Bistro Du Vin (已搬遷) 新店位置

169 食評

味道

環境

服務

衛生

抵食

21366

西環

$201-400

法國菜

120

Onion Soup

5 已推介

$90

可愛加菲貓

等級3

好朋友和家人有一次去食完呢間法國餐館，認為好好食，於是上年係我生日時，打算請我去呢間餐廳食，點知佢冇訂位，去到門口時，侍應話已滿座，如果冇訂位的話就冇辦法，當時我企在門口睇入去，滿堂紅，心想唔通呢間餐廳真係咁好食，當時唯有係附近求其搵一間餐廳去慶祝我既生日囉！今年，好朋友死心不息，又話要係我生日時，請我食呢間法國菜，於是提前4日訂位，心諗呢次冇死啦！終於可以嘗試到呢間野既食物了，所以覺得好興奮，好期待呢日既來臨。本來我係openrice已經做足功課，已計劃好當晚食乜野，點知其中一道牛臉頰，朋友話佢呢個月唔食得牛，要改食第二道肉類，唉…我當堂沮喪了！但都決定要去食。【免費麵包】我當晚食了6樣食物，呢個麵包係我認為係唯一……第二道好食既食物，麵包好柔韌，好有口，我還請求服務員多為我添一塊，服務員非常樂意，我感到好欣慰。【Onion Soup】洋蔥湯，係我在openrice相片中，睇到相已經認定左佢既味道一定係好好食，90元一個確實係幾貴，仲貴過其他餐館既龍蝦湯，但我可以話比大家知，當你試過後，覺得呢90蚊係值得比既，因為真真真係好好飲，濃濃既洋蔥湯，裡面仲有一塊大約厚0.5cm圓形既芝士

【免費麵包】我當晚食了6樣食物，呢個麵包係我認為係唯一……第二道好食既食物，麵包好柔韌，好有口，我還請求服務員多為我添一塊，服務員非常樂意，我感到好欣慰。

【Onion Soup】洋蔥湯，係我在openrice相片中，睇到相已經認定左佢既味道一定係好好食，90元一個確實係幾貴，仲貴過其他餐館既龍蝦湯，但我可以話比大家知，當你試過後，覺得呢90蚊係值得比既，因為真真真係好好飲，濃濃既洋蔥湯，裡面仲有一塊大約厚0.5cm圓形既芝士塊，十分有口感，仲有一塊圓形既麵包浸係湯入面，麵包吸了湯既味道，呢個湯太多驚喜太豐富，其實飲完一碗湯我已經飽了4成。

Egg（brandade & hollandaise）

【Egg（brandade）】呢個頭盤，我見個樣都幾吸引，於是都係菜單之一，但我嘗試過後，只可以話……過得去啦！流心蛋……冇乜特別，下面係鱈魚肉，不過唔腥，味道一般，冇乜形容詞去形容佢，底部係一塊薄多士，整體一般般，建議可以選擇其他較心儀既菜式，不必浪費呢100蚊。

【Duck Rillette】鴨肉醬、自家製豬肉肉醬，呢道係一味冷盤，唔知係咪自己食唔慣凍肉拼盤呢？我覺得又唔香濃又覺得膩，已經用麵包醮來食，但仍然唔覺得好食，完全感受唔到其他食評讚口不絕既味道既？？？

230蚊我覺得浪費得好緊要，太膩關係，朋友都冇乜食，我好有後悔叫左道菜，因為冇人欣賞。

【Coq du Vin】砵酒煮雞，朋友唔食得牛，又唔鍾意食羊，岩岩食完鴨肉冷盤因此唔再食鴨，所以由佢發板叫左呢碟雞，亦都係佢上次話好食既菜式之一，配送上薯蓉，可以撈埋汁來食，首先講下件雞，大約係2件小型雞脾既份量，肉質我唔覺得滑，在我角度黎講，可以話有少少鞋，砵酒味道搵唔到，可能揮發晒啦！湯汁淡而冇味，但我朋友居然上次食完，呢次推薦我食呢道菜，我好唔比面，只係食左四分之一碟，薯蓉就勉強撈汁食左三分之一碟，我有叫過朋友不如將碟雞打包回家比佢屋企人食唔好浪費，但收尾朋友還是一個人食晒佢，食完佢話太濟，所以唔再同我一齊食甜品，於是我唯有自己食。建議大家唔好選擇……雞呢個主菜，冇驚喜只有失望失錢。

【Green Tea Fondant】綠茶流心蛋糕配雪糕，原來打算食Banana Crumble，點知服務員話已經冇做呢個甜品，又再失望多一次，睇住個甜品餐牌，都簡唔落手食乜野甜品，服務員見我苦惱之間就建議我食貝殼蛋糕，我都見到食評讚美，我想食，但一個人食唔晒一碟，朋友又話太飽唔陪我一齊食甜品，我唯有食呢個簡冇可簡既綠茶流心蛋糕，其實我係一個唔會特別鍾意食綠茶味既人，但因為朱古力流心經常食，所以就想試下綠茶囉！甜品好迷你，份量少，綠茶味都幾濃，但我覺得冇驚喜唔覺得好食，所以最後連甜品都令我失望。

總結，當晚食了6樣食物，只有2道菜係令我比like，第一樣，免費麵包，唔洗錢仲好食過要比錢既，哀哉！第二樣，洋蔥湯，當我日後諗起洋蔥湯時，我就會好自然諗起呢間餐廳，因為係佢既代表作，就等於當我諗起龍蝦湯時，就會自然諗起灣仔介紹過的一間意大利餐廳，令人回味

。其他食物，我只會比個

。

2個人食左$952，但我覺得自己食左$300價值。