影片
更多
2021-06-18
4529 瀏覽
「雞蛋六隻﹑糖呢5茶匙...」相信大家成日睇電視都聽到，小編當然唔係要賣咩政府宣傳廣告啦! 不過大家睇返日常煮飯既食材，其中一樣常用既材料就係雞蛋喇! Tamago-EN呢間餐廳最出名就係由日本雞蛋去製作成唔同既日式料理，令你食既每道菜都會感覺到蛋既唔同形態，等小編今日為你介紹下啦!由於位置有限，小編與老公之前2次響旺角朗豪坊店都要等超過45分鐘位；但今次響北角匯呢間分店，響中午午飯時間都好好彩可以直入坐低，所以大家想試而方便既，都可以黎北角呢間試試呢!如何令蛋展現佢唔同形態？小編就點選左以下幾款菜式試試：1) 半熟蛋薯仔沙律 ($58)：以流心蛋既形式可以方便感受到蛋黃汁既香味及蛋黃原本既鮮味，既唔會好似生蛋有太強既個種腥味(雖然小編唔覺)，但同時又令你享用蛋既時候唔會太難入口! 蛋汁好香，用少少去連涼感既薯仔沙律食可以增強吸引力，而薯仔沙律本身與蘿蔔粒及粟米調製，屬於結實既沙律形態，所以都幾頂肚架。2) 大阪燒風八爪魚捲 ($78)：以包心蛋既形式可以製作成唔同既創意料理。當平時大家會去專門食小丸子既鋪頭食八爪魚丸個陣，Tamago-EN就嘗試將原本麵粉既外皮變成蛋，以蛋包去調製令
由於位置有限，小編與老公之前2次響旺角朗豪坊店都要等超過45分鐘位；但今次響北角匯呢間分店，響中午午飯時間都好好彩可以直入坐低，所以大家想試而方便既，都可以黎北角呢間試試呢!
如何令蛋展現佢唔同形態？小編就點選左以下幾款菜式試試：
1) 半熟蛋薯仔沙律 ($58)：以流心蛋既形式可以方便感受到蛋黃汁既香味及蛋黃原本既鮮味，既唔會好似生蛋有太強既個種腥味(雖然小編唔覺)，但同時又令你享用蛋既時候唔會太難入口! 蛋汁好香，用少少去連涼感既薯仔沙律食可以增強吸引力，而薯仔沙律本身與蘿蔔粒及粟米調製，屬於結實既沙律形態，所以都幾頂肚架。
2) 大阪燒風八爪魚捲 ($78)：以包心蛋既形式可以製作成唔同既創意料理。當平時大家會去專門食小丸子既鋪頭食八爪魚丸個陣，Tamago-EN就嘗試將原本麵粉既外皮變成蛋，以蛋包去調製令你食個陣無咁膩而飽肚 (雖然大阪燒本身既醬汁好濃)。而蛋包內既配料，包括八爪魚﹑菜等份量都足夠，基本上以1開4形式去切都會令每件蛋都有齊所有既現料吧! 八爪魚相對蛋既味道會比較遜色。
3) Tamago-EN特製5款玉子串燒 ($78)：5款串燒配料包括蕃茄仔﹑海藻醬﹑親子三文魚﹑鱈魚子沙律﹑以及蟹肉。以傳統煎蛋餅形式，於上面放置配料，就可以令你享用個陣可以於口中自由調配配料與蛋，感受唔同配料為蛋所帶黎既感覺。5款入面，小編最喜歡還是蟹肉，最主要係因為蟹肉味道較淡，對蛋本身味道既影響性會較低；而小編老公就鍾意親子三文魚，因為親子於口中爆開個陣，個陣腥味會被蛋所中和。
4) 特上鰻魚終極TKG生雞蛋拌飯 ($82)：直接以沖繩生雞蛋蛋黃掛帥，同時將蛋白打發至泡沫狀，與配以特製醬汁與白飯一齊食。生雞蛋一直都係唔少人直接配飯既款式之一，沖繩生雞蛋望落去非常紅潤，一爆開個刻深黃色而濃郁既蛋漿令你拌飯個陣充滿住蛋香；而同時蛋白泡令你食個陣有類似食棉花糖既口感體驗，再配以鰻魚一齊食，又香又甜。如果真係嫌蛋味唔夠，可以再加入少少味素去增加口感。
兩個人接近$320既午餐雖然係有少少貴，不過作為嘗試蛋類唔同狀態既體驗都算好滿足既! (所以平時食既話可以叫少1款菜式) 而每款蛋既味道都好特別，係絕對值得繼續支持既日式餐廳吧!
張貼
