無敵家

營業中

休息中

今晚同朋友食生日飯所以想食好啲，呢間餐廳好近地鐵站又勁易玩。入到去已經好鍾意個裝修，牆上好多畫同裝飾，真係勁日本~ 而且原來佢有2層，地方都好大~真心我同朋友食左12樣野，樣樣都好好食，但有啲真係要推介第一個係佢地自家製既梅酒，其實上樓梯既時候已經見到一jar jar浸緊既梅酒，呢個梅酒有好香好濃既梅味，真係勁好飲!之後係個紅酒燴牛面頰，佢入面所有既材料都煮到好腍好入味，個牛真係入口即溶，我同朋友連入面所有既洋蔥同配菜都食哂，真係得番個汁，如果有白飯我相信地會連啲汁都唔放過LOL仲有免治雞肉軟骨棒，呢個棒好結實，好好食，但個sauce令到佢個味道再昇華，我食每一啖都將個軟骨棒浸落個sauce先放入口~跟住係海鮮野菜魚餅，老闆娘(應該係) 話呢個入面有墨魚、蝦同魚，再加左啲蘿蔔，首先炸左定左形再燒，呢個真係心機野，同埋佢真係好好食!最後係呢個頂級小牛排，其實我地本身無叫既，只係見到隔離枱有叫，個樣好得，而且又偷聽到老闆娘同佢地介紹所以我地跟風。老闆娘問我地幾成熟，我本身話7成，老闆娘建議5成好啲，7成佢驚會韌，食完之後我真係覺得佢講得好啱，而且呢個牛既牛味好重，超好食!!

夜晚想食日本嘢，飲番杯傾吓偈，上網睇到呢間距離地鐵站近近地，就揀咗呢間。成間舖頭都有佢地招牌嘅名，好多牌匾。喺樓梯上樓嘅時候，見到有好多自家製嘅梅酒，一排擺晒喺度，吸引晒注意力，仲有寫埋年份🥃。2樓位置都幾闊落，就算我哋得兩個人都俾咗四個人嘅話呢我哋，坐得好舒服，唔會迫，咁啱張枱嘅位置同隔離距離都比較遠，方便傾偈。$58 免冶雞肉軟骨棒🍗$38 雞翼$38 帆立貝串$28 串燒日本年糕🍡$58 厚切牛舌$198 頂級小牛排🥩$58 炸雞軟骨$55 蜜桃燒酒🍸最鍾意就係食自家製嘅雞肉軟骨棒，燒到焦香，配埋生雞蛋，絕配，入口食到雞肉嘅軟滑，又有雞軟骨嘅口感。另外就係頂級牛小排，脂肪分布好均勻，燒得啱啱好，放入口，牛嘅油脂味爆出嚟，落咗少少青檸，就唔會太油膩。試過喺其他地方食呢種牛肉，會有筋而咬唔開。牛舌串燒有3塊，火候控制得好好，就算係厚切都唔會咬唔到，入口好爽。雞全翼燒到雞皮脆口，但雞肉都仲滑，配酒一流。