爐炭燒

營業中

休息中

今日同朋友嚟到海洋公園玩， 玩咗好多機動遊戲之後覺得好肚餓。跟住就周圍去搵餐廳醫肚。去咗唔同嘅餐廳差唔多間間都爆曬棚。。。。唯獨是呢一間好似少啲人。去到餐廳門口大概等咗15分鐘就入得了， 心諗會唔會係伏你黎㗎唔係太多人食喎 ，點知食落又覺得喜出望外！食物可以單點又或者叫set。 最後我哋叫佐個二人套餐。個set包咗前菜同埋甜品再加兩杯飲品，main course就四款入面選兩款。總括而言，如果大家鍾意食泰菜嘅話，又咁啱嚟到海洋公園，就可以嚟試下呢間餐廳。餐廳環境舒適 ，同埋好寬敞，價錢都唔算太貴，值得一試！

好多年冇去過海洋公園，亦從來冇用過生日免費入場優惠，今年見生日係星期日，即管預約入場行吓。生日唔想係樂園食快餐，所以之前做定功課，鎖定目標餐廳，就係食泰菜，入到場都11點幾，經過目標餐廳已經有10幾人排隊，諗諗吓都係食飽先慢慢玩。12點餐廳開門，以為可以即時入座，點知原來餐廳唔大，加埋人數限制，結果都係要Gulu 攞飛，最後，都係要食第二輪，等位期間就四周圍行吓睇吓。叫咗兩個午餐加個春卷，每個餐有餐湯、沙律、主菜、甜品及飲品，價錢由$208-$248，當然唔算平，但主題樂園餐廳預咗係咁上下，可接受啦。食物方面，評價如下：泰式青木瓜沙律：清新開胃香茅蕃茄湯：充滿蕃茄味菠蘿海鮮炒飯：份量細，但真係有海鮮，味道唔錯紅咖喱燴鴨飯：份量細，好少鴨肉，味道唔錯泰式春卷：新鮮熱辣，夠脆口椰汁千層糕：好味，夠煙韌總括來說，係份量較少，男士們應該食唔飽，但樂園餐廳來講，可以舒舒服服食餐飯算唔錯。

去到海洋公園搵嘢食真係要花功夫，尤其帶住小朋友，所以12:30就嗱嗱臨去咗呢間餐廳攞飛等位。好在早少少去等位，雖然冇book枱，但等咗15分鐘左右就可以入去啦。麗都海洋公園食嘢都係次要，所以好簡單食一個午餐套餐，在叫一個金邊粉，就繼續今日嘅行程。泰式青木瓜沙律味道有點奇怪，可能食唔慣，如果加啲西柚味酸酸地就會好啲。香茅番茄湯正正常常嘅蕃茄湯，夠熱，酸酸地好醒胃。紅咖喱燴鴨配白飯，辣辣地好香，雖然啲鴨唔多，但好惹味，好正。香茅椰汁雞湯金邊粉好香香茅味，椰汁都好香，金邊粉又好彈牙，不過雞絲就少啲。最開心係服務態度，中午時分等位日曬雨淋好辛苦，但係服務員態度好好，叫我哋download個app唔使喺門口等，可以行住紀念品店留意app嘅提示，到就會提示我哋返去。