たまご園 (朗豪坊) (已結業)

之前2人限聚雖然都有出街食過，但都係同另一半或屋企人食，見而家疫情好返少少先再約返朋友。たまご園想試好耐，不過成日都見好多人食要等好耐先有位，朋友仲有home office可以早啲拎飛先，Happy Friday就約佢黎試下。門口有自助取籌機，拎左飛等叫冧把就得。店面唔算大，密質質坐倒廿幾三十人，七點鐘已經滿座，之後黎嘅基本上都要等反枱。たまご園係一間日系西餐，主打食唔同嘅蛋料理，雞蛋標榜全部黎自沖繩，話雞隻嘅飼料都係非常有營養，所以啲雞蛋係特別有益，蛋黃都係鮮橙色。店內大部份菜式都以雞蛋入饌，除左玉子燒，飯麵甜品一樣有蛋，啱晒鍾意食蛋嘅朋友。特製玉子串燒($68) - 店內有多款唔同口味嘅玉子燒，不過想試勻晒咁多款口味就只有哩碟特製玉子串燒。玉子燒用竹簽串住，每一件上面都有唔同配料，present得好靚。五款玉子燒分別係蟹肉、鱈魚籽沙律、親子三文魚、海藻醬同番茄仔，玉子口感幾滑唔會太甜，五款入面我最鍾意鱈魚籽沙律，因為鱈魚籽鹹鹹香香味道好突出。海蝦明太子忌廉意粉配溫泉蛋($88) - 意粉份量比想像中多，上面有五大隻海蝦、菇同溫泉蛋，都幾足料。拮穿溫泉蛋薄薄嘅蛋衣，鮮橙色嘅蛋黃即刻流

今次同朋友到旺角朗豪坊4樓的たまご園， 店舖鄰近朗豪坊的food court， 座位是快餐店的格局。 當日一心想食班戟，所以就點了兩款焦糖香桃班戟$68、香蕉朱古力班戟$68、 再試埋五款玉子串燒$68， 加兩杯飲品鮮果水果茶$20、 焦糖鮮奶咖啡$20。 焦糖香桃班戟 & 香蕉朱古力班戟～ 兩款都鬆軟好味， 我比較喜歡香蕉朱古力味道， 兩者味道很夾。五款玉子串燒～ 蟹肉、番茄、鱈魚子沙律、海草醬、三文魚籽， 五種味道各有特色， 賣相吸引， 玉子入口香甜嫩滑。鮮果水果茶～ 見到朋友只飲了一半，味道可能普通。焦糖鮮奶咖啡～喜歡不太甜，冰粒不多，咖啡味濃。食物整體質素唔錯， 餐廳就有點熱，好似不夠冷氣， 座位也比較迫夾。