SUKIYA すき家 (亞皆老街)

營業中

休息中

是日下著連綿細雨，在旺角處理好事情後要搵飯食，腦袋閃過一絲念頭，就是去すき家會否不用排隊呢？因開業都一段時間，加上落雨，直覺覺得沒什麼人會排隊吧！去到店門前，還是有排隊的人龍，但不及初開業那時的人龍長，今次就決定排隊啊！！等了約15~20分鐘就能入座，這個等候時間都算合理的！第一次光顧すき家，見到餐牌，有少少花多眼亂～～～單是牛丼就已有9款，還不計其他的燒肉丼或鍋類食品啊！！另外加錢配套餐也有不少變化～～最終我選了熱溶三式芝士牛丼，老公就揀W溫泉蛋牛丼，我們分別加配沙律套餐和青菜套餐，選特製冰紅茶丫～～～沙律菜，配整瓶胡麻醬，可視乎個人口味，喜歡落多落少都可以！熱溶三式芝士牛丼，有三種芝士，最面層的芝士已溶化了，與另外的芝士碎一起拌勻，所有芝士就被飯的熱力所溶化，並形成拉絲效果。牛肉嫩，味道不會鹹，反而還帶點微微甜味。雖然有三種芝士，但吃完整碗都不會太膩滯，反而感覺是滋味中帶著柔和感。其實這款牛丼還附有一小包TABASCO醬，但由於老公不能吃辣，我就沒加到辣醬咯～～青菜套餐是蒜蓉炒通菜，好香蒜蓉味！！W溫泉蛋牛丼，就是double溫泉蛋的意思。牛肉份量多，鋪滿整碗飯面，溫泉蛋汁配牛丼絕

疫情冇得周圍去旅行食好西，特別掛住日本嘅所有野食！好彩而家好多日本出名嘅店都黎左香港，可以幫襯止下癮～今次就去過江龍之一SUKIYA すき家！佢地嘅牛肉飯標榜100%美國牛和日本越光米。雖然已經開左好一陣子，但熱潮仲未減退，閒日7:30pm都有十幾個人排緊隊，等左大約45分鐘先入得。🐮W溫泉蛋牛丼 S SIZE $34+ 青菜套餐$30★★★★☆打孖上溫泉蛋真係冇得輸，另外用個碗仔原隻蛋上，爆汁撈埋落個飯到，加埋D牛肉汁一齊食，正！牛肉唔鞋口，都重牛味，加埋D爽脆洋蔥，一流！D飯軟得黎唔會太淋，冇咩可剔。個人較喜歡牛丼多小小。青菜套餐就好抵既先加$10，有菜又有埋野飲！菜就係普通乾蔥炒通菜咁冇咩特別。同埋杯凍紅茶都唔錯，冇叫到少甜嘅情況下都唔會太甜，有茶味。🐮W溫泉蛋燒肉丼M SIZE $48+ 烤鯖魚套餐$30★★★★☆呢個燒肉丼只有M/L Size選擇，所以簡左最細M size，食落其實同普通牛丼大致上差唔多，只係個醬汁會再偏甜小小。烤鯖魚好大份，但食落都幾咸同有D腥，如果有檸檬汁可能會好D。同埋煎得唔夠脆個魚皮，冇咁香口。🌟總括：呢個價錢食到呢個質素嘅牛肉飯真係好唔錯，而且選擇多

之前由朋友帶路來到旺角一間長期人龍旺店，據講分分鐘要排上最少一句鐘才有得食，但是人們好像就是樂此不疲靜靜地輪候著，就算現時疫情中人龍仍然依舊，筆者到訪時已是晚上十點多，目測也最少有近20人在排隊，有夠誇張！還好可能已較少人，等了差不多30分鐘已有枱，餐牌上選擇不少，最平的$29已有一碗牛肉飯。筆者點來了豪華三重奏咖喱，牛肉鬆軟多汁，洋蔥亦煮得軟腍，味道偏甜香；炸雞外脆內軟嫩，不太油膩；溫泉蛋滑嫩富蛋香，加上惹味濃甜的咖喱汁，撈上飽滿的飯粒，啖啖美味。而朋友則要了W溫泉蛋牛丼，放了2隻滑溜溫泉蛋，牛肉同樣的Juicy軟嫩，濃甜而不膩，和咖喱丼相比又是另一番的風味，比起「吉X家」好味上數倍，而且價錢一點也不貴，難怪長期人氣高企，正！大家如路過碰巧人龍不長的話，真心推介要試一下！

由開鋪到宜家，呢間真係無時無刻經過見到好多人排隊，一直想試未試到。今日難得見到個龍尾，就決定排隊食下。最後等左差不多一個鐘，我諗都算係快。可能以前成日食劣食吉野家，所以覺得呢個性價比高好多。而加埋泡菜更加開胃，而且份量真係好足。