138
50
36
香草麵包
2 已推介
等級4
2.1K
9
我仲未食飽架 ﹗
2014-07-10 7617 瀏覽
飲食 group 又到每月一次既聚會喇 ﹗最初打算去旺角朋友仔間餐廳 Live Band 既，不過最後決定黎 AL 意大利餐廳試試。剛剛做堅幻彩詠香江，勁多強國人爭廂拍照 ﹗餐廳對正海旁呢。我都忍唔住係入餐廳之前影幾張香港夜景，真係好靚。今晚天星小輪一帶都算少人喇，唔洗迫餐懵啦。嘩 ﹗好多強國人呀 ﹗餐廳有室內及室外坐位，但今晚咁熱唔坐出面啦，而且人來人往，又嘈又有人抽煙呢 ﹗AL 有兩個門口，一個對住海，另一個係商場裡面。我地 5 個人坐係近門口既梳化位，都算坐得舒服既，我最討厭張枱細，放唔得多野囉 ﹗餐廳分兩個 Zone，近商場嗰一半較西餐廳 feel，而近海既就較為酒吧 feel 一啲。嘩 ﹗全部 menu 都係意大利文，加上少少英文，睇死人咩。好采依家有出中文版 menu 啫，不過中文版勁良囉 ﹗真係好多野食想試啊 ﹗依度每碟既份量不太大，所以唔洗驚食唔晒啦。大家一坐低就傾到唔停口，哈哈 ﹗依家過左 30 分鐘都未叫野食，writress 都已問左幾次，呵呵。Peroni，有意大利生啤喎，食德國餐飲德國啤，食意大利餐當然要試意大利啤啦 ﹗啤酒味道幾清甜，味道屬淡易入口，酒味不太
更多
飲食 group 又到每月一次既聚會喇 ﹗最初打算去旺角朋友仔間餐廳 Live Band 既，不過最後決定黎 AL 意大利餐廳試試。剛剛做堅幻彩詠香江，勁多強國人爭廂拍照 ﹗餐廳對正海旁呢。我都忍唔住係入餐廳之前影幾張香港夜景，真係好靚。今晚天星小輪一帶都算少人喇，唔洗迫餐懵啦。嘩 ﹗好多強國人呀 ﹗餐廳有室內及室外坐位，但今晚咁熱唔坐出面啦，而且人來人往，又嘈又有人抽煙呢 ﹗AL 有兩個門口，一個對住海，另一個係商場裡面。我地 5 個人坐係近門口既梳化位，都算坐得舒服既，我最討厭張枱細，放唔得多野囉 ﹗餐廳分兩個 Zone，近商場嗰一半較西餐廳 feel，而近海既就較為酒吧 feel 一啲。嘩 ﹗全部 menu 都係意大利文，加上少少英文，睇死人咩。好采依家有出中文版 menu 啫，不過中文版勁良囉 ﹗真係好多野食想試啊 ﹗依度每碟既份量不太大，所以唔洗驚食唔晒啦。大家一坐低就傾到唔停口，哈哈 ﹗依家過左 30 分鐘都未叫野食，writress 都已問左幾次，呵呵。Peroni，有意大利生啤喎，食德國餐飲德國啤，食意大利餐當然要試意大利啤啦 ﹗啤酒味道幾清甜，味道屬淡易入口，酒味不太濃，大眾化口味。香草麵包，比我上次 Tea time 時好味好多喎 ﹗麵包味濃帶咸香，外層脆口裡面軟棉。如果係熱既就更好啦，最衰就係無得 re-fill 囉。跟一個橄欖油醬，味道特別，有種越食越想食既感覺。依個包侍應係唔會跟黑醋架，要自己問佢攞，但我覺得只係配橄欖油醬已經足夠，又唔係每次食意大利包都一定要配黑醋既。白酒忌廉海鮮寬條扁意粉 Pappardelle，有蜆肉同魷魚，賣相討好。嘩 ﹗頭盤末到，main course 先到 ﹗依個份量一個人應該剛好，但我地要五個人分，每人可以有兩條呢，多謝晒，哈哈 ﹗味道都算過得去，只略為淡口，一試無妨。朋友仔叫個侍應妹妹加黑胡椒，咁佢咪攞個樽黎即磨囉，點知朋友仔居然叫佢放低留比我地用。吓？﹗侍應妹妹即時呆左唔識應對。咁我咪同另一個朋友仔咪尷尬地話唔得架，好多枱 share 架，邊得淨係放係我地度架，您估茶餐樽鹽同胡椒粉咩。救命 ﹗薯仔 pizza，賣相一流，意大利菜既外觀有返咁上下。即叫即焗，熱騰騰上枱，好香焗 pizza 味道呀 ﹗餅底夠薄，口感嚥靭而邊位脆卜卜。芝士同茄醬味道濃郁，好好味 ﹗但唔係好食到薯仔，雖然見到有薯仔蓉係芝士下面。薯仔蓉可以再多啲再厚啲，我地就更開心啲，口感又會更加豐富 ﹗比剛才白酒忌廉海鮮寬條扁意粉好味。龍蝦意大利雲吞，我初時還以為會係傳統方形，點知係玫瑰形喎 ﹗有睇頭、有心思，不過細心檢查一下，發現有幾粒爆左皮囉，連蝦肉都見到，我無吹毛求疵架，哈哈 ﹗味道比我想像中為普通，不過不失，蝦肉爽但味道偏淡，大慨只係淡水龍蝦仔，不過配上香濃忌廉汁，還可以啦。雲吞皮幾厚吓，口感不太好，一試無妨。香煎黑鱈魚 Merluzzo，乾煎黑鱈魚？