Owens (砵蘭街)

營業中

休息中

我哋諗呢間都真係好多人都識了🤣 但我哋就一直未有機會試佢，因為佢真係長期都咁多人等🥹 嗰日收工見唔算太多人等，終於可以試吓佢😍Sᴇᴛ ғᴏʀ 2 $408是日餐湯煙肉薯仔忌廉湯，因為有薯仔，所以口感好濃郁，湯質亦都好杰撻撻😙 仲有啲煙肉用嚟吊下味，都唔錯嘅蜜糖柚子雞翼雞翼Sɪᴢᴇ都唔細，炸到脆卜卜，食落口仲熱辣辣，肉質嫩滑仲好Jᴜɪᴄʏ，蜜糖嘅微甜加埋柚子嘅微酸，用嚟開吓個胃啱哂😚龍蝦汁虎蝦闊條麵份量中規中矩，有兩大隻虎蝦，肉質爽彈，啖啖肉，闊條麵食落麵幾有彈牙，唔會好冧，成個闊條麵都充斥住濃濃嘅龍蝦味，真係索一索精神爽利🤪美國安格斯肉眼牛扒塊扒上到枱就見到燒得好靚，Sɪᴢᴇ都幾大同埋幾厚身，牛扒真係要咁食先爽，我哋叫咗五成熟，呢到要讚吓個廚師掌握個生熟度掌握得好好，食落肉質嫩滑，牛味幾香濃，非常Jᴜɪᴄʏ，呢個大推👍🏻芝士/蒜蓉焗生蠔 +$68見佢有個Aᴅᴅ ᴏɴ生蠔，即刻叫埋嚟試吓，一共4隻，就算熟咗都好，隻隻都好大粒，超級飽滿，表面有一大堆蒜蓉或者芝士，但都食到隻蠔嘅鮮味，蒜蓉相對重口味，但好惹味，芝士就食個香味，兩款都好正😍伯爵卷蛋 +$48呢款甜品嘅伯爵茶味非常霸道，濃郁到癲

呢間西餐廳喺太子好出名，成日都見到好多人推介🤣 試咗佢嘅二人晚餐，都幾豐富㗎，價錢適中，有餐湯、小食、兩份主食、甜品同埋飲品添😉 職員都好有效率，叫完嘢食之後快就有得食啦😛水牛城雞翼 🐥 雞翼有兩款口味，水牛城同埋蜜糖柚子，我揀咗佢嘅水牛城雞翼，每人兩隻🤗龍蝦汁虎蝦闊條麵 🍝第一個主食揀左龍蝦汁虎蝦闊條麵，佢有兩大隻虎蝦好吸引，好鍾意佢用咗龍蝦汁調味 🦐 美國安格斯肉眼牛扒 🥩 肉眼牛扒煎得啱啱好，揀咗五成熟，肉質好嫩，口感豐富😋Owens 牛角窩夫伴雪糕 🧇 自己好鍾意食牛角窩夫，牛角包加窩夫新鮮出爐好脆🤗 配埋雲呢拿雪糕好食😋開心果麻糬提拉米蘇 🍨最近最受歡迎嘅甜品一定係有開心果味😍 估唔到呢度有開心果配麻糬提拉米蘇添，真係超吸引😛 賣相已經加晒分，好香開心果味，麻糬好煙靭，一定要試😇巴斯克麻糬芝士蛋糕 🍰最後仲試埋佢地既巴斯克麻糬芝士蛋糕，入面仲有麻糬架😍 好特別🥳

今日同朋友慶祝生日，見到間餐廳裝修好文青🌿啱晒打卡，一於試下😆✨等咗幾分鐘就入得，店員好Nice、有禮貌，而且上菜速度夠快😆👍🏻.$408（2人餐）隨餐奉送是日餐湯 / 沙律粟米忌廉湯：食到好明顯嘅粟米粒粒，有咬口，而且飲落順口、香滑，麵粉感唔重！頭盤（三選一）蒜蓉/芝士焗生蠔（4隻）：超級推介頭盤揀焗生蠔，口味可以雙拼，生蠔大大隻🫶🏻唔腥🦪✨蒜蓉味好香口，因為蒜蓉量好多，食落夠惹味👍🏻個人較喜歡芝士味，充滿咸香，而且唔會漏！主菜（六選二）龍蝦汁虎蝦闊條麵：有驚喜😆虎蝦口感彈牙，肉質結實🦐闊條麵好掛汁，每一啖食到濃濃嘅龍蝦汁，好好食😋美國安格斯肉眼牛扒牛扒叫咗五成熟，食落好嫩口，牛味重👍🏻而且好大份，牛扒汁淡淡地唔會好搶，另外配咗黃芥辣😆薯條脆卜卜，熱辣辣👍🏻隨餐奉送是日甜品牛角窩夫伴雪糕：窩夫好香牛油味，餅身厚實，外脆內軟，配埋雲呢拿雪糕，一凍一熱，好滿足🥰自家製蛋糕 +$38紫薯芋頭卷蛋：cream好滑口，食落有陣陣芋頭香，紫薯味則較淡😝卷蛋好軟熟，甜度適中👍🏻餡料有麻糬，QQ彈彈，好食！總括然而，係一間高質素西餐廳，好味又抵食😆✨

