颱風點心 (已結業)

因為喺樓下食lunch，望上樓上發現有新野，間餐廳個名咁特別嘅，Tyfun Dim Sum颱風點心!咁啱又要約人食dinner，咁就試一試！星期六晚想喺年尾食中菜，一定咪駛指意有位，估唔到哩度有位！用Openrice book枱送25分Asia Miles準時上到去，只有一枱客！無諗過！可能位置有D避，所以無客。睇到menu原來係王家沙集團！今次就試下食物質素先！點心賣相可愛又精緻味道有五星級酒店水準，夠快、夠熱、又新鮮價錢合理環境舒服，裝修又時尚，同朋友開開心心傾咗一個晚上

已經有一段時間沒有飲茶食點心，忽然想起早兩個星期經過銅鑼灣利園廣場，發現了唔知從何時起在「安南」旁邊開辟了一個餐廳舖位，雖然改了一個英文名字，卻是以點心為主打，決定走去試試。由於打算周末去飲茶，穩陣起見，還是早兩天訂枱。一來餐廳新開張，二來位置比較吊詭，所以在利園一期地下大堂已經豎立廣告牌指引路徑。新張期間（2017.6.30之前）有九折以為好抵，睇真啲細字條款，原來要係 Lee Gardens Club 會員先至有着數。長電梯直上2樓，再轉電梯上3樓。扶手電梯爬升途中，面向中庭的餐廳外牆逐漸映入眼簾，第一眼就見到黑底灰字的餐廳名字，顏色雖然低調，但依然十分顯眼。去到3樓，再轉另一條扶手電梯，終於去到「Tyfun 颱風」。這個入口都幾隱蔽，有啲似後門；如果唔係有路牌指引，真係唔知道這個位置開咗一間餐廳。餐廳開11點，11點半到達，一枱客人都沒有，到底因為開業時間尚短（唔夠一個月），抑或質素問題？就要試過才知道了！餐廳面積唔算好大，裝修風格及餐枱餐椅設計一西一中，mix & match 得來又不覺得突兀，第一個印象唔錯。餐枱只是普通四方木枱，但枱面卻花了心思及金錢特別訂造，以中國水墨畫風

同友人喺銅鑼灣行街，行到咁上下就開始覓食..銅鑼灣本身就好多野食，要揀食咩都真係有啲難度友人話有一間新既點心鋪開咗無耐想去試下，鍾意試新野既我，梗係唔會放過呢個機會。喺友人既帶領下，去到一間點心店門口，未上電梯已經諗: "呢間完全唔似點心店，佢既外表似食西餐多啲喎..."入到去坐低，就覺得佢枱面既花紋好有中國既文化氣息...但當坐好一望，又見到西式的Bar枱，開始明白呢間並非傳統既點心店，我估佢應該係食FUSION菜的。因為好肚餓，已經急不及待咁睇下MENU有咩好食...呢幾條金魚仔剩係賣相已經好靚，晶瑩通透既外表喺燈光下泛起金黃色，搞到有啲唔捨得食佢...佢既外皮好煙軔，入面啲蝦好爽口同新鮮呢個流沙包係佢既推介，無理由唔試下佢剩係外表已經好有颱風感覺，加上入面流沙餡好滑好CREAMY，YUMMY~~水煮魚一上枱已經不得之了，剩係佢既香味已經令到你垂涎三尺桂花魚好滑，平時食嗰啲會有啲細骨，呢個真係食唔到有，食到完全停唔到口，鍾意食辣真係唔可以錯過佢既口味真係好正宗，食食下都叫咗杯解辣酸梅汁中和下~最後又點少得甜品作結呢，朋友話夏天芒果當造，一於食番個芒果糯米糍芒果睇落去顏色較淡，以為會