龍華軒咖啡室 (已結業)

喺網上好出名嘅一間餐廳，因為經常這比唔同嘅YouTuber拍片～聽講佢哋嘅卡邦尼意粉係好好食，有宇宙第一卡邦尼之稱！所以一於嚟試下！個入口有啲格攝，有啲難搵，就算Google Maps去到樓下，都搵咗一陣（可能我路痴）上到去第一個感覺唔係特別好，有好多懷舊嘅物品，但係感覺好似有一陣味….入到去坐低之後就好啲，下午去嘅時候都有啲陽光，咁啱上到去冇乜人見到佢哋有雞翼放題好吸引，但係冇食到，覺得食唔到好多😂雞翼拼盤，比起雞翼放題少一隻口味（香辣味）我哋就叫做雞翼拼盤$88我好鍾意食好脆嘅雞翼！所以好鍾意，覺得好好味我最鍾意就係蜜糖味，但係朋友覺得啲醬料只係林喺雞翼上面，雞翼本身冇咩味卡邦尼意粉本身見到餐牌話係港式，非正宗，有啲伏咁不過一場嚟到冇理由唔食！我問咗一問個店員張圖上面紅色嗰啲係咩嚟，嗰啲咪好似好驚訝咁，佢答咗我嗰啲係素肉我之前食嘅素肉都好難食，嗰下真係有啲卻步😂所以我哋冇一人叫一個意粉，兩個人share一個，睇吓佢咩料先⋯⋯結果個意粉嚟到我哋兩個爭住食好好味！濃郁芝士味

出去做野做到lunch都無時間食，咁岩諗起旺角有間cafe做下午茶雞翼放題，仲要星期1～5都有得食，無理由唔上去試下啦！間cafe喺潮流特區對面馬路，高氏大廈隔離條巷仔入去再上樓，勁隱閉，走過左幾次先搵岩路，不過無損雞翼控細寶要食雞翼的決心😂龍華軒有2層，每層座位唔算多，下午4點去到，8張檯坐左5張。店員安排左細寶坐角落位，好舒服，又唔會顯得一個人好突兀，空間感營造得唔錯，每檯都有自己既空間。既然上得黎，梗係試下個雞翼放題啦，一共有鹽香雞翼、蜜糖雞翼、香草雞翼同蒜香雞翼4款可以任食，可惜當日無蒜香雞翼，試唔晒咁多隻味。首先3款雞翼會一次過送黎，每碟都8～10隻，見到都好滿足，不過細寶一個人就食唔晒咁多喇，唯有叫店員每碟既份量減半先，唔夠再加，駛事做大晒鬼。3款入面細寶最鐘意鹽香雞翼，炸完再灑上椒鹽，香口惹味！蜜糖雞翼唔會過甜，食多幾隻都唔會膩😍香草雞翼就無乜特別出色之處。本身驚放題形式，雞翼會唔會好un呢，但又唔係喎，都幾厚肉架喎，單人匹馬KO左16隻，好滿足😋由於雞翼全部都係炸過，所以會有啲口渴，放題唔包飲品，需要另外order，除左咖啡，都有唔同的紅茶綠茶梳打。墊杯的木板仔仲有ca