全記海鮮菜館

營業中

休息中

襯天氣好，開始有秋意，想去西貢邊吹吓海風，邊食海鮮。每次都會選擇呢間全記，我覺得佢地服務不錯，海鮮又新鮮，最重要，價錢合理。好喇，出去揀海鮮喇先揀左海中蝦，白勺，冇得輸，次次都食。呢日番左蝴蝶蚌，正呀～煮法：鹽油蚌肉肥美鮮甜，又冇沙。呢隻蚌只係秋季出現，亦只得2-3個月有得食，所以一見到就即刻order啦。然後揀左隻象拔蚌做刺身，價錢好合理架，師父抓上手後，會先推走d水（合理啦…用重量計算費用嘛）。個胆仲可以用黎煲粥或椒鹽，但我選擇帶走開始熱食了，揀左d花螺，烏冬辣酒煮啦，夠辣呀，又野味，但覺得烏冬太少了，可能佢唔係主角呱，若果多少少就好了。黎喇黎喇，叫左隻大奄仔，師父話保證多膏。果然冇食言，鹽油焗出黎，一打開，爆膏啦！蟹膏鮮甜甘香，肉質嫩滑。最後加多碟薑汁介蘭，隨後餐廳送上免費紅豆沙，唔太甜，有沙有果皮味，好味呀。

入西貢食海鮮都有選擇困難，因太多海鮮食肆。今次就揀全記，因經常入西貢都見佢比較旺埸，加上是米芝蓮餐廳。這晚星期五，去到大約七點左右，天氣比較清涼，門口的位已經座滿，只有面選擇。座低後就去揀海鮮，豐儉由人。自己問價錢，以斤計的。買完後會有個號碼牌給你，埋位後將牌再轉交給餐廳員工。全部海鮮都收加工費的，感覺上都幾貴。其實係全記門口買個加工費應該收平d，外來的就貴d，如果改一改個收費就好啦椒鹽鮮魷和椒鹽豆腐是例牌，鮮魷就普普通通，豆腐就有驚喜，好靚，必試。海鮮不用講必定好味，因為是新鮮加上鑊氣夠。辣酒煮花螺就辣咗d，可能我哋唔多食得辣。佢有火油在底熱住的，所以就覺得仲辣，花螺下面有烏冬的。蒜茸白菜和上湯浸菜，兩款菜都新鮮好味，唯一扣分是太細碟。蛋白炒飯炒得乾爽，最後還有紅豆沙糖水送。另一提是免茶介，免加一的。這餐埋單$2163，七個人食。下次可再叫多一、兩款海鮮

得天獨厚的地理位置，使香港一年三五六十五天都能吃到新鮮便宜的海鮮，有本地，有內陸沿海的，還有來自不同世界各地。海鮮做法種類繁多，而且不斷推陳出新。粵菜最重海鮮，而香港品嚐海鮮最有名的地方有三個，西貢、南丫島和鯉魚門，就著海景吃海鮮，不只是新鮮，還別有風味。這晚我們一行二人專程走到西貢吃海鮮。西貢墟是擁有百多年歷史的巿集，十足的漁村小頭景觀，很有悠閒的氣息。而西貢墟海旁廣場及海鮮街上有不少海鮮酒家，有香港本地人，有內地人，也有外國人前來，非常熱鬧。眾多的海鮮餐廳中，我們選擇了食評頗多人推薦的＂全記＂。這裡的海鮮品種最全最多，而且擁有自己專用的漁船，加上進口世界各地海鮮品種多達百多種，應有盡有。餐廳有兩層，客人可以選擇室外坐位，或者是上一層有空調的室內坐位。我們大約八點來到，室外均座無虛席。店裡的空間很大，門口滿滿擺放著不同種類的海鮮等人挑選，以大大的玻璃缸養着，光看就已經令人食指大動。這裡還有很多海鮮是我們平時很少可見到的，如馬蹄蟹、中國鱟、圓尾鱟、巨型飽魚，和身長一尺有餘的瀨尿蝦等，真的是琳琅滿目，數之不盡。這晚我們自行挑選幾款海鮮，分別是一斤多花螺，蜆，四只桂妃蚌和一隻生猛游水烏賊。