何洪記

營業中

休息中

落機好肚餓，掛住廣東菜，見到雲吞麵專家何洪記就入去試試。門口侍應好好人，見我哋車住兩個喼，幫我哋安排推去隔離巷仔，咁就唔會阻到人喇。以為喺機場食嘢價錢會好離地，但何洪記又唔算貴喎，幾十蚊碗雲吞麵算係咁。眼見食客普偏都係叫雲吞麵、燒味飯同點心，咁我又叫下囉。雲吞麵味道唔錯，份量都剛剛好，湯味濃、麵彈牙、雲吞鮮，十分高質。燒味飯我揀咗油雞飯，飯無一pat pat，仲要係我最鍾意嘅雞胸肉，好滑好滑，一定好食過太ｘ！最後食咗個燒賣，不過不失啦。見隔離枱兩個人叫咗乾炒牛河、切雞飯、油菜再加碟燒腩仔，兩個人晒唔晒食咁多呀？btw下次試下乾炒牛河，望落都好似唔錯。yummy~

今日快速來回左機場一轉 拿拿林食啲野頂肚，就見到呢間聽講雲吞麵好出名嘅店 一於試下。客人出出入入咁流動得好快 但店員態度都保持到 算係咁💁🏻‍♂️佢嘅麵真係幾好 冇乜鹼水味 夠彈,雲吞需然唔係好巨型但夠鮮味 皮薄而唔易爛開👍🏻鍾意嘅可以加點醋調味。