利強記北角雞蛋仔

營業中

休息中

雞蛋仔這款街頭小食，每隔一段時間便總會想吃一下常常經過這間米芝連老店也會看見人龍，聞到濃濃蛋香很久以前吃過一次覺得不錯，這晚即管試試水準有否不同等了差不多十分鐘，拿起來熱烘烘的，外皮烤得夠脆咬一口，內裡是理想的半滿蛋糕質地，仍然是外脆內軟的水準無誤!

呢間雞蛋仔真係由細食到大，陪住好多北角人炮台山人成長，亦都見證住佢拎到米芝蓮推介。佢哋開業至全盛時期有擴展好幾間分店，現時剩返3間。我食過其他分店，都無北角呢間分店咁正宗，咁原汁原味。店舖位於英皇道，由北角站B3出口行2分鐘就會見到！利強記主打原味雞蛋仔同格仔餅，佢哋嘅雞蛋仔同出面食嘅雞蛋仔味道係唔一樣，食過就知與別不同！😋以前有好多訪港遊客慕名而來，係香港必食美食之一，所以長期都排滿長長人龍。店外亦都貼咗好多明星合照，明星效應幫助咗店舖唔少人氣。不過今日排隊嘅人唔多，即刻買一底重温兒時味道。雞蛋仔隔離仲有賣其他小食，有燒賣魚蛋牛肉球等，之前食過覺得水準唔差，啱哂遊客過嚟一次過食哂香港地道街頭小食。❤️ 雞蛋仔 $19新鮮整好，熱辣辣😛食落外層脆內層軟，唔會有淋過毛巾嘅情況，甜而不膩，好容易一啖接一啖就食哂！咬一啖就見到入面係半空心唔係實心，增加脆口感。個人覺得麵糊蛋味無以前咁香，食得多仲有少少口乾。好食度：⭐️⭐️⭐️✨ (3.5/5)餐廳推薦度：⭐️⭐️✨ (2.5/5)我覺得已經無以前食過咁好食，質素下降咗少少，但都唔差。雖然店舖已經重新裝修過，但衞生情況就麻麻啦，店員除住口罩整雞蛋仔😕扣咗

本小姐對雞蛋仔同格仔餅情有獨鍾，也食過不少間嘅嘢。媽咪嘅雞蛋仔就一律認真麻麻，利強記嘅都唔係每間都好食。尤其是灣仔嘅利強記，試過一次就唔會再去。不過本小姐有留意過，利強記北角店嘅雞蛋仔，好似比起利強記其他雞蛋仔店水準來得好！新鮮滾熱辣，即叫即正，啱啱出爐嘅雞蛋仔！好濃的蛋香，一口咬落去，雞蛋仔的蛋香味，頓時溢滿成個口。咁次係本小姐第二次返回此店，唸住要食過兩次，兩次嘅水準都係一樣咁好，本小姐先至卑好評。利強記北角店五粒星係實至名歸嘅。

想不到還要排隊，沒有抱太大期望，但離遠聞到蛋香就想買返個頂下口癮。晚上九點前，有五六個人排隊，也有應該是慕名而來的遊客。門口貼滿的是宣傳照、明星相，說實話，我看得有點厭惡。等了大概20分鐘終於雞蛋仔到手。燈光不是很好，儘量拍給大家看。雞蛋仔的兩面熱得不一樣，一面金黃，另一面未夠脆，只能算係熟透。結果口感就係唔夠脆，而且歪晒，有啲唔成粒，成份雞蛋仔似交貨。的確，聞香而不再美味。其實一間好細嘅空間，有三四個姐姐喺到睇爐頭，眨眼睇都有四個爐頭一齊整緊嘢，生意好，但求交貨快，似乎好合理？

北角利強記雞蛋仔一向都好出名，無論幾點都好多人排隊👫👭今日見人少少終於可以試一試最出名嘅雞蛋仔係咩味道😛今日排咗10分鐘左右就有得食啦😛一拎上手熱辣辣，食完一粒就知點解咁多人專程嚟買雞蛋仔😍外脆內軟！蛋漿比例控制得啱啱好！而且蛋香味非常之濃🥰順帶一提，依家佢同隔離鋪頭「昔杯」做緊合作，雞蛋🥚仔加一杯茶套餐$26🤣大家有機會去試試啦😘

2016年起連續兩年入選米芝蓮街頭小食推介、有近三十年歷史的利強記，一直備受食客青睞，店外除了貼滿老闆與名人的合照，更有不少旅客慕名而來👨‍👩‍👧‍👦——————————🔸雞蛋仔 $18 📍9/10外皮顏色參差，部份焦啡帶淡黃，但食落完全無影響，每粒都烤到脆卜卜，口感似餅乾🍪～（☠️小心刮傷口腔）餡料約佔二份之一，蛋味濃且煙韌綿密，不會太甜👍🏻值得一讚的是‼️外皮不易變軟😳過了幾個鐘再食依然香脆😍

黎到北角，其中一樣最出名嘅野食一定係佢：北角雞蛋仔！今次黎到北角，特登去搵黎試食下！因為佢喺街口嘅轉角位，要留意一下先見到間舖面，但其實去到附近就自自然然會聞到啲雞蛋仔嘅香味！終於比我買到啦！摸落真係已經feel到手感脆卜卜！燒得金黄，望落可口！食落外脆內鬆軟，真係一粒接一粒，食到停唔到！旁邊仲有一個窗口賣其他小食，都有好多選擇。我揀左牛筋丸同魚肉燒賣，熱辣辣，好鬼正！其實最正嘅係佢啲秘製辣椒醬，食落完全係同其他小食店唔同，唔算好辣，亦唔會太咸，非常香口！

