牧羊少年咖啡館 (白楊街)

營業中

休息中

叫咗個all day breakfast. 算係驚喜.首先啲野食全部熱辣辣. 就連蕃茄仔都好熱好熱. 👍炒蛋好滑, 味好濃, 好有蛋味, 好好食. All day breakfast每一樣食物我都好滿意. 係腸仔多咗啲, 有4條腸都太多喇, 如果可以換做其他野食會好啲. (同埋冇我最憎既茄汁豆 ;p)餐廳個裝修都幾有特色. 感覺好舒服. 同埋冇限時食幾耐. 又唔會話好嘈. 超級適合女仔去傾計食野. 想傾幾耐都得.上菜希望可以改善. 同枱有朋友叫咗個意粉. 意粉上咗菜先. 到all day breakfast上菜果時, 我個朋友個意粉都食咗一大半. 希望餐廳可以叫意粉等埋all day breakfast, 差唔多時間先上會好啲.星期6的下午去, 人都幾多. 但等位都好快. 等左10分鐘. $90 一個all day breakfast連一個粟米湯, 食得好飽. 氣氛超好. 絕對可以再戰!

星期六下午3 點出面仍然好多人，我同朋友都係冒名黎試試。點知等左15-20分鐘左右，工作人員話有bar 枱問我地坐唔坐，如果唔係就下一張二人枱比我地，我地就繼續等。點知等到見到個個入晒去，都比埋三人坐位的入去，我先去問，原來佢唔記得左，都算啦，好在唔晒唔熱。當然要叫野食啦，個個侍應都好細個，掛住傾計/唔會周圍望下客人，到入面整食物既人見到我先叫人黎落單。我叫左個set A brunch ,順便問下係咪有茶/咖啡，茶有冇breakfast tea...點知個侍應一句答我得呢啲...茶包黎。佢的確係好似倒緊自己米....我叫左個烏龍茶［包］。食物黎到，其實如照片一樣，還可以，起碼唔係好油。同朋友傾傾下計，見到佢地其中一個侍應，可能放飯，拎住m 記入黎...仲要坐喺度食...其實冇話唔比，但啲味一定有，同埋一啲都唔遮下，公然地食...明顯都係幫公司倒米。唔知係咪呢間喺Openrice 太熱捧定香港太少cafe 還是佢地其實先係老闆。如果只為左坐耐啲，同朋友吹下水，可以試下既同等下既.....

聽說這間餐廳的概念源自一本叫《牧羊少年奇幻之旅》的小說，那是一本關於牧羊少年追尋夢想的故事。我沒有看過這,本書，不過書裡面有一段是這樣說的﹕「絕大多數人似乎都很清楚別人怎麼過活，但卻對自己一無所知。」的確，日復日的忙碌令人變得麻木，這兒有三個大書架，邊嘆咖啡邊看書，或許能透過旅遊、透過別人的故事，喚起漸漸被遺忘的夢想、勇氣和對生命的感動。店內的裝潢以木為主， 木的枱櫈搭配不同形狀的吊燈，效果很特別。大枱數目為數不少，非常適合一大班朋友聚會。因為開業不久，仍未有正式的menu。很想推介其中的All day breakfast，由12:00-23:00提供(18:15前加$5包餐飲，18:15之後不包餐飲還要收加一)，有A1~A6 六款任君選擇。其中A5最豐富，包括有白菌炒蛋、英式豬肉腸、芝士愛美拿腸、法蘭克福腸、煙肉、牛角酥、茄汁豆、油醋沙律及鮮果乳酪。當中以牛角酥最突出，又香又脆，充滿牛油味。鮮果乳酪用了蘋果、木瓜、火龍果、香蕉，其中以蘋果跟乳酪的味道最夾。另外，餐廳亦有Set dinner可供選擇，包括餐湯、前菜和$25以下的飲品。餐湯是雜菜湯，味道剛好，不會很酸。前菜是芝士吞拿魚酥

愛咖啡也愛酒的小妞，難得看到有間Cafe可以一次過滿足我2個願望，還用上了我最愛的旅遊為主題，是晚的Happy Friday Hour就選了這裡。小店所在的地點不算旺，但排隊等候的人卻也不少，整晚門口都有人客站著等位，人流不絕。 Cafe最入面有個像酒吧的東西，坐下後卻看不到酒Menu... 問了一下侍應，原來小店還未領到酒牌 幸好還有杯Irish Coffee可以頂當一下。 Ice Irish Coffee咖啡不錯，比一般的樓上Cafe做得更幼滑細致，不酸而且易入口。 (Dinner Set) 芝士乾茄煙三文魚尖通粉 ($89)醬汁帶著蕃茄乾的鹹香，味道比一般茄醬更豐富，通粉也煮得不錯，雖說芝士味只是來自面頭的芝士粉，而且配料用的三文魚也未見出色，但以Cafe來說已相當不錯。 All Day Breakfast (白菌炒蛋、法蘭克福腸、牛角包、茄汁豆、油醋沙律) (~$50)薄身的熟透炒蛋，味道有點淡。法蘭克福腸跟茄汁豆都是超市貨色，沒啥特別。加錢把多士轉威成牛角包，但感覺那餐前小吃吞拿魚酥盒比這個出色得多，牛角包酥脆度一般，牛油不夠香濃。油醋沙律的醬料酸酸