泰灜

營業中

休息中

同朋友一行五人選擇喺佐敦食飯，決定呢間餐廳book位，反正都好耐冇食過泰國菜，八點半黎到都人頭湧湧，舖頭有啲細，所以大家坐得有啲迫個湯有濃濃嘅蝦味，酸酸辣辣而且亦都冇咁鹹通菜攞馬拉盞炒緊係最好食一般般，冇乜特別，又唔係大碟，定價有少少貴全晚最伏，應該算係呢個，串燒雞係冇問題好食嘅,問題係個豬，韌到少d牙力都扯佢唔郁😅嚿大麵包載住啲咖哩汁同埋軟殼蟹，咖哩汁惹味點麵包食一流，賣相亦都好靚佢個椰菜苗比我想像之中炒得仲冧，比起同樣係做泰菜有分店嗰間新x既炒椰菜苗好食幾倍炸得都算ok嘅，唔太油膩，炸蝦餅咁basic嘅嘢好難做到難食，不過收98蚊就有啲貴啦配燒魷魚嘅辣汁好惹味，魷魚燒到啱啱好，唔乾亦都唔韌唔知係咪個燒魷魚辣汁太惹味，後上既呢個街邊燒牛肉顯得有d失色明爐烏頭都幾大條，亦都預留一碗湯汁畀你加湯，配料顏色視覺效果豐富，條魚都ok綜合評分：舖頭實在太細啦，五個人坐，我哋都好逼下，但係食物質素確實好，而且禮拜日幫襯指定啤酒仲有買一送一，都幾抵下

今日在佐敦用餐，選了一間有歷史的泰國餐廳。店內裝潢雖略顯舊，但整潔有序，感覺舒服，惹人好感。我們點了幾道常見泰菜，雖然食材不算特別，但用心烹調，味道不錯：- 菠蘿海鮮炒飯 - 馬拉盞炒通菜 - 炭燒豬頸肉 - 泰式春卷 - 椰汁芒果糯米飯 - 龍眼冰 最喜歡的是菠蘿炒飯，配料豐富，有花枝、鮮蝦、元貝仔、肉鬆、蛋絲、腰果、提子乾和菠蘿粒，色澤金黃，味道清甜。店內每日有特價菜，今天是星期二，芒果糯米飯半價。糯米軟糯，椰漿帶微鹹，配上香脆綠豆，味道地道。

難得同好友一聚，提議不如去食泰國嘢，朋友介紹呢間「泰灜」唔錯呢到午市有套餐選擇，而晚市menu就要單點小菜，而每日都有唔同優惠，記得留意下！泰菜必點肉碎生菜包！清爽開胃，肉碎炒得香口帶辣，配新鮮脆嫩嘅生菜將肉碎包喺生菜入面食，健康好味，感覺輕盈又滿足！串燒沙嗲雞加豬，雞肉嫩滑，豬肉彈牙有嚼勁，內裏juicy多汁。配埋濃郁嘅沙嗲醬，味道層次分明，香氣撲鼻，超惹味！馬拉盞炒通菜，通菜爽脆可口，馬拉盞嘅咸香味perfectly提升咗成道菜嘅風味，會忍唔住食多幾啖飯～麵包咖喱軟殼蟹，絕對唔可以錯過！酥炸軟殼蟹浸在濃郁黃咖喱海，麵包碗吸飽椰香咖喱汁，咬落外脆內綿，口感超豐富！微辣又夠哂惹味，辣度易入口，食落去啖啖都係咖喱香～泰式蝦醬炒飯 ，飯粒粒分明，帶有濃郁嘅蝦醬香味，仲有其他配料，肉鬆、臘腸、蛋絲等，咸咸香香易入口。青檸梳打，酸甜同梳打水mix and match，入口有啲刺激嘅清涼感，解渴消暑一流，岩晒熱辣辣嘅天氣飲！龍眼冰，用原粒果肉，清甜滋潤，果肉份量多！杯SIZE黎講算大，呢個價錢幾抵飲！

