德國餐廳 (翠怡花園) (已搬遷) 新店位置

今日又再次係大埔出沒，前排都有去唔同既德國餐廳去食豬手，今次又癮起，再去搵地方食豬手。黎到Das Bier，原來餐廳係一左一右，我地係其中一邊入座。之後就望望餐牌喇，餐牌既設計好有趣，有種睇報紙既感覺，而且好多頁，可以簡既款式都好多。有德國出名既豬手同埋德國腸。另外仲有西餐常見既扒類、小食等等。我地首先叫左兩杯野飲，幾有特色，我叫既係芝士奶蓋綠茶，芝士奶蓋本身係鹹鹹地，配落綠茶既清新，將本來茶既味道加上一種層次。至於友人就叫左芝士奶蓋朱古力，同樣係芝士奶蓋，加入綠茶同朱古力既感覺好唔同，朱古力本身係甜既飲品，如果加上芝士，感覺唔會甜到好濟，反而有種平衡既感覺。講完野飲當然就講下我地既主菜喇，我地叫左德國香腸拼盤，有好多款唔同既德國腸，包括有蜜糖腸、芝士腸等等，全部個外皮都係脆卜卜好好食。不過最令我印象深刻既係，呢度有一款係芝士流心既腸，咬落去芝士同肉汁交融咁必出黎，個感覺超特別，而且超好味！之後就到我既ribs，值得一讚既係呢份ribs真係超厚肉。好多時ribs係係骨一行、肉一行，但佢既骨上面仲可以切到一大片肉出黎。而淋上燒烤汁之後，真係好好食，因為份量真係好大，大到食完就超級飽肚，建

大埔不嬲都多嘢食就係人都知㗎喇 ，不過食德國野都係第一次。 難得星期五咁就同同事一齊去happy hour， 又唔想去咁遠，大家都係新界人， 咁就喺大埔附近， 見到呢間都幾多人食，就入去試下啦。咁食德國菜，一定就要嗌豬手啦。 呢個豬手外脆得你就好有膠質嘅感覺，完全滿足到味覺嘅享受又補充補骨膠原 一邊食著手一邊飲啤酒真係人生享受 佢哋杯Rose都好好飲 咁另外我哋又嗌咗個德國腸拼盤，條條腸都唔同味，都幾好食。 另外個肋骨都好juicy好惹味 下次經過會再幫襯。

今日同屋企人專登去大埔試下呢間，好細間成日都無位，如果吾係有屋企人識路其實好難揾。服務態度又好，食物就好快到因為只serve好小人，首先係ribs我覺得都軟既，又唔會骨多過肉，但係有小小唔夠味咁。咸豬手係招牌吧，外脆內軟又無so味。牛扒就如果要肥又多筋就應該覺得鐘意既，但我就真係覺得好肥。啲腸我覺得好咸，但可能係德國風味拉，同埋啲口感又唔似平時果d，會軟/較容d既, 卡邦尼意粉，意粉有咬口，唔係一咬就斷果隻 總結係挺滿意的