茶墨 (已結業)

☆ 茶墨尖沙咀彌敦道100號The ONE 4樓L411號舖✦ 麻糬 芝麻烏龍鮮奶茶 (轉豆奶)好靚！完全係一幅水墨畫咁，除左好IGable之外味道都好好٩( 'ω' )و 濃濃嘅芝麻味，好似食緊芝麻糊咁，麻糬超軟糯又QQ，真係好好咬，甜度我揀正常但係都無話好甜，好飲！✦ 黑糖珍珠 芒果鮮奶無諗到原來芒果加落去都夾到，不過就會比起平時甜d，但都可以接受，黑糖珍珠好淋好入味同埋好有咬口，又係值得一試！✦ 日式奶茶蛋糕淡淡嘅奶茶味，蛋糕質地好軟熟，充滿空氣感，細細件做飯後甜品一流。PS : 想講佢個蛋糕盒我都覺得好靚，簡約美。另外除左蛋糕其實佢地仲有多款口味Gelato，下次一於試埋佢先！

今日約左閨蜜係尖沙咀食晚飯，食完飯又唔捨得咁快分開，當然要間餐廳食埋甜品先走啦。係The one經過茶墨，比個menu吸引左，因為有我最愛既麻糬😍😍麻糬芋泥茉莉鮮奶綠 $39職員好細心，拎飲品既時候會提醒客人飲用時要先攪勻，一啖滿滿芋泥芋泥味道，好滿足。配上淡淡既茉莉花茶，很清新。原來仲有粒粒麻糬，很煙靭彈牙，多了一層口感。黑糖珍珠芒果鮮奶 ＄39可能朋友仔點了少甜既關係，令芒果既味道更加突出，珍珠煮得好煙韌。抹茶 雪糕奶昔 $48朋友仔話凍到牙都震都要飲番一杯雪糕奶昔，很creamy，亦唔會有綠茶的苦澀味。正價飲品加配優惠，蛋糕每件$28簡左日式奶茶蛋糕，蛋糕偏向細件。淡淡的奶茶香味，而且蛋糕很鬆軟。草莓芝士蛋糕值得推介：鍾意食芝士蛋糕嘅你一定要叫，蛋糕很重芝士味道，而且草莓的味道也很突出。

夏天熱辣辣，最開心就係入商場避暑， 歎返杯凍冰冰嘅野飲降下溫。因為太耐冇嚟The ONE呢度，都唔知頂樓開咗間茶店。我同朋友見呢間茶店有特色，裝潢骨致，竟然可以坐底堂食，就選擇呢度閒座一吓。 呢間茶店喺開放形式， 喺商場通道兩旁設置咗一啲座位同企位。細閱餐單，我地叫咗水墨風系列。既然要飲，當然要飲最特別， 最少見既飲品啦，打卡影相都好靚！我地就叫左個黑糖珍珠 芒果鮮奶， 同埋紫薯鐵觀音沙冰。因為可以以飲品加配價食埋個雪糕， 所以我地亦叫左一球試試。▧ 黑糖珍珠 芒果鮮奶芒果配上珍珠奶茶， 未飲時以為會怪怪的，深怕芒果味會被黑糖搶味， 但試過後又覺得挺和諧， 重點係要先攪拌再飲。 如唔攪就飲，層次味道會冇咁夾，無咁突出。▧ 紫薯鐵觀音沙冰賣相真係好靚， 同店名一樣， 好有水墨風風格。紫薯味飲品向來都受歡迎， 呢間既紫薯鐵觀音沙冰都好好飲。 茶上有層奶蓋，飲品內有紫薯粒， 配上鐵觀音，好夾好飲。 ▧ 低脂意式雪糕 - 鐵觀音茶味嚟到以茶作主打嘅店， 當然也要試試茶味雪糕。鐵觀音味雪糕好少見， 唔鐘意好甜， 想試一試香濃茶味， 又想食凍冰冰既雪糕，呢款必試。