鐵花村 (愛群商業中心)

營業中

休息中

幾正宗好食嘅台東菜，細細份多人share啱晒😙！・・・・・・・・・・・・・・・・・・・・🐔 鐵花鹵肉飯 HK$48・味道：肥瘦肉比例係本波最愛嘅7瘦3肥，之前去台北食過啲全肥肉嘅我麻麻地，但台北人好似幾like會吹奏haha，個人口味啦。鹵得幾好食，鹹鹹甜甜咁唔會好渴，加埋肉鬆比想像中更好食，掂！・口感：飯都幾似珍珠米，粒粒分明又脹卜卜咁，好食。唔使加鹵水汁淨係用鹵肉送飯已經好夠味，讚欸！🐔 蕃茄紅燒牛肉面 HK$69・味道：新鮮香甜微辣蕃茄配入味牛腩，想像到嘅好味！・口感：個麵條好似刀削麵？好彈口喎有驚喜👍🏻🐔 鐵花蒜泥白肉 HK$40 ・味道：係甜甜地嘅蒜泥汁喎，有冇食過台東菜嘅波友分享係喎唔係正宗XD？不過本波就覺得幾好食，唔係平時三哥咁得個鹹字成口MSG咁😂・口感：少少汁醬吊起個味咁，不錯～🐔 綜合煎(蚵仔、蝦仁) HK$48・味道：燶邊蛋就是好吃！蚵仔肥美蝦仁爽脆，兩款toppings都多料幾好食！・口感：真係台灣夜市食嗰種蚵仔煎！有拉扯感，同埋唔知咩粉整嘅鼻涕茨，夜市都有嗰啲XD🐔 鹽酥雞起司蛋餅 HK$39・味道：鹽酥雞脆口juicy，起司拉絲重芝士味，蛋餅都煙韌有麥香。

星期六和老公到北角鐵花村吃晚餐，像去了一趟台灣夜市。南瓜起司蛋餅南瓜加芝士的搭配很特別，比起吃過的蛋餅清新，沒那麼油膩，很好入口。關山炸臭豆腐臭豆腐很久沒吃了，外皮是脆的，有椰菜和醬汁一起吃變得沒那麼乾，不錯。夜市鹽水雞雞肉很嫩滑，還有很多其它的配料，充滿鹹香味，很惹味。夜市無骨鳳爪微辣屬於香辣那種，鳳爪已去骨，方便食用。擔仔米粉配料有肉燥、貢丸、蝦、雞蛋、白蘿蔔，肉燥很香口，和米粉撈勻來吃，很讚。番茄紅燒牛肉麵牛肉有六大塊，都很軟腍，麵條是扁身闊的，煙煙韌韌。飲品叫了招牌珍珠奶茶和冬瓜檸檬，大大杯，又可以調冰度和甜度，好喝。

🍚滷肉飯（小）滷肉飯係經典台灣特色，台東的肉燥味甜，五花肉肥瘦均勻，肥肉豬皮位置滲透滷水香甜，肉質軟熟，入口溶化！配上軟糯香米及台東特產藜麥，口感十足，高纖又健康！🍳台灣香腸蛋餅經典早吃，綿綿餅底配有煎蛋蛋香，加上台灣腸非常香脆肉甜，仲有濃郁的九層塔，非常惹味！🍢椒鹽甜不辣每次逛夜市我都必點，香港都食到一樣嘅風味！即叫即炸，有魚香味，煙煙韌韌的，口感非常Q彈！🥢關山炸臭豆腐難得有炸臭豆腐，一定要試試，因為製作麻煩，係香港好少有～ 豆腐炸起乾身，咬口清新無油膩感，有一層層嘅脆感，仲配以醬汁及酸菜，入口濃味！🍧五寶冰甜品點少得吃冰！五寶有珍珠，芋圓，甜芋泥，仙草，紅豆！夏日熱辣辣食非常解暑，份量特大，四個人食都無問題！🍯蜂蜜鮮檸烏龍· 🍍芝士奶蓋鳳梨烏龍茶兩杯飲品無添加，全用蜂蜜代替沙糖，飲起上來更清新。蜂蜜鮮檸烏龍，茶味香濃！芝士奶蓋鳳梨烏龍茶，芝士奶蓋香滑，鳳梨一絲絲果肉，有口感！店員都是台灣人，親切有禮，進店已經像身處台灣！店員為我介紹台東特色食材，食材大部份都進口自台灣，以無添加及健康作為食品賣點。台東口味較甜，可能未能切合香港人口味，但小店仍希望保留原有風味，才是真·台東味！

台北我就去得多 台東就真係未去過 餐廳係台東人主理 環境都裝修到好似去左台東咁 老闆娘想令大家認識更多台東🇹🇼原來台東野食同台北係唔同 我好似去左次台東咁😍♡台東米苔目 $48 ♡老闆娘話好難先搵到靚既銀針粉 提議我同朋友可以試下 個銀針粉同平時食既好唔同 呢個好煙靭 而且浸耐左湯都唔會淋 好特別👍🏻♡關山炸臭豆腐 $39 ♡呢個必試 因為佢用左千層豆腐去整 香港買唔到呢個豆腐 所以由台灣運食材回港 開頭聞唔會好大陣味 但食落去外酥內軟 食到一層層 而且綿密又多汁 臭豆腐味充滿味蕾😋😋♡蚵仔煎 $40 ♡賣相好吸引 唔會太油 入面既蚵仔🦪好多 而且好大粒 唔會淨係得蛋漿♡肉鬆起司蛋餅 $35 ♡肉鬆同起司🧀️呢個配搭好好 我超鍾意食蛋餅😍♡椒鹽甜不辣 $36 ♡食落好煙韌好有咬口 份量都幾多 如果可以配埋醬汁就冇咁乾♡五寶冰 $59 ♡見到既時候好驚喜 因為冇諗過咁大個冰 芋圓同埋珍珠食落口感同平時食開既唔同 呢個真係好食好多 唔會感覺到好粉 另外仲有紅豆🫘 仙草同埋芋頭♡燙青菜 $25 ♡用滷肉汁去煮 青菜吸收了滷肉汁味 更好食第二日同同事分享 估唔到公司附近有間咁好食既台灣餐廳 所以