八沢 (筲箕灣東大街)

營業中

休息中

餐廳裝修好日式，居酒屋格局，落單以Qr Code自助點餐形式，有食物圖片睇，不過都有實體餐牌，方便客人觀看。✨設加一服務費-💕黑蒜灸燒極濃黑豚肉拉麵 $82💕黑安格斯肉眼牛扒飯 $92💕明太子雞翼 $45💕自家製薑蜜 $20-1️⃣ 黑蒜灸燒極濃黑豚肉拉麵 ⭐️⭐️⭐️聞落好香既黑蒜味，有三塊大大塊既黑豚肉，肉質好嫩，糖心蛋個流心程度整得好好！拉麵就採用彎彎地比較似公仔麵質感個隻，總括而言，配料都很不錯，湯底味道就略為淡了一點。/2️⃣ 黑安格斯肉眼牛扒飯 ［滿星］⭐️⭐️⭐️⭐️⭐️‼️這個十分推薦！肉眼牛扒肉質鮮嫩多汁，控制得個火候好好，食落唔老又唔過熟，而且黑椒同埋蒜香味腌得好入味，同專食牛扒嘅餐廳質素差不多！而最最最特別嘅係配牛扒既醬汁，雖然味道似普通點牛扒嘅燒汁，不過會有陣清酒既餘韻係尾，好清純嘅感覺😍/3️⃣ 明太子雞翼 ［滿星］⭐️⭐️⭐️⭐️⭐️‼️雞翼腌得好入味，同一般重口味既雞翼包飯味道一樣，而內裏真係包住滿滿既明太子，一啖佈滿成口😂/4️⃣ 自家製薑蜜 ⭐️⭐️⭐️⭐️薑味夠，未去到會有薑到辣既感覺，蜜糖味都夠，味道均勻，唔會話偏重薑味或者偏重蜜糖味。-環境：8/10服務：10/10好味指數：9/10回頭率：9/10

今晚御廚放假，落雨天，就近近地去東大街搵食搬舖後第一次嚟食，同舊舖一樣日式陳設，好似去咗日本嘅居酒屋呢度係自助落單，用自己電話嘟個QRcode，就可以見到個圖片menu 自己落單好方便！黑松露忌廉海鮮烏冬 - 招牌菜，點都要試吓海鮮係三文魚腩同大大粒帶子，兩樣都處理得啱啱好，唔會過熟而韌，好味！烏冬煙韌、有咬口，仲微微掛住啲黑松露忌廉湯汁添黑蒜灸燒極濃黑豚肉拉麵 - 豬骨湯底味濃，充滿蒜香，加埋炙燒過嘅黑豚肉丶糖心蛋，極上滋味！鹽燒白鱔 - 皮脆肉脆，油香，每一啖都係享受燒羊架 - 燒得啱啱好，肉嫩，一啲都唔乾，惹味呢排出街食飯大家都注意咗衛生，要讚讚店內有消毒搓手液提供，入座後店員會主動遞上，實在太細心，加分值得一提，呢度服務好好，全部店員都好友善有禮，食得好開心！

已經係第二次黎幫襯喇~ D人成日話筲箕灣東大街好多野食,其實我又唔係真係好覺,呢間算係揀得落手既一間.佢既招牌係 [ 黑松露忌廉海鮮烏冬 ] 海鮮即係有三文魚同埋兩粒帆立具,都幾巨形下.好濃既湯底,贊!同行者ORDER左 [ 黑蒜灸燒豚肉拉麵 ] 其實我都想叫呢個,不過俾佢圈左先,不左啖黎食下.個湯超級香,堅有灸燒既味道.另外兩樣小食 [ 燒扇具 ] & [ 雞泡魚干 ] 都OK,正常. 想講佢杯咸檸七又幾好飲架喎! 兩個人普通一餐晚飯3百幾蚊,可能有少少偏貴左D,不過feel到呢間鋪既出品並唔係求其是但果隻,況且辛苦搵來至在食,間唔時都OK既. 如果有拉麵/烏冬愛好者,可以考慮黎試下.順帶一提,鋪內既哥哥仔幾有禮貌,NICE. 可惜聽到佢同其他客人講過幾日LAST DAY嚕.

星期五同朋友係筲箕灣gathering， 想搵間有特色又坐得舒服既鋪頭，於是就揀左呢間試。一行３人，店員安排左我地坐卡位，正，冇限時，可以慢慢坐同吹水 黑松露忌廉海鮮烏冬３個人都係重口味怪，首選一定係試呢個，一來好少見到出面Ｄ餐廳有得賣，二來睇個名都覺得冇得輸。果然不負眾望，忌廉湯底夠曬濃郁，食落有淡淡既黑松露味，烏冬滑嘟嘟，配料有２件帶子，好鬼多件三文魚，ＣＰ值高。３個人share剛剛好唔會太漏，如果一個人自己食曬都應該會幾滯。黑蒜灸燒極濃黑豚肉拉麵湯底濃郁，拉麵合格，配料好足，味道好似出前一丁黑蒜面濃郁版，唔錯日式滑蛋叉燒飯蛋好滑，叉燒唔會太肥，美中不足係飯偏硬，整體合格但可以有更好既選擇明太子雞翼(3隻)雞翼炸得剛剛好，配埋塞得滿滿既明太子，價錢合理，不錯總結而言，我會推薦大家試佢個黑松露忌廉海鮮烏冬

今日又黎到東大街 好多餐廳都成日食 所以想轉轉口味試下日本菜 八沢個位置極好 呢個亦係我地揀佢入去既原因！見到原來佢銅鑼灣 上環都有分店 應該唔會係中伏野啦呢個拉麵係招牌 黑豚肉幾好食 無so味 同埋係硬身個隻 而唔係林batbat既！但個湯底就真係麻麻地 死咸 同無乜黑蒜味 而個拉麵個麵質都麻麻 有d似包裝公仔拉麵既感覺呢個明太子雞翼麻麻地 冇乜明太子嘅味反而個雞翼皮就炸得幾好食好香 牛乳忌廉餅無死啦一定好食 亦炸得唔會好多油呢個豬排飯就幾好食 白色個個係芝士汁好香好濃 令炸豬排個味勁加分！炸豬排亦炸得好juicy 1D都唔鞋口！ 個汁撈飯亦好好食！唔錯！