味川酸菜魚 (已結業)

得知火炭工業區開咗間酸菜魚，睇相見到賣相唔錯，所以特登同朋友由觀塘過嚟試下。平日夜晚嚟到，小店只有五張枱，好在早一步到，我哋坐低幾分鐘就滿晒客喇。餐牌雖然只有兩版，但款式都幾多下。除咗酸菜魚，仲有其他四川菜同小炒。我哋三個人點咗酸菜魚、黃金軟殼蟹同埋椒鹽脆鮮魷。酸菜魚一上枱就聞到好香花椒油麻辣味，金黃色湯底配埋雪白魚片，賣相好靚魚片係我最愛嘅鱸魚魚片塊塊都大塊厚肉，食落滑到不得了，份量都好多，而且完全無骨，啱晒我呢啲食魚唔識𦧲骨嘅人金黃色湯底酸酸辣辣好好味，原來用咗雞湯煮，比平時嘅魚湯，湯底味道更加豐富。紅薯粉口感煙韌而且索晒啲酸辣湯，好好味。除咗紅薯粉，配料仲有大豆芽、蓮藕片、金菇、雲耳同萵筍，雖然份量唔多，但勝在款式多，可見小店誠意。超邪惡嘅黃金軟殼蟹軟殼蟹炸得好脆，食落咸蛋黃味香濃但唔會過份咸。雖然係炸嘢，但唔會太油膩食完一啖會好味到停唔到口椒鹽脆鮮魷炸到金黃色，表面乾身唔油膩。食落非常脆，特別係魷魚鬚嘅部份，好似食薯片咁脆。鮮魷口感軟嫩彈牙，椒鹽炸蒜惹味又有鑊氣好耐無食過咁出色嘅椒鹽鮮魷食食下老闆送一碟雞絲粉皮畀我哋試下。用上平日好少見嘅新鮮粉皮，厚身粉皮食落滑溜，唔會過腍。配

見到評價幾好 ， 專程走來看看。 真係值回票價，小店親自經營，餸菜好用心做，服務好好。👍🏻酸菜魚真係冇得輸 ， 叫咗個標準size for兩個人食 $188。因為有小朋友，老闆話分一碗清湯嘅魚畀小朋友，我怕有骨。老闆話語冇骨而且好滑 。酸菜魚個湯底係用鷄淆製，冇味精。畀小朋友食得好放心 。用咗鱸魚， 唔腥，冇骨，好滑。 個湯底真心正，叫咗小辣唔算好辣，但食到尾有少少麻。 雖然叫酸菜魚但湯底唔算酸，反而有種清甜，食完之後唔會覺得口乾，我相信係冇加味精。 配料係乜都有，大豆芽， 木耳，青瓜 ，蓮藕 ，薯粉， 金菇，萵筍 等等..... 配料份量唔多，但勝在乜都有。 唔夠飽 ，再點咗個黃金軟殼蟹 。👍🏻 黃金軟殼蟹$115。 重蛋黃味，唔會過鹹，炸得非常脆， 唔會成口油 ，好乾脆 。而且軟殼蟹好厚肉，口感好，非常推介。加兩杯飲品，小店冇加一 ，埋單$337。一定會再回頭，希望小店質素可以保持住。因為有心做嘅小店酸菜魚唔多。