冇食站過ge奶奶雞~一入到去都係韓式裝飾，坐落係闊落舒服o既之後梗係睇menu叫野食啦！其實野食選擇同一般韓國餐廳差唔多～我地三個人叫左個傳統韓卷，海鮮煎餅同最重要叫o既辛安東奶奶雞！傳統韓卷最正係點美奶滋食，卷配美奶滋真係好好食之後係海鮮煎餅加埋辣泡菜一齊食，口感超好。軟軟地o既蛋餅同爽口泡菜加埋，酸酸辣辣禁～我地叫左小辣，辣度ok大家都食到，份量好足夠，雞件超入味仲有薯仔做配菜鋪底。

今次同朋友在旺角行街，傾開計韓國有乜好食，我話除左炸雞還有什麼既時候，朋友就話重有奶奶雞，我問佢係乜嘢來，佢就講解我聽，既然係噤不如親身去尋食一次就知啦，我哋就開始呢次美食之旅入到去俾人感覺好重金屬，坐低睇餐牌主力都係食雞，有唔同款式味道既雞，還有其他韓國美食第一次試就試個最原味最基本既辛安東元祖奶奶雞（半隻）小辣，另外叫左個安東炒雞腎和炮兵鍋辛安東元祖奶奶雞（半隻）小辣，都幾大碟，原來除左雞，還有其他配料和韓國粉絲，雞肉好嫩滑好腍味道好好，粉絲索晒味好腍滑，味濃甜甜地小小辣安東炒雞腎，蒽好好味，雞腎彈牙爽囗炮兵鍋，其實就係雜錦鍋，個汁就好似辛辣麵個味，午餐肉索左個汁好正，泡菜好爽辣味十足，個麵好彈牙，但掛住食唔記得影相原來韓國除左炸雞、泡菜，都還有其他好食既嘢

在以前經常食豬肉，牛肉為主的韓國，韓國忽然因為一套大熱韓劇，而令到不受韓國人重視的雞類食品，一下子忽然扭轉劣勢，反過來成為韓國不少餐廳常見菜式，就像我上年尾跟團在首爾旅行，酒店旁邊也有間炸雞店。炸雞店只有兩三名看店的人，有點像店主的「阿珠媽」在店四，靠自己一手一腳，努力製作炸雞，還要不斷友善地招呼我們，在該酒店最後一晚外賣自取「炸雞」返回酒店之前，「阿珠媽」還附送韓國版「可樂」給我們。回到香港，我大大話話都已經吃過韓國不同口味的雞肉料理，包括炸雞、烤雞，還有雞肉飯。再計算今晚，我在旺角「白布街」幫襯的奶奶雞店「辛安東元祖奶奶雞」的招牌燉雞火鍋之後，我距離完成韓國的「雞」地圖，又接近了多一步。連同我在韓國食過的「春川炒雞柳」，今晚我吃完「辛安東元祖奶奶雞」後，現在正式吃食「燉雞」，我就差不多快要完成韓國雞類美食地圖。不過我來到「白布街」，準備上門光顧「辛安東元祖奶奶雞」的時候，香港遇上北方冷空氣南下侵襲，市區氣溫也在短時間內急降，街道上吹起猛烈的呼呼北風，再站在街上多一會兒都未必支持得住。我打開店門進入旺角「辛安東元祖奶奶雞」的時間，猛烈的北方季候風一下被店門關閉收緊，我彷彿由一個寒冷的