Green Waffle Diner (希慎廣場)

營業中

休息中

Green Waffle Diner香辣蕃茄香腸薯粒鑊仔(大) $110辣味是來自於青辣椒，味道辛辣刺激，爽！腸仔帶點煙燻味道，加埋青辣椒特別有墨西哥風味。薯粒烤焗至金黃色，每粒都外脆內鬆軟。蛋黃香濃溏心真係睇見都流口水，精彩場面當然少不了拉絲芝士啦。香脆煙肉芝士忌廉蛋黃意大利飯 $132好滿足~ 非常濃厚既忌廉，creamy到漿住個咀一樣，加了大量茶樹菇中和膩感，煙肉夠香脆，同埋成個飯入面每啖都撈左餸，夠曬足料！大推薦！

農曆年假後，約定靚靚好姊妹去銅鑼灣shopping兼聚餐，大家已盤算好行悕慎廣場時，順道食埋晩飯。商場內有許多食肆，但變動快速，再上去又係另一番新的景象！2015年幫襯過嘅1303號舖，原來已經換上了Green Waffle。簡潔裝潢的cafe ，不僅僅供應甜點，還有主菜、小食呢。蕃茄乾雜菜扁意粉$108: 扁意粉唔會太軟身，入口彈牙。加入洋蔥、蒜蓉、甜椒、蕃茄乾、雜香草、芝士及蘑菇等等嘅配料，份外香甜鮮美。香脆煙肉芝士忌廉蛋黃意大利飯$128: 碟意大利飯味道濃郁，creamy又好吃。雖然煙肉脆脆地又鹹鹹地，但此乎唔太吸引到我哋。燒豬肋骨伴蕃薯條及沙律$138 for half: 燒豬肋骨肉質軟腍惹味，不過肉唔太多。炸薯條大家就食得多，炸蕃薯條倒是第一次嚐呢！甜甜地唔使再落醬，不錯呀。沙律菜夠新鮮。藍莓香蕉士多啤梨窩夫$82x2: 一份配朱古力雪糕，另一份則配士多啤梨雪糕。窩夫外脆內軟，好好味。生果十分新鮮。主菜+甜品一氣呵成，無限時仼坐，唔使再轉場了。