Shari Shari Kakigori House 氷屋 (已搬遷) 新店位置

呢排開始轉涼少少，應該會少啲人食冰，就即係去咗呢間好出名又成日排長龍嘅Shari Shari食日式刨冰🤤呢間刨冰嘅冰磨到好細滑，入口即溶，唔會因為啲冰粒太大粒太凍而食到頭痛🤕🤣 佢哋嘅刨冰有好多唔同口味，而且味道唔係得表面嘅冰先有，係差唔多成個冰都有味，淨係得最底一層係無味道嘅冰，但其實慢慢食落去，啲味都會流到落最底！🤤•🥢 Hojicha & Kinako Cream 焙茶黃豆粉忌廉味 $95呢款嘅焙茶味超級濃！！！🤩 茶味食落比較清新唔甜，所以一啲都唔膩，食落無咁大罪惡感🤣真係令人忍唔住一啖接一啖😚 而且面頭仲有啲黃豆粉同蕨餅，三樣加埋一齊超級夾！😍•🥢 Strawberry Special 草莓Special $85粉紅色真係好少女心，幾啱打卡🙈 食落係好濃郁嘅士多啤梨奶嘅味，好似韓國好出名嗰隻士多啤梨奶味🤤 而且士多啤梨味一啲都唔假，唔會係藥水味，不過食多幾啖就覺得有啲甜，有啲膩😛

-{港島甜品焙茶冰🍧}喺中環店發現左焙茶味🤩🤤Hojicha & Kinako Cream🤤 ($95)面有3嚿蕨餅冰入面仲有兩嚿 好有咬口係有啲彈性嗰種😋 而cream係黃豆粉味質感粉粉地咁幾夾🥰重點焙茶 超 級 濃😍😍😍好香茶味甜度亦啱啱好😭👖褲評: 9/10一定要黎中環食😭真係好好味!!!性價比: 9.5/10服務: 8.6/10環境: 8.2/10🚩Shari Shari Kakigori House 氷屋🚩地址:中環蘇豪士丹頓街47號地舗銅鑼灣希雲街14號地舖

🇭🇰Shari Shari Kakigori House 氷屋·我終於第一次黎左食 食刨冰呢樣野真係要天時地利人和先食得 依家天氣開始熱D終於岩時間啦😈😈·hojicha & kinako cream $95 l mango lassi $90佢地既刨冰真係超級大個 你地碌去第二張相就可以睇到佢地點樣迫爆左我地張檯😂😂我自己鍾意食芒果味嗰個多啲🥭因為佢食落真係好解渴 而且佢個芒果味好真 唔係死甜嗰種 真係超有去泰國villa渡假嗰啲感覺🤤🤤而且佢中間仲有啲芒果粒 都幾甜不過我覺得佢呢一個個底唔夠多芒果醬 反而焙茶嗰個就算食到底都真係每一啖都有茶味🍵佢個茶味濃得黎唔會太苦澀 而且上邊仲有幾舊mochi 兩個都幾好味😋·#rbyeat#rby西餐#rby中環 #rby上環 #rby銅鑼灣·📍中環蘇豪士丹頓街47號地舗📍銅鑼灣希雲街14號地舖