劉興記生煎包專門店

營業中

休息中

🏅皇牌S3 麻醬手撕雞絲粉皮+生煎包 $54一次過有哂食上海菜我每次都會嗌嘅兩款！雞絲粉皮比想像中大碗好多 女仔做正餐絕對夠飽😍一卷卷嘅粉皮嫩滑爽彈口感好唔錯配搭大量青瓜絲同埋粗條雞絲口感豐富滿足麻醬香醇濃稠帶啲燒香味然後嘅鎮店之寶 米芝蓮主角當然要試試啦～～生煎包絕對係意猶未盡😋底部金黃香脆 入面係滿滿嘅肉汁 一咬開就爆汁特別要提係佢哋嘅內餡唔會話太多肥豬肉太油膩嘅感覺！🍲雞絲酸辣湯 $35個湯好足料啊！有冬菇 雞絲 木耳 蛋花 同埋筍酸味比辣味突出 食唔到好辣嘅朋友都唔使擔心酸辣湯質地帶微黏性 酸辣中帶微微甜味仲有仲有！！！豆漿任添任飲哦微甜新鮮帶豆香味嘅豆漿解膩開胃又滿足🤤

呢間生煎包一出道即巔峰 ☉∀☉一直懷疑係有打手定真心堅 想試好耐～原來⋯真係好食喎(･ˇ∀ˇ･ゞ)暫時係香港食過最好味嘅生煎包(非廣告)！生煎包個底好脆 又唔會太厚～粒粒都爆汁！湯汁用鮮雞+豬骨煮 所以特別鮮甜 食唔停口～原味已經好正 點知蟹黃味更不得啖啖都食到蟹膏蟹肉絲 超濃味 必點！！其他嘢食都好味 生煎包套餐仲更加抵食豆漿任飲 熱情嘅店員姨姨會不停幫你斟^o^(見到隔離枱三個女仔有一支1L⋯仲𝗋𝖾𝖿𝗂𝗅𝗅埋）呢個價錢有呢個質素 仲咁好服務 抵佢咁紅啊！.✿ 迷你雞絲酸辣湯＋生煎包6隻+豆漿 $⑤⑨.✿ 蟹黃生煎包 $①⑧/隻.✿ 招牌擔擔麵 $④②.✿ 麻醬手撕雞絲粉皮 $③⑤

想試左好耐！係電視係網絡見到人地食，好似好好食咁🤤今天午餐係旺角附近行街即刻去左食！真心要食佢地個生煎包呀！！！爆曬汁呀！唔爆汁仲可以換！幾好👍🏻雞絲酸辣湯 $30個湯好足料好多料，$30都算大碗，如果飲曬都好夠飽！正常水準，有酸味，但無咩辣味，可能我個人比較食得辣！生炸雞扒 $22雞扒好驚喜！以為一早整定，軟身hea雞扒d fd..點知外皮炸得金黃酥脆，真係好脆！食得出係即叫即炸！內裡肉質鮮嫩多汁，每一啖都係滿滿嘅肉，好食👍🏻麻醬手撕雞絲粉皮 $35$35好大碗，好抵食！粉皮爽滑細膩，配上麻醬和手撕雞絲，每一口都食到麻醬濃郁香氣和雞肉的鮮嫩口感🤤🤤招牌生煎包 $20/2隻必叫必叫！外皮酥脆，內裡鮮汁四溢，咬一啖就已經感受到肉汁的爆炸，噴出嚟😂😂好正！食果陣要小心燙口，小心啲咬！蟹黃生煎包 $18/隻一樣外皮金黃酥脆，內裡充滿左鮮嫩多汁的蟹黃，每一啖都食到蟹黃豐潤！絕對係蟹黃愛好者的最愛，好濃味！2個味對比的話，我個人鐘意食傳統原味🤤🤤🤤真係好好食！招牌擔擔麵 $42麵條彈牙有咬口勁，配左濃郁的花椒及花生🥜醬汁，好濃味，稠密，味道少少🤏辣..