西門町台灣麵食 (已結業)

如果突然想念台灣美食，但又無錢無時間即刻飛番一轉台灣既話，西門町可能係你一個好選擇。旺角出名多野食，但真心覺得好食既真係黎黎去去都係個幾間。隱藏係女人街接近尾段，要搵的話其實唔難，搭地鐵建議係油麻地出，去到登打士街（好多野食個條街），見到ok轉入去，行一陣就會見到呢一間小店。話明小店，地方梗係唔會大得去邊，一眼睇曬，而且夜晚都幾多人幫襯，如果想食真係要早少少去，唔係既話就要忍受企係條狹窄、好多行人、悶熱既巷仔慢慢等位。講返食物，今次叫左個二人餐（$198)黎食。鐘意食酸酸辣辣野食既你就岩喇！呢個酸辣粉皮好開胃，味道偏酸，微辣，但略嫌碎左少少，每次挾起得細細塊，粉皮可以再滑少少。呢個係我最鍾意既擔擔麵，湯底有好濃既花生味，麵既硬度適中：）肉臊飯味道一般，醬汁尚算足夠，肉臊咸度適中，不過不失。醉雞既酒味無之前食咁重，肉唔太肥但唔滑偏淋。芒果沙律鳳尾蝦炸得好脆，食落去唔太油膩，但真係食唔出有芒果味。叫左兩杯玉露，味道唔錯，岩曬依家呢d熱辣辣既天氣飲！套餐會送所謂甜品，啫喱兩個，無咩特別。整體來説，食物味道不錯，上菜速度算快，除左地方較逼之外，係一個懷緬台灣美食既好地方。

5月開始步入旅行季節，台灣向來都是學生哥的熱門旅遊聖地。看見朋友們一一飛到台灣，身在香港的我，決定食一頓台灣美食以慰藉心靈。旺角的西門町台灣麵食位處女人街，其實都難找。店舖不大，枱亦排得密密麻麻，所有枱凳都是木製，這好像是台灣菜的基本配備。點了一個二人餐 $198，選擇了：醉雞、芒果沙律鳳尾蝦，酸辣粉皮，肉燥飯x2，飲品X2酸辣粉皮比較著重酸味，而辣味一般。我本人已經屬於比較淺嘗辣味，但都覺得不太辣。粉皮滑是基本要求，但就略微不夠爽口。不過，酸酸微辣很開胃，一解這幾天悶熱的天氣帶來的悶氣。醉雞雞不算太肥太油膩，但亦不是很滑，雞肉入口酒味不是很濃，比較適合一般大眾。假如喜歡酒味，入口前可以先浸一浸酒汁，會比較濃郁。芒果沙律鳳尾蝦強烈勁度推介！外部炸得很脆，但並不油膩。蝦的本身很香，咬的時候不知為甚麼蝦是一粒粒，很有口味。沙律醬是偏黃色，食下去發現有芒果味！！配搭一流！！肉燥飯眼見覺得很深色，不太吸引，但味道不俗而且有一道道的香味。肉燥不會過咸，醬汁尚算足夠，但只有肉燥，沒有加入其他配料如冬菇，感覺有點兒單調。總括而言，合格！環顧四周都是吃擔擔麵及肉燥飯，反而好像沒有人嚐台灣必備的紅燒牛肉

是日晚餐, order 如下:香辣牛筋 - 小小辣, 牛筋炆得超林, 超入味!!! 正~雞 c 粉皮 - 果然又係呢度既名菜. 麻醬好多, 雞 c 又多, 滿滿一大碟好味又有份量!腐皮蚵卷 - 外皮炸到脆脆好香口, 但里面既蚵仔太少, 唔係好食得出.醉雞 - 雞好滑好嫩!!!!!! 醃得好入味! 超正!!! 大力推介! 係全晚清得最快既一味!!滷水雞亦 - 無特別, 顯得有 d 失色..擔擔面 - 湯底好香, 面條都好滑~ 一口面一啖湯, 正!!!!肉燥飯 - 肉燥好濃味, 又多, 撈飯一流~蜜核玉露 - 一向台式飲品對我來講都太過甜, 呢度都唔例外, 所以不置好評.糖不甩 (送既!) - 細細粒, 灑滿芝麻粒, 勁香~overall,老闆極度有禮!!! 難得咁旺既食店都保持滿面笑容, 唔會崔人落單趕人走, 今時今日真係好難搵! 亦請其他"暴 hit 食店"多多學習, 唔好多人去就扮晒野黑面待人!! 呢度既待客態度的確值得表揚!!!!食物好好味! 好平! 食到飽飽唔使 $100!有 d 口渴, 定係因為太濃味所至?店面經常爆滿, 坐得幾逼,又好味又好禮, 一定(亦都值得)專登再去!!