上海真真豆漿大王 (已結業)

放工夜左又好攰，所以去左屋企附近的真真快食個晚餐。真真舊年裝修左之後成間舖乾淨同光猛左好多，咁當然坐都坐得舒服左。男友就話最緊要食物質素冇變。我就覺得差別不大，始終整粢飯豆漿既姐姐都係個班。😚每次去到我必叫粢飯因為佢包得真係好食，入面既油炸鬼仲係好脆同熱、肉鬆炸菜份量好好，飯既舐度都好好，食到一粒粒糯米，但又唔會散開。雖然成廿幾蚊一條，但真心足料同大份🥰而且最好就係有人同你一齊share，食半條剛剛好，又可以叫其他野。佢既豆漿都好散同黃豆味重，大部分人都鍾意叫呢度既咸漿，不過我個人都係鍾意飲甜既多D。酸辣湯🥘都係好正，呢個又係必叫! 個味調得剛好，而且料好多好足，比好多其他上海舖都好食! 不過記得叫細既好啦，大碗係成個湯碗咁大，實飲唔哂!男友就鍾意食呢度既上海雲吞，貪佢肉夠多皮厚得黎麵粉香。不過佢成日話裝修完個湯底同之前係唔同左，可能用既鑊同鍋唔同左啦，因為見佢煮野食既姐姐都係同一班黎既。我就覺得個雪菜湯底一樣好食。呢個40蚊餐配埋炸雞翼🍗兩隻，都好夠食。以呢D舖頭黎講，呢間既價錢係偏高既，不過我又覺得難得佢既食物真係做得較為出色，一分錢一分貨啦。我地食左大半個鐘，真係人來人往，大把街

每次經過咐近總遠遠看見這裡大大個紅底白字的招牌,有一種很熟悉的感覺,這天終於忍不住好奇,來這裡一試豆漿怎麽大王!入來坐下望望餐牌及四周窄窄的長條形檯,終於想起原來熟悉的感覺是這裡很像台北那些自稱是永和豆漿大王的小店.餐牌上的選擇不多,沒有鍋貼、餡餅或蔥油餅賣.酸辣雲吞----這酸辣湯的做法可算粗支大葉,材料有豬紅、木耳、荳腐、炸菜絲、豬肚絲及青豆.以炸菜取代了荀絲,個人是不喜歡這做法.材料不是切得幼細,荳腐更可用一舊舊來形容.味道只酸不辣吃起來有點嗆喉.吃菜肉雲吞覺得餡料的質感是嚡的倒是第一次,調味亦偏淡.荳漿----如果這質素是大王的話...深水埗公和豈不變了神級?!看店面的新舊程度,應該在這區也有一段的日子,是屬於街坊老店類.可能我這個區外人不懂欣賞吧!