棠記海鮮小廚

營業中

休息中

幾年沒有去三聖食海鮮,見暑假尾聲,跟仔仔們去食返餐海鮮餐,為暑假劃上句號。原本早一晚訂了興記,後來看到近年來食評好差,就改去這間食評好好的老店一試。環境預咗係茶餐廳,但最慘是有幾隻XX陪伴我左右,全餐也忙著跟牠們玩追逐遊戲。我們在發記買了5款海鮮到此加工。先講吓煮得好味菜色:椒鹽瀨尿蝦,脆蒜惹味,肉質幼嫩鮮甜。脆皮鮑魚,薄薄脆皮包住彈牙鮑魚。跟住講吓煮得普通的菜色:辣酒煮花螺我們要了小辣,這方面做得好好,真的是微辣,人人都食到，但有個問題係螺完全不入味,但螺本身有鮮味,可以出來後自行加汁吃。煮得差的菜色出場:豉椒炒聖子,店員說加米粉底好好味,當然就加咗,但唔好味,既不脆,也不淋滑，加上豉椒汁太杰也不容易讓米粉入味。聖子軟硬適中,但欠鮮味,也有可能跟聖子本身有關。米粉底另加$80最失望的菜色出場了蛋白蒸蟹無論是蟹或蛋白都完全沒有味,唔通唔記得落鹽?蟹肉也不滑可憐了兩隻最大的花蟹($380一斤)唯一可取之處是蛋白好滑唯一在餐牌叫的菜色是椒鹽鮮魷鮮魷欠鮮味,粉略厚,好惹味,但略咸小店招呼算唔差,但由於環境和味道,我下次還是食另一間吧!PS 由於openrice說內容含嚴重指控，因此用XX代替

去完黃金海岸游車河，FD話三聖有間餐廳食海鮮唔錯喎，咁當然要去試試啦！入到棠記，喺茶記果款，環境算OK，座位之間都好闊落。我們只得2個人，今次揀咗辣酒煮花螺，西蘭花炒斑球同花雕蛋白蒸蟹。花螺好快黎到，睇落個樣好似落左唔少辣椒好辣咁，食落又OK喎，未至於好辣。花螺煮得好惹味，食得出喺新鮮貨，嗦哂個辣汁，食到停唔落口，正！FD唔食得有骨啲魚，所以就揀咗西蘭花炒斑球。西蘭花炒斑球炒得幾有鑊氣，斑腩切得大大件，仲有差唔多15件，配埋啲西蘭花，成碟分量真喺幾大。斑腩食落好幼滑，口味清淡唔會蓋住魚啲鮮甜味，唔錯。花雕蛋白蒸蟹送上來仲好熱笠笠，花蟹今次未算大隻，不過肉都好厚實。已經食唔到啲花雕味，但是蟹肉好新鮮好鮮甜，一人食哂一隻都未夠喉。估唔到FD推薦啲海鮮餐廳真喺唔錯，以後入到三聖一定會encore！

朋友仔生日🎂大伙人話想食得特別啲😋所以決定去大家都無去過既三聖食海鮮🦞我地一行7人👯‍♂️首先選擇係海鮮街發記買海鮮我地買左龍蝦，瀨尿蝦，蜆，花螺，蟹，蟶子全部都好靚好新鮮！價錢仲好公道買咁多野都係$1800👍🏻跟手我地問老闆邊間餐廳加工好老闆推介左我地去棠記😊真係無介紹錯👍🏻菜式真係超水準第一個上檯既就係芝士焗龍蝦🦞同平時出面酒樓食到既好唔同芝士味超香濃🧀龍蝦肉質爽彈每條伊麵都被香濃芝士汁包裹著🤤椒鹽瀨尿蝦非常惹味炸蒜十分香口豉椒炒蜆蜆肉無沙，肉質鮮嫩辣酒煮花螺朋友們大讚呢個汁撈飯一流個個都食到停唔到口蒜蓉粉絲蒸蟶子火候剛剛好蟶子肉質鮮嫩無沙薑蔥炒蟹蟹非常多肉，肉質非常結實👍🏻除左海鮮外，另外仲叫左一個瑤柱蛋白炒飯同金銀蛋炒莧菜大家都食到捧住個肚最後埋單合共$1172連埋買海鮮價錢人均消費大約$425非常抵食🤗🤗大家去開三聖記得試吓呀👍🏻🌝誠意推介