今晚又約了朋友在佐敦吳松街食飯，由於離地鐵站口只需行幾分鐘就見到，所以愛上了這條街，這兩星期已在佐敦開了三次飯。泰瀛門口非常容易認， 因為有兩個泰國女迎賓木像， 加上是玻璃門，可看到內裏是否有很多顧客。暫時人少少，我們就入去食了。內裏裝修簡約，仔細看就很有泰國風情，尤其是牆身 、枱布和茶壼， 是一家地道小店。我們先叫了一個大的小食拼盤，之後再叫串燒雞和豬各三串、麵包咖哩軟殼蟹、 馬拉盞炒通菜、 虎蝦炒金邊粉、虎蝦冬陰功湯，甜品叫了芒果糯米飯作結。小食拼盤有炸蝦餅、炸春捲、炸魚餅和炸雞翼。 個人最喜歡炸蝦餅，因為蝦膠很厚和有彈性，外面就脆卜卜， 點上酸甜醬，食指大動！ 炸春捲也很有水準，外皮硬身且爽脆，無好油膩的感覺， 內餡有新鮮蔬菜。馬拉盞通菜和金邊粉都好有鑊氣！馬拉盞通菜炒得翠綠又香口 ; 金邊粉就酸酸甜甜， 同埋炒到粉條分明，唔會一pat pat。冬陰功湯適合香港人口味唔會太辣。串燒豬肉和雞肉都嫩滑，有兩款醬汁可供選擇。重頭戲： 咖哩軟殼蟹農夫包， 又靚又好食。 估唔到有咁多軟殼蟹， 咖哩比較杰身，配上烘得脆脆的麵包，好好味。芒果糯米飯都有水準，只是我以為會比較大碟。

【佐敦食街泰國野】佐敦吳松街係食街，有好多餐廳野食，今次試呢間佐敦既泰國餐廳~沙爹雞肉串燒 (💝7/10)- 特別在配上蒜蓉包幾磚仔，入口唔係脆卜卜果種- 雞串好濃好入味，唔點醬都好夠- 反而豬肉花生醬淡少少lo, 無花生味，有種免治豬既感覺多$98 (6pcs)虎蝦炒金邊粉 (💝6.5/10)- 不過不失，配料不太多- 只得topping既蛋、再加d芽菜、青蔥等，隔離有少少糖同花生碎粒- 金邊粉炒得不太入味，味道較淡$128泰式鮮蝦金柚沙律 (💝6.5/10)- 有西柚、腰果、紫洋蔥、木瓜絲、菠蘿- 沙律有酸酸澀味，如果轉甜醬會清新好多$88馬拉盞炒通菜 (💝7/10)-好香馬拉盞味$39 (原價$78，有半價promo)______________________________【環境篇👇👇👇】- 小店茶記setting，無特別decor/裝修______________________________Overall- 我覺得呢間味道介乎一般到麻麻，味道不太出色，無一個dish令我深刻- 勝在份量好足夠...✏✏✏✏✏✏✏👅味道：6.5/10🌌環境：7/10🙋🏻‍♂️服務：7/10💰

💛泰灜·呢間我地想食好耐架啦 但係次次walkin都full曬 而我地份人又太隨心 難得個日有明確目標我地終於book到檯啦😍😍😍·麵包咖哩軟殼蟹 $188我一路睇中左既咖哩軟殼蟹阿🦀佢真係超級好食 個咖哩唔算辣 帶少少甜味同埋椰奶味 我自己超中意 點麵包真係超級開心🤤D麵包粒烘到好脆 個麵包碗呢就唔知係咪因為入面裝住咖哩 所以無咁脆 係鬆軟既感覺多D 都唔錯😈😈佢個軟殼蟹超大隻 唔會得炸皮 而且唔算好油膩 如果佢個咖哩入面再多D菜就好啦 佢D洋蔥超好味😋😋·馬拉盞炒通菜 $78因為咖哩麵包太大啦 所以我地就咁嗌多左一個菜😎呢個個味都惹味既 而且熱辣辣 但係佢係炒得比較爽身少少既 而我自己中意淋身D既通菜🙊🙊·#rbyeat#rby東南亞菜#rby💛#rby佐敦·📍佐敦吳松街141號地舖

