半島酒店大堂茶座

營業中

休息中

喺半島酒店享用晚餐，食嘅唔單止係食物，重有享受環境同服務❤️The Lobby有現場音樂演奏，歌手獻唱🎤，好有氣氛。今次被安排坐得較近位置，其實有少少嘈，同朋友傾計不自覺咁大聲咗dd😅食物方面：Starter: 🔸章魚沙律配烤時令蔬菜、橄欖、羅勒松子醬章魚片唔韌，加上酸酸嘅沙律汁之後，係開胃嘅頭盤🔸傳統法式肉批配醃磨菇、青菜沙律厚切肉批屬於冷盤，雖然啖啖係肉，但一d都唔覺得膩Main course:🔸烤豬柳及豬腩肉配椰菜花三款(燒、蓉、薄片)豬柳拼豬腩肉，賣相精緻，味道正常Dessert:🔸黑加侖子千層蛋糕配檸檬楓樹糖醬忌廉及杏仁脆脆食到最後都飽飽地，滿以為甜品會好「漏」，但呢個黑加侖子千層蛋糕帶點酸，反而味道更好，唔覺唔覺就食晒😋

之前係半島酒店大堂茶座試過下午茶，今日第一次黎呢度食晚飯。大概兩個星期之前打電話訂位，只係星期四居然要waiting，而結果係wait唔到。於是再打電話問餐廳服務員先話原來遲15分鐘就有枱，點解唔早少少講？真搞笑既訂枱服務員......訂左晚上7點15分，最後6點45分已經有位，其實都無人。麵包籃有3款麵包，分別係圓硬包，芝麻果仁硬包同rye。麵包微暖，全部偏硬，質素真麻麻。Rye入面就軟d。芝麻果仁硬包既芝麻味就幾香。牛油無特別造型，不過好滑。快樂生辰獎賞餐牌有三道菜，包咖啡或茶。每位$528加一。第一道菜4揀1，湯要加錢。4道菜分別係：章魚沙律配烤時令蔬菜、橄欖、羅勒松子醬或羅馬蕃茄及甜椒湯配意式面包脆條或傳統法式肉批配醃磨菇、青菜沙律或龍蝦湯、香草忌廉 另加 $98章魚沙律配烤時令蔬菜、橄欖、羅勒松子醬章魚4片，加左醒胃沙律汁，好開胃又唔韌。下面墊有意式青瓜，意式黃瓜同茄子各兩片，好食。上面鋪上沙律菜同菊花瓣就有d苦。外圍羅勒松子醬好味。傳統法式肉批配醃磨菇、青菜沙律傳統法式肉批一大塊，都厚身，凍凍地，食落唔膩，不過唔係滑個d，肉味唔濃，作為前菜都唔錯，不過真心無特別。伴有少少沙