WM Café & Bar (八號花園)

營業中

休息中

我個人對威靈頓牛柳情有獨鍾，喜愛非常。今日去大埔食晚餐時發現到呢間餐廳既晚餐Menu上居然有威靈頓，而且只需要$138。就抱住試下無壞既心情入去。店裡擺設裝修用左唔少綠色既植物，令人有放鬆既感覺。晚餐Menu豬牛海鮮都有，選擇都多，不過我眼裡只有威靈頓牛柳。先黎個龍蝦湯，雖然龍蝦味唔算好濃，但作為餐湯，配埋個好香既蒜蓉包都唔錯。主菜出現喇！外相都唔錯，酥皮包住既牛柳，本身以為$138應該都係得過且過，又唔係喎，牛柳幾嫩，幾入味，係個黑椒味濃左少少姐。呢個價錢食到咁既質素既威靈頓牛柳，我覺得係性價比高。最後飲埋本用心沖出黎既Mocha，呢餐都係㘣滿～

這晚來到大埔中心附近，等老公放工一起食晚餐。今日係我哋相識日紀念，今晚想坐得舒服啲食得開心啲，選擇咗嚟呢間餐廳。依間餐廳外觀望入去都幾吸引，感覺舒服，裝修都幾有心思。晚餐選擇都幾多，我哋叫咗兩份晚餐。先來我地嘅餐湯，賣相很吸引，有心思；味道十分香濃，好重嘅龍蝦及海鮮味😊配上好味的包及牛油，滿足😊黑豚西冷味道唔錯，厚身，肉有彈性；帶子幾有鮮味；配菜感覺清新😊我地初時唔太了解咩係威靈頓牛柳，上網睇吓之後發現原來是工序煩多嘅菜式。此餐廳做得班不錯。肉質夠林，香草及胡椒等調味恰到好處，外層的酥皮非常鬆脆。好好味😊飯後甜品也很吸引！味道估唔到咁香濃！榛子醬及朱古力味道很重，也喜愛蛋糕上的忌廉，薄荷味的，很特別，感覺清新！芝士蛋糕也很細滑，藍莓份量很多，酸酸甜甜。另外，我哋每一份蛋糕也配macaron, 外脆內軟好好味。店員說蛋糕是他們餅房自己做，另外雖然是甜品蛋糕但賣相精美，餐廳也幾有心思😊餐飲我們點了一杯熱奶茶（奶是分開上及熱的，加分加分），一杯熱朱古力，也很不錯。在這個星期五放工的晚上，嚟到依度食嘢，感覺都好輕鬆好舒服！另外，店員好nice, 會好有心機介紹菜式，同埋好主動幫我哋添水。佢哋餐

最平$78有成個餐，仲有忌廉龍蝦湯！就算凍飲都係+$4，梳打都係+$12，真係好抵食！十分推薦！-Dinner set :1️⃣忌廉龍蝦湯2️⃣咖啡/茶 追加左+$12 自家製甜品+$18 梳打特飲💕WM威靈頓牛柳 $138💕WM安格斯牛肉芝士漢堡 $78💕荔枝蜜桃梳打💕茉莉青蘋果梳打 ✨另設加一-💕 WM威靈頓牛柳［滿星］⭐️⭐️⭐️⭐️⭐️‼️餐廳推薦之選！果然名不虛傳🥰🥰威靈頓牛排是一道英國菜，蓋上酥皮烤焗而成。酥皮充滿鬆脆口感，牛柳肉質鮮嫩，鹽和胡椒調味剛好！😋咁平既價錢食到依個質素，仲要有龍蝦湯，真係貴多$100都覺得抵食！ 😍/💕 忌廉龍蝦湯［滿星］⭐️⭐️⭐️⭐️⭐️‼️味道濃郁鮮甜！稠身！仲有蟹肉碎！蟹肉豐富左成個湯嘅味道！/ 💕 荔枝蜜桃梳打［滿星］⭐️⭐️⭐️⭐️⭐️‼️味道比較偏重蜜桃味😍不過都有散發出荔枝嘅香味😍😍/💕 茉莉青蘋果梳打［滿星］⭐️⭐️⭐️⭐️⭐️‼️味道因為茉莉而比較清香😍，與青蘋果十分配合！-環境：8/10服務：9/10好味指數：10/10回頭率：9.5/10