Athletic Juice & Espresso Bar (已結業)

天氣熱辣辣，想消暑又唔想飲汽水呢d 生冷野，最啱就係飲番杯健康果汁。呢度d 果汁配搭都幾豐富，另外仲有沙冰，coffee 選擇。✨呢三款係最新既主打～～睇落都幾吸引。✨雖然鋪頭細細，但有個角落可以自由斟，呢個detox water飲落有微微既橙同西柚味，感覺幾fresh~~~✨叫開野飲仲可以加$18要件cake ,又或者配件曲奇添。✨banana bread(+$18): 咁啱新鮮出爐，所以唔使加熱已經暖暖地。 蛋糕幾鬆軟同幾香🍌蕉味，入邊仲有果仁，味道唔會太甜。 面頭烘到脆卜卜，都幾好食👍🏻叫開野飲一定要整番件✨racquet hitter ($55): 有芒果，菠蘿，熱情果同埋檸檬， 話可以增強免疫地。質地比較杰身，飲落芒果同熱情果味比較重，酸酸地幾開胃，我個佬話如果加番d 冰更加正，不過我鍾意原汁原味。✨swimmer splash ($55): 抗氧化組合，集齊我最鍾意既藍莓，士多啤梨同蘋果，顏色好pink。呢款無咁杰，飲落酸酸甜甜😍好飲啊。

身為一個咖啡迷，假日最愛遊咖啡室，最近見到IG流傳一張好吸睛的咖啡相片，而我亦同時將相片發給一班咖啡友，大家都紛紛討論，好好奇它的味道，那就由我率先試試。它就是我今個假日的目標，仲要拉埋同樣愛喝咖啡的老爸一起品嚐。專誠走入星街找尋它，店子門面以黑色為主調，配上白色的招牌。地方小小，只設有三張單人高櫈和兩張長木櫈，但有一個開放式的製作區，可清楚看到咖啡師的沖調過程，最令我高興。裝潢簡約平實，灰泥的磚牆掛上四大塊餐牌，而另一邊牆身就貼滿綠油油的蔬菜模型，前方放了幾個出售有機零食的小木箱，而長枱上亦放齊物資，仲有一大座蔬果水任客人任飲。地方雖小，但骨子企理，感覺幾舒適。細看牆上的餐牌，相當清晰。除主打各種咖啡外，店子另一主打是蔬果汁，有多款Juices, Smoothies, Shots, Pure Juices等等，各款都有不同功效，如有Prevent memory loss的Energy Replenisher、有Detox and cleanse 的Trail Walker等，有二三十款，仲有夏日新產品、有機茶...，真係要用心慢慢看。*************************

34℃高溫, 有咩爽得過飲返杯鮮果smoothies。呢間位於太古廣場3期附近嘅Athletic Juice & Expresso Bar 店內位置唔多, 但裝修簡潔悠閒。單係果汁 & 沙冰嘅選擇已經超過20款, 真係花多眼亂呀。店員親切貼心, 純熟地介紹幾款切合炎炎夏嘅飲品。如果你同我一樣怕草青味, 呢杯嫩粉色嘅smoothies就啱曬你。Cycling Sipn 以 Agave, Coconut Water, Pineapple, Pear, Strawberries 調製而成, 雖然集合咗多種水果, 但飲落味道並不複雜, 散發淡淡果香, 仲帶微微自然甜味, 冰涼清新。Cycling Sipn嘅主角 - 椰子水🌴近年大受追捧, 其脂肪 & 糖分含量低, 同時含豐富營養素及電解質, 有助加快新陳代謝, 仲可迅速為身體補充水分, 輕鬆消暑解渴。呢度唔單只飲品出眾, 食物同樣令人喜出望外。Brownie表面形成薄脆, 中間係濕潤嘅朱古力軟芯, 入口濃稠軟滑。如果單食brownie你可能會怕太甜太膩, 但配埋清新冰凍嘅smoothies, 就成為天使與魔鬼嘅絕配。Banana bre