Cafe REVOL

營業中

休息中

💛世一卡邦尼 好耐之前已經食過呢間餐廳既卡邦尼🍝，一試難忘，難得有時間，就諗住再去食，慢活一下回味一下，點知太早去到未到lunch hour係冇既😫，咁就試下佢個早餐啦，外面既早餐全部都係基本既蕃茹🍅，腸，菇🍄，而Cafe Revol就相當有特色，睇落唔油好健康，仲擺盤好靚好啱打卡😍💛Revol精選早餐燒牛肉/煙三文魚+水果乳酪杯/奇亞籽布丁+黑松露滑蛋+麵包+藜麥燒牛肉🐮因為唔想咁早就食咁鹹，所以揀左燒牛肉，呢度既燒牛肉唔會話好鞋好鹹，恰到處黑松露炒蛋🍳黑松露完全唔吝嗇，勁多勁香，蛋亦都好滑，有少少蛋汁，配埋一齊，一絕，推介芝士麵包🧀🍞一開始以為白色個舊係牛油🧈，後來發現原來係cream cheese,佢唔會話太硬太軟，搽落麵包剛剛好，麵包上仲有啲雜莓，酸酸甜甜好開胃乳酪杯🫐🍇乳酪酸酸甜甜，加上大量既水果，作為一個早餐既總結，非常完美😋Cafe Revol早上冇咩人，環境優美寧靜，最適合都市人享受一下慢活人生，嘆返個靚靚早餐☕，開啟美好既一天

如題。全鋪頭應該冇嘢夠呢份餐點睇落去咁健康。酸種麵包、藜麥、芝士、提子燕麥乳酪，仲有令心理好健康嘅煙燻牛肉同炒蛋。香港Cafe好多嘢唔係太過Pure太True太輕盈到你唔明點解要比錢出去食，就係太多精製食物，睇到條腸已想像到佢幻化成水泡個樣。但呢種配搭真係啱我呢啲想食得打飛機式健康嘅人。雖然，我想舊芝士大舊啲，果醬多啲，但食完係完全夠飽。重點係份嘢擺盤咁靚，實在冇理由將佢炒返一碟變返做蛋牛治。分開每樣食兩啖，呷啖咖啡，再食一啖，非常有利飽足感。於是你明白，Cafe最精貴嘅地方係，哪怕份嘢少過常餐好多，但你可以用比係澳牛食多五倍嘅時間去食。是日閒日，我一點去，唔洗排隊直接坐底，食得好疏肝。

【Revol 卡邦尼煙肉意粉】$96（推介）意粉偏粗，同埋係比較硬身，但一d都唔乾，好有咬口的，中間有隻日本蛋黃，撈埋哂成個意粉，好掛汁，而且唔膩。最中意佢有2隻煙肉，有厚切煙肉 & 脆卜卜嘅煙肉碎，加埋芝士碎，唔落忌廉都好夠味，到而家好想食多一次😋— — — — — — — — — — — — — — — — — — — 【Revol精選早餐】$102食物種類唔算多，但份量算係幾豐富，麵包烤得剛剛好，煎蛋煎到有流心蛋汁，其他食物都唔錯，係比較健康又飽肚嘅選擇。— — — — — — — — — — — — — — — — — — — 【紫薯鮮奶】跟餐加$11呢杯飲品係有點令人失望😞 得個甜字。【美式咖啡】跟餐附送— — — — — — — — — — — — — — — — —

佐敦恒豐酒店後面既內街，有一間人氣💛咖啡店，咖啡店走工業風，門外已經有種好rough既感覺，用上portafilter作門柄，格外型格Revol精選早餐精選早餐：煙三文魚，水果乳酪杯，香滑炒蛋，烤麵包，藜麥我最愛塊烤麵包，配埋蕃茄洋蔥藜麥一齊食，酸酸甜甜，味道好夾又好食，水果乳酪杯亦都非常不錯牛油果沙律牛油果既份量一d都唔少，配以nachos 伴碟，將原本顏色同味道都比較單調既牛油果沙律變得更有色彩，更有口感Flat White咖啡豆有fruity & nutty卑大家選擇，兩杯都揀了nutty，兩杯都咖啡味香濃，但奶泡既部份，一飲就分辨到牛油果沙律個杯係較出色，成杯口感非常細滑，奶泡亦相對地打得較好好似餐廳牆上joker既名句：Why so serious? 香港人暫時將憂愁眼睛，憂愁面孔，憂愁內心拋棄吧！Grab a coffee and take a break!

Why so serious?小店門面樸實，石牆上的話，叫人深省。我一邊想著自己平日精神緊張的狀態，一邊走進咖啡店。我叫了一個 Revol 精選早餐($84)，還有外加$6 要了一杯抹茶鮮奶。我和朋友坐在吧枱上，靜靜觀察咖啡師如何小心翼翼地調理飲料，在其上拉出獨一無二的花紋。店內的擺設也很有趣，尤其是寫有「單身狗」的小狗玩偶，逗樂了我們。精選早餐有兩片烤麵包，煙三文魚，炒蛋，水果乳酪，還伴有茄汁焗豆和忌廉芝士。烤麵包有核桃和果乾，外脆內軟，口感豐富，也有濃厚的麥香。煙三文魚的造型華麗，被卷成一朵美艷的玫瑰花，令人驚喜。炒蛋非常滑嫩，新鮮滋味。水果乳酪健康輕盈，底下有甜蜜的果醬，上面亦有水果和脆片。之後送來的是 matcha latte。起初我還在後悔自己來到咖啡店為什麼不叫咖啡，反而叫了杯抹茶。幸好抹茶鮮奶很好喝。它沒有一般抹茶鮮奶的甜，反而多了一份甘香和微苦。上面的拉花別具特色，看得出咖啡師的用心。雖然這個午餐價錢略貴，不過食物質素高，環境舒適，還是值得再來光顧。