小皇府 (MOKO新世紀廣場)

營業中

休息中

滿足吓老人家，疫情關係2人一檯都去飲餐茶囉，12點小皇府只得2張檯有人，侍應好有禮貌招呼，環境乾淨光猛都算放心小皇府鮮蝦餃(2件)：飲茶好似點都要食蝦餃咁，雖然蝦唔算大隻，不過皮薄蝦爽，ok鮮竹牛肉球：陳皮雖然香味，但下次可以試另一樣點心😝虎松茸魔鬼魚餃：造型有趣鮮茄上湯鮮竹卷：通常都是上湯或蠔油，但今次用鮮茄煮幾特格，酸酸甜甜幾開胃泰式手撕雞春卷：香香脆脆，鍾意食炸嘢的係必選的滑蛋大蝦球煎米粉：呢個幾有驚喜，食咗一半才醒起要拍照，蝦大大有7-8隻，米粉煎得香脆又有鑊氣😋，好似潮洲兩面黃咁，加點醋很快就食晒一碟總括來講比酒樓唔差，可以幫襯吓呢啲小鋪

之前聽朋友講位於旺角東站2樓的小王府，飲茶點心超可愛又好食，趁今日放假便和阿女去試一試，因為係早茶嘅關係，我哋10:30去到已有好幾台茶客，一坐低便急不及待點了一些比較有創意而且推介的點心，到結帳時全單仲有八五折，抵食👍重點推介小蜜蜂流沙包，做型可愛神似蜜蜂，撕開一半包內的奶皇流沙馬上如噴泉般爆出嚟，濃香的鹹蛋黃加入幼滑吉士奶黃醬，另味道提升不少，實在太好味所以我一口氣就吃了兩個另一可愛造型就係鵝肝鹹水角，造型似啤梨肥嘟嘟很可愛，只睇外表完全唔知道入邊係鹹或甜，外脆內軟配上特製鵝肝餡料，構思創新酥皮菠蘿叉燒包，除了叉燒還有真正的菠蘿肉，味道出奇哋夾，真係出乎我意料之外蝦餃果然係佢哋嘅招牌推介點心，每粒都用薄薄的水晶皮包入大量嘅蝦肉和少許筍粒，肉質鮮甜爽口彈牙，食著一粒接一粒停不了口春卷皮包着卡邦尼醬同蟹柳來炸，我都係第一次食，配搭新鮮香脆好味軟糯的腸粉皮包着脆脆油炸鬼，再在內包着彈牙大蝦🍤加入自家製甜豉油同食，口感層次豐富，妙絕👍一般茶樓的鮮竹卷都係上湯或者蠔油，而小皇府就用新鮮蕃茄加茄膏煮成上湯，再放入鮮竹卷一同蒸，味道酸酸甜甜很開胃，就算食多兩條都唔會覺得溜滯😋