今晚約了閨密食飯順便拎手信，近近地在附近食她喜歡的泰國菜。餐廳舖面不大，我們被安排上2樓坐，面積細及座位比較窄。坐得不太舒適。我地點了:馬拉盞炒通菜 $78 - 火喉唔均勻，食到有些菜還是凍的再者通菜老了點，口感略硬。馬拉盞唔夠惹味青咖哩軟殼蟹$118 - 青咖哩不太辣且惹味，可惜軟殼蟹已經淋哂，影響口感，有點失望。建議軟殼蟹另上。蒜蓉包$38 - 是配青咖哩叫的。又好可惜蒜蓉唔夠香，包唔太香脆，包邊淋了及略硬，味道一般。泰式生菜豬肉包$88 - 是今晚唯一最好食的菜式味道酸酸辣辣配上泰式香葉炒的豬肉粒，刺激了味蕾包上新鮮大片的生菜，真係好正雖然上菜速度快，可惜每碟餸聞起來沒有香噴噴的感覺。另有加一收費。不過服務好

因為屋企無飯開,所以以左朋友出街食,我地一邊行街一邊傾旅行,講起要夾一日一齊去泰國,就係因為咁就想起不如晚上食泰國野,最後諗左好耐決定揀呢間食,因為我地比店外的menu吸引住,入到去地方唔大,有d迫又有d暗,但美食搭夠就算啦!!我地叫左劈開椰青見海鮮, 泰式乾炒河,香茅炸魚餅,馬拉盞炒通菜,同龍眼冰, 我哋超級期待劈開椰青見海鮮會係點樣,因為menu幅圖非常吸引等咗一陣間馬拉盞炒通菜就上枱 ,熱辣辣出曬煙嘅通菜炒得非常入味,不自覺係咁夾夾夾,唔使好耐已經食曬之後出嚟係香茅炸魚餅,擺得非常靚,一啖咬落去非常多肉,仲有好多一絲絲嘅香茅,我對香茅一啲都唔抗拒,所以真係好正之後泰式乾炒河亦都嚟到,佢同普通嘅乾炒牛河差唔多,驚喜唔算太多,不過都好味龍眼冰好凍,唔算好甜幾好飲等咗好耐終於等到我哋最期待嘅劈開椰青見海鮮,因為要劈開椰青,劃開中間啲肉同椰汁,所以椰汁放咗喺個杯度另上,椰青中間就放咗好多海鮮,有蝦,青口, 墨魚仔同魚肉等等,因為佢係紅咖哩,所以我哋另外再叫咗個蒜蓉包一齊嚟食,真係非常惹味,下次我一定會再嚟!

朋友生日話想食泰國菜，上網search時見到呢間有隻雞好威水咁，就去試試佢啦！我覺得最好食係個牛肉，真係好冧，好好味。侍應好friendly，會過嚟關心食物質素，同埋反應夠快。食前記得打去book枱同講完想食咩呀，否則到時未必會有架。

佐敦呢幾條街都好多出名餐廳，又有澳牛、又有米線、又有雲吞麵等等，去到呢間泰國餐廳見門口無人排隊就諗住試吓點知入面都好full，係咁啱有人無嚟先有位俾我地兩個，原來平時係要book嘅。不過兩條友食泰國嘢其實食唔到啲咩🤣翟道翟豬肉串配糯米飯呢碟餸幾特別，無係其他泰菜餐廳見過。店員嚟到就教我地話要糯米飯黐住啲豬肉串嚟食，因為啲糯米飯真係一啲味都冇，反而啲豬肉串有少少酸酸地開胃嘅味（唔係啲肉變質嗰啲味🤣），肉質鬆散易咬。另有醬汁可以點馬拉盞炒通菜通菜炒得爽口唔會太老，味道啱啱好無過鹹，入面仲有啲辣椒粒同蒜粒令到成碟餸更香更惹味泰式蝦醬炒飯可能啲通菜好夠味，所以食呢個炒飯嘅時候冇特別驚喜，味道嘅濃度同馬拉盞差不多。飯粒乾爽，入面配有肉鬆、臘腸粒等等，令味道更豐富更有口感木橘冰一心諗住試新野所以叫咗呢個飲品，點知真係唔係人人接受得到嘅味道🤣 所以揀呢款飲品要三思我哋比安排到餐廳上面嗰層坐，好彩店員都會經常上嚟，唔使擔心有需要嘅時候冇人幫手。不過餐廳比較細，環境狹窄，所以坐嘅空間會迫啲食物唔錯，不過選擇唔算多，仲有海鮮嘢食可以揀不過就貴啲，下次可以多啲人嘅時候book枱黎依度食大家share～