Bookmark🔖咗呢間餐廳一段時間，今晚終於約咗朋友一齊去，食咗好抵食嘅Set Menu for Two （$408）🤗芝士焗生蠔（4隻）成隻手掌咁大嘅生蠔🦪非常鮮嫩多汁，搭配濃郁嘅芝士🧀一齊焗，令生蠔充滿芝味😋龍蝦汁虎蝦闊條麵🦞🍝麵條煮得彈牙，而且掛滿濃郁嘅龍蝦汁，仲有兩隻彈牙嘅大虎蝦，好足料🤤美國安格斯肉眼牛扒🇺🇸🥩牛扒份量十足，揀咗五成熟嘅牛扒，外層煎得金黃酥脆，裡面仍然肉質鮮嫩多汁👍🏻Owens 牛角窩夫伴雪糕🥐窩夫好酥脆，搭配雲尼拿雪糕，令口感更豐富🍨🧇伯爵茶麻糬提拉米蘇（跟餐+$38）🍰第一次食伯爵茶口味嘅tiramisu ，茶味相當濃郁，煙韌嘅麻糬搭配香濃嘅伯爵茶cream，每淡都充滿奶香同茶香🫖伯爵茶麻糬卷蛋🫖見到賣相好吸引，所以忍唔住追加咗一件🍰，卷蛋嘅伯爵茶同樣非常香濃，鬆軟嘅蛋糕包住香甜嘅茶味cream同麻糬🤩

呢間餐廳前身Paradise我有食過，環境較昏暗，但印象中幾寧靜，易手後光鮮左亦旺場左，不過座位比較迫，成晚聽住左右兩枱傾偈，自己都唔敢點講野。望到餐廳佈置同餐牌上個麻糬提拉米蘇，我就諗起佐敦某P餐廳，唔知兩者有冇關連。① Set Menu for Two $408是日餐湯: 粟米湯頭盤: 煙三文魚凱撒沙律主菜: 龍蝦汁虎蝦闊條麵 美國安格斯肉眼牛扒甜品: Owens牛角窩夫伴雪糕 伯爵茶麻糬提拉米蘇(+$38)飲品: 柚子蜂蜜 香茅生薑蜜.個粟米湯似罐頭湯，尚可接受，煙三文魚沙律正正常常；闊條麵味道略淡，肉眼扒叫五成熟但似全熟，唔覺有紅色，口感亦有點韌，扣分。牛角包窩夫配雪糕幾好味，反而最期待既Tiramisu只係覺得甜，唔太食到伯爵茶味，有點失望。不過飲品杯香茅生薑蜜有驚喜，薑味重但唔會覺得難入口，好飲。② 薯條三兄弟 $58薯條咬落幾粉，三個醬味道香濃，配薯條一流。.最後都想一讚餐廳員工服務態度幾好，幾主動提供協助，但整體性價比唔算好高。

同朋友仔慶祝知道佢都鍾意打下卡又有格調啲嘅類型就揀左太子依間Cafe🥳 店舖雖然唔大但店面格調帶點波希米亞色彩，有大枱亦有小枱、而且地點非常近地鐵站相當就腳易搵都唔錯。 我哋見個Set Menu for Two 都好吸引又幾抵就叫咗佢哋嘅set 。湯款叫咗個daily 另一個就加錢要咗法式蟹肉龍蝦湯 ，頭盤就叫咗蒜蓉/芝士焗生蠔（4隻）,Main 就嗌咗龍蝦汁虎蝦闊條麵 同 美國安格斯肉眼牛扒而甜品就Upgrade 要咗伯爵茶麻糬提拉米蘇🤤飲品叫咗香蕉朱古力奶昔同 一杯叫戀愛.世紀嘅梳打🤭 法式蟹肉龍蝦湯夠味而且有唔少蟹肉， 頭盤嘅蠔兩款味都好正🤤唔會焗過龍有蠔汁～ 而肉眼牛扒煎得岩岩好肉質唔會過硬，油花同肉汁都適中😋而龍蝦汁虎蝦闊條麵，醬汁夠濃郁 虎蝦亦大大隻夠彈牙 而闊條麵嘅麵質唔會太淋身 配合汁醬嘅鮮味👍👍 杯香蕉朱古力奶昔唔會因為朱古力味蓋過咗香蕉味鍾意蕉味嘅朋友仔可以一試～戀愛世紀係蜜桃+野莓嘅梳打，甜甜蜜桃+野莓微酸配埋梳打嘅氣泡幾配合個名🤭 最後甜品除咗外型精緻打卡able之外真係會想一再encore 😂 傳統嘅提拉米蘇係咖啡但佢係改咗用