又真係煎得幾乾下喎，朋友仔話好似薯餅，哈哈 ﹗外層雖然煎得香脆但係略咸囉，醃咸魚。肉汁又幾乎完全乾掉，乾鞋既口感，不鮮不嫩，No Good。香煎帶子配蘆筍 Capesante，依個掂呀 ﹗好好味呢 ﹗帶子大大粒，煎得香口，肉質彈牙嫩滑又多汁。蘆筍同樣美味，甜甜的又鮮爽非常，半點渣都無架 ﹗加味啖而香既芡汁，更能張帶子鮮味提升。只得 4 粒帶子，我地 5 個人點可以平分勻呢？其實可唔可以好似中菜館咁，如果知道係 share 的話，可以加錢加多 1 粒？推介，必試。炆牛仔膝配意大利飯，居然牛仔膝內有大量牛骨髓食呀 ﹗所以廚師一早已經插左支匙羮仔係骨髓上面。意大利老外都興食骨髓架咩？識貨喎。牛膝肉被骨膠原團團圍住，火喉十足，炆得肉質軟棉又入味。骨膠原質感即滑且膠，彈彈既感覺，好好味 ﹗可以配埋墊底既意大利飯同芡汁同吃，非常滿足呀 ﹗推介 ﹗慢烤蘆筍，真係好貴既慢烤蘆荀呀 ﹗雖然超級好好食，爽嫩甜美又多汁，但差不多要八十蚊呀 ﹗香草麵包、白酒忌廉海鮮寬條扁意粉、薯仔 pizza、龍蝦意大利雲吞、香煎黑鱈魚、香煎帶子配蘆筍、炆牛仔膝配意大利飯、慢烤蘆荀 ﹗5 個人 8 款食物，還可以啦 ﹗但係我未飽啊，依家約七成啦，但有朋友仔唔想再叫喇，想食甜品，咁算啦，我明白的，超出預算了 ﹗Tiramisù，個甜品 menu 上面一大堆既意大利文加幾隻英文，又無中文版 menu，咁朋友仔唯有搵個 waiter 黎翻譯啦 ﹗其實個 Waiter 講完都唔記得，始終唔知係咩黎囉 ﹗咁唯有是但 order 啦，4 款 5 個 share。 Tiramisù 無咩特別，一般貨色。朱古力心太軟，但係個心上半就好軟，下半好硬喎 ﹗味道一般，再濃一點更好，軟硬心太軟。 香蕉蛋糕，個賣相好得意、好吸引 ﹗隨此以外就較為平凡。香茅蛋糕，依個有點驚喜喇 ﹗清香既香茅味道帶點點檸檬味，幾特別 ﹗仲可以清清味蕾。香草麵包，白酒忌廉海鮮寬條扁意粉 Pappardelle、薯仔 pizza 龍蝦意大利雲吞、香煎黑鱈魚 Merluzzo、香煎帶子配蘆筍 Capesante、炆牛仔膝配意大利飯、 慢烤蘆筍，今晚完滿結束 ﹗除左個甜品外，樣樣都幾好，係個份量較細，我食得唔夠飽呢 ﹗朱古力心太軟、香蕉蛋糕、香茅蛋糕、Tiramisù，其實甜品方面有點平平無奇，悶蛋 ﹗

257 瀏覽
0 讚好
0 留言
226 瀏覽
0 讚好
0 留言
214 瀏覽
0 讚好
0 留言
293 瀏覽
0 讚好
0 留言
55 瀏覽
0 讚好
0 留言
171 瀏覽
0 讚好
0 留言
163 瀏覽
0 讚好
0 留言
92 瀏覽
0 讚好
0 留言
Peroni
27 瀏覽
0 讚好
0 留言
香草麵包
58 瀏覽
0 讚好
0 留言
香草麵包
75 瀏覽
0 讚好
0 留言
白酒忌廉海鮮寬條扁意粉 Pappardelle
70 瀏覽
0 讚好
0 留言
薯仔 pizza
87 瀏覽
0 讚好
0 留言
龍蝦意大利雲吞
60 瀏覽
0 讚好
0 留言
香煎黑鱈魚 Merluzzo
38 瀏覽
0 讚好
0 留言
慢烤蘆筍
71 瀏覽
0 讚好
0 留言
香煎帶子配蘆筍 Capesante
94 瀏覽
0 讚好
0 留言
炆牛仔膝配意大利飯
67 瀏覽
0 讚好
0 留言
炆牛仔膝配意大利飯
72 瀏覽
0 讚好
0 留言
Tiramisu
43 瀏覽
0 讚好
0 留言
朱古力心太軟
48 瀏覽
0 讚好
0 留言
香蕉蛋糕
44 瀏覽
0 讚好
0 留言
香茅蛋糕
38 瀏覽
0 讚好
0 留言
35 瀏覽
0 讚好
0 留言
35 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2014-05-30
    用餐途徑
    堂食
    人均消費
    $400 (晚餐)
    推介美食
    香草麵包
    香草麵包
    薯仔 pizza
    慢烤蘆筍
    香煎帶子配蘆筍 Capesante
    炆牛仔膝配意大利飯
    炆牛仔膝配意大利飯
    相關食評
    30日內同一位會員在同一間餐廳提交的食評
    實地考察 ﹗