經過北角，不忘去琴行街賣底雞蛋仔食吓。仲記得應該十幾年前北角雞蛋仔新開時，嗰陣時條隊試過排到去生果舖，離遠已經聞到陣雞蛋仔香味。依家唔洗排之餘而香味都已經不及當年。雖然依家都係即整，等三至四分鐘就會有底新嘅。個阿姐俾我時雖則係熱，食落時都算脆口嘅，但蛋香方面真係同當年無得比，佢唔係話唔好食，但我覺得點解出哂名後唔keep住當年嘅水準，俾我覺得有啲仲量不重質嘅感覺。其實我都好耐冇食過雞蛋仔喇，原來已經賣到＄17一底，好似略為有啲貴喎！

北角雞蛋仔有數間分店，吾敢話每一間質素都會一樣，但肯定既系有幾間都有好多明星幫襯過，以香港人既心態黎講，多人去潮聖既自己點都要試埋一份。灣仔戈間我都食過，質素吾比呢間差，但當然介紹既緊系介紹番本店。一開始去戈陣已見到條人龍，見到前面有幾個女人話想要膠袋裝住，我又想用膠袋裝埋一份，廢事跌出黎搞到好狼狽，但店員細心咁提醒佢地同我要膠袋既會變得吾新鮮同埋好快林，所以最尾都冇要到。由於太熱所以決定外賣，拎去附近個商場嘆住冷氣食主角雞蛋仔出場喇！超脆卜卜蛋味亦好濃，但雞蛋仔身偏薄，吾好期望佢帶太實在既口感，不過整體黎講系正架

地方好唔起眼，我就係住附近，都揾咗幾次先見到。下午兩點幾，唔需排隊，直接17蚊……好直接真的係食過最脆的雞蛋仔，以前買嘅大多是軟。本來覺17蚊貴，食完先知，好飽啊，哈哈。唔係好甜，但我唔中意食甜嘅人食完一個好想即刻食鹹野

如果比我揀食雞蛋仔🐣，我會選擇最原始咩都唔要嘅😁而這間好符合我以上要求剛巧去到時，阿姐重新做緊等不到10分鐘就新鮮滾熱辣拿到手上，口感真真正正外脆內軟🔥重蛋香味的🔥

好耐都冇出去北角啦，一早就陪媽媽去北角買野，早餐都未食就諗起出黎北角就要食雞蛋仔。食過咁多間雞蛋仔都係北角呢一間最好食啦平時搭車經過見到都有好多人排隊，估唔到去到見到4個人排緊隊。新鮮滾熱辣雞蛋仔出爐，雞蛋仔外層香脆，入面就軟林林。蛋漿唔會填滿，只係得半滿。咬落口鬆軟。

利強記雞蛋仔幾乎無人不曉, 賣雞蛋仔賣出了9間分店, 也算是都市傳奇吧。因為地點方便的緣故, 我只買過尖沙咀分店及灣仔分店的利強記。今次來到北角, 雖然才吃過飽飽又滿足的瑞士雞脾餐, 還是忍不住要試試本店, 看看有沒有甚麼不同。答案是, 沒有甚麼大不同。一直都覺得灣仔店的出品頗好吃, 本店的水準也是很不錯。最大原因是雞蛋仔永遠都是新鮮出焗的：等買一底雞蛋仔的人龍一直都在, 少則3-4人, 多則十多二十個。出爐雞蛋仔只會供不應求, 又怎樣有機會放著在店內變成冷硬呢? 利強記雞蛋仔的脆度是無容置疑的, 不過內部的蛋糕部分卻稍微不足。圓圓的一粒雞蛋仔之內有一半是空的。不知去何處才可以找到內部滿滿是蛋糕的雞蛋仔呢...

對上一次幫襯, 很失望!!! 但我始終對這幫襯了十多年的元袓店, 殘留一絲感情, 希望它上次是一時失手... 今天再來1次, 給它1次又1次的最後機會... 午飯時間, 未有人龍...店內其實有很多部雞蛋仔機, 只是透過窗口只能見到2部, 店員未有意欲清理雞蛋仔機上的殘餘物... 未落單前, 見到有2底已制好不知多久的雞蛋仔放在鐵架上, 本不欲購買, 但最後又買了...雞蛋仔單看外表, 不錯...雞蛋仔外皮很脆, 可惜... 內涵嚴重不足, 只填滿了3成, 入口鬆軟, 蛋香香濃...這一粒雞蛋仔的內涵更是嚴重... 俗語說有云空心老倌, 敢問這一粒是否空心老蛋?!! 我也知道, 通脹猛於虎, 但它的價錢不算便宜, 但也不應給我這種貨色?!! 我曾是你的忠實粉絲呀!!! 好懷念以前老細親手做的雞蛋仔, 當時覺得是全港最好味的, 人龍超長不特止, 排隊時經常遇到明星駕車前來購買... 時光可以倒流嗎?!!.

我好中意食雞蛋仔GA有次同男朋友行街經過聞到好香雞蛋仔味就愛上呢間野賣GE雞蛋仔自此之後每次黎到北角都會去呢間野買雞蛋仔~好正的雞蛋仔香脆的外層仲有濃郁的蛋味係就係貴D但係一試愛上~