韓讚 (已結業)

話晒每年我都會去韓國旅遊，今年仲未有計劃⋯好，今晚就食韓國菜！日式放題就食得多，韓式放題都係第一次！$238一位任點任食，如果要鍋類就要另外加鍋錢，款式都算多選擇。先來鮮果藜麥沙律，Superfood羽衣甘藍加上蘋果士多啤梨桃等等鮮果，配合芝麻醬，有益又開胃！唔洗自己動手都可以享受烤肉：韓風牛肉 及韓風豚肉，熱騰騰且好入味！睇起黎只不過係普通既炸雞翼，但沾上柚子汁後炸感全消，一d都唔覺油膩！仲有辣醬炒年糕，好鬼辣但又食唔停口，好在飲品係任飲，有多款韓國飲品提供，辣都無有怕～

同大胃王細佬食飯最好食放題，呢間韓式放題好乾淨坐得又舒服，一掃星期日晚落雨既抑鬱感🥳想食咩就寫低，俾職員落單，即叫即整！野飲自己去雪櫃拎，全部都係韓國樂天罐裝飲品比如忌廉溝鮮奶、檸檬茶（個人最中意，甜酸度咁多種牌子最適中）仲有芒果汁同啤酒🍻烤肉係勁好味😋三層肉烤到金黃色邊勁正，配一開始上既泡菜食，再加上熱辣辣既泡菜豆腐湯，有幾重既口感～烤黑豚肉，肉本身有醃好先烤，上面再鋪芝麻～韓潮炸雞🍗雞脾肉好嫩，出面皮就炸得好脆，再點韓式甜辣醬，配埋啤酒一流～韓式炒粉絲 呢個我俾極力推薦，上菜時仲熱騰騰，粉絲同配菜炒得岩岩好，有鑊氣，中意食辣既可以自己加泡菜食，或者將炒年糕既汁撈埋一齊食，事關個辣醬炒年糕惹味得黎，會愈食愈辣，好過癮！紫菜胡麻豆腐見到係咪都好吸引呢，簡單但好食既菜，食咁多烤肉辣野，岩曬食呢個凍滑研腐下火。同細佬研究左好耐究竟咩係雜錦BB飯,最後決定食左先講，原來係韓式撈飯，有煎得好靚既太陽蛋，仲有菠菜（撈飯點少得佢）撈埋韓式辣醬，細佬自己一個ko曬一碗👌🏻最後食埋個甜品🍨士多啤梨雪糕有果肉，匙仲要係櫻花🌸圖案，清足曬我既少女心😂❣️

食物味道: 雖然呢度唔係地道嘅韓式餐廳，但係製作韓式食物似模似樣，今次食嘅只係午餐，不過午餐菜式跟散叫係一樣，我問過侍應，佢話以辣醬炒年糕為例，散叫同午餐嘅年糕份量和煮法都係一樣。食物份量: 由於同散叫係一樣，午餐嚟講，食物份量大，一個人食都相當夠飽。價錢: 午餐在2:00pm後有八折，仲包一杯飲品，又唔使加一，非常抵食。環境: 地方唔算大，但裝修有心思，餐廳有大嘅玻璃窗，非常光猛，2:00pm後唔算多人，分外寧靜和舒服。服務: 頗殷勤回頭指數(10分滿分): 9分

我最鐘意嘅韓綜三時三餐又開播了，經常追看，睇睇下都會特別想食韓國菜，最近都食左好幾間，當中以呢間「韓讚」最出色是日落住微雨，一行四人黎到渣甸街晚飯，呢棟大廈可能仲新，暫時得兩間食肆，相信之後會愈黎愈多餐廳進駐。韓讚位置都幾闊落，裝潢都幾靚啊，藍色牆身撞黃、白天花，地板不規則嘅配色，木枱配上木色、黃綠色椅子，感覺年輕，而最靚嘅就係掛喺窗邊嘅圓形燈同星星燈，相信喺街外抬頭都可以望到的。餐牌選擇豐富，有鍋類、沙律、餃子、煎餅、紫菜卷、鐵板烤肉、湯品、炸雞、飯麵、三文治、鬆餅、甜品等，定價合理，同一般連鎖韓國餐廳差不多。飲品選擇都好多，有韓式飲品、梳打、咖啡、朱古力、抹茶、水果茶、沙冰等，仲有鮮果汁，見到隔離枱點左，會即場用榨汁機榨，搞到我地仲心思思即刻上網睇下部榨汁機咩價位，想買部番公司玩下落單後，店員好快送上沙律、小菜，沙律幾新鮮，而泡菜味道都唔錯，不過就唔係任食，每碟係$20。辣醬炒年糕 $118炒年糕嘅味道對辦，除左圓形年糕，仲食到唔少沙白、魷魚、泡菜，年糕煙韌，份量不少韓潮炸雞 $98全晚點嘅菜都好滿意，唯獨呢份炸雞，有點失望。醬嘅味道調配得好，唔會太黏太稠身，但雞嘅炸漿偏厚硬，而且