元豐園

營業中

休息中

元豐園@寶勒巷今日黎左食呢間地道韓式菜，舖頭裝修本身已經好有老式韓國餐廳嘅感覺。老闆同部分店員都係韓國人，客人亦有唔少韓國人幫襯。上網睇元豐園最出名嘅惡嘅大媽老闆，但我今次就冇遇到。我訂左枱但有少少遲，老闆都親自打嚟提我，仲要識講廣東話，好搞笑。呢一間韓國菜喺前菜方面唔會吝啬，份量同款式都好多，除咗新派韓菜常見嘅泡菜芽菜之外，仲有甜薯仔/醃魚仔/豆腐/魚糕片/鹹魚/菠菜/蘿蔔等等，未食主菜已經食到好開心好開胃，不過前菜就無得添。🍕海鮮煎餅唔少人推介既韓國菜式，粉漿、海鮮同韭菜比例非常好，脆口又唔會太粉太油膩，雖然賣相唔算非常吸引，但味道同其他韓國餐廳唔一樣，有少少特別。而且海鮮煎餅會跟住有碟醬汁，甜甜地又咸咸地增加個味道嘅層次。但海鮮配料例如魷魚鬚仔同埋蜆肉份量就略嫌少咗啲。🍖特大王排骨呢度嘅燒肉都好出名，梗係要試吓，但係由於韓燒要叫兩樣食物以上先開爐，所以我哋呢個特大王排骨會係由廚房炮製。雖然寫係兩個人份量，不過感覺已經好足料，可以食到好飽。牛肉嘅肉質軟嫩，口感同味道都絕佳。而且味道濃厚偏甜，非常惹味！🦀醬油蟹醬油蟹都係我哋今日嘅必食菜式，隻蟹醃得岩岩好，醬油鹹甜適中，肉身鮮甜，蟹膏

今日出咗去尖沙咀行街，我朋友心血來潮話好想食醬油蟹，咁我即刻上網搵吓邊度有得食，最後俾我搵到哩間「元豐園」，原來哩間餐廳開咗好多年。菜式⭐️醬油蟹我哋叫咗兩隻醬油蟹，醬油蟹膏都算多，厚肉，肉質鮮甜，每一啖都係金黃色嘅蟹膏，真係好正呀。蟹蓋啲膏都好多，醬油亦都唔算鹹，仲可以提起蟹本身嘅鮮味，我地另外叫左個紫菜飯，將蟹肉蟹膏撈埋啲紫菜飯一齊食，簡直係美味指數爆燈😋😍 ⭐️部隊鍋至於我地最期待既部隊鍋，就真係比較遜色左啲，鍋入面既配料有午餐肉、腸仔、金菇、蕃茄豆、菜等等，仲有啲芝士喺面添，所以配料和湯底味道都很一般。🙂 唔好睇個鍋好似好大，但其實個煲唔係好深。部隊鍋既靈魂之一，莫過於公仔麵，但哩度既部隊鍋係無包公仔麵，係需要自行另加，不過我地最後無加到。⭐️冷盤小食冷盤小食都係正常發揮同行朋友仲叫左Bibimbap韓式石鍋拌飯，同埋大醬湯飯，由於佢地太肚餓，所以一黎到相都未影就即刻食左了🤣 佢地表示都幾好食。整體而言，除左個部隊鍋相對一般之外，其他菜式都唔錯，環境黎講始終哩間餐廳都開咗咁耐，雖然舊左啲，但尚算坐得舒服，大家不妨可以一試。推介指數：⭐️⭐️⭐️⭐️ (4/5)📍元豐園 (尖沙咀)📍尖沙咀寶勒

一如平常，所有東西都很好食。今次燒烤為主，由牛舌、牛肋骨到豬五花都很美味（除了我不是老泡菜的fans，個人比較喜歡爽脆的新鮮泡菜）。尤其醬油蟹真是一絕。可能步入秋冬季，螃蟹🦀️特別肥美。膏多鮮美，一食入魂。比起其他老字號我覺得這裡可以算是全港至厲害！超級無敵好食！👍🏽希望更多人可以去試試。他們賣多啲咁啲蟹就可以保持一路都咁新鮮。生食膏蟹不能不新鮮，會好危險⚠️另外，Terra啤酒係Hite Jinro新出的，甘甜嘅口感唔錯可以試吓。