一番風味 (已結業)

之前我明明應承咗朋友同佢一齊試吓經過港珠澳大橋去澳門玩嘅，最衰自己成日都鬼死咁忙，有講冇做。一於同佢去灣仔食個招牌糕蟹粥補返數啦。招牌糕蟹粥之前都知呢間嘅榚蟹粥抵食夾大件㗎啦。一上到枱，我同朋友都嚇一嚇，估唔到咁大個鍋，裝出來有大約八碗粥再配一大隻爆榚爆糕爆爆糕既糕蟹，我諗自己街市買淨係隻蟹都成三百蚊。講番味道先，粥底鮮甜味美，煲得好棉，蟹嘅先甜入晒落足底𥚃面，再配以跌出來的蟹糕，一流佳品。糕蟹方面，新鮮一啲都唔霉，連手手腳腳都好多蟹肉，因為係糕蟹所以很多糕都食得，淨係蟹糕都有一小碗。我朋友即刻話喺度食糕蟹粥好過去澳門某大食肆食水蟹粥添。XO醬炒斑球淡淡肉，食到魚嘅新鮮鮮味，另外有鑊氣，配以XO醬同埋西芹，另一抵食夾大件之選。蒜蓉粉絲蒸扇貝最後叫了蒜蓉粉絲蒸扇貝，呢度嘅蒸野都唔錯的，下次試吓其他野食先！

今日本來同老婆回老家陪爸媽食飯, 不過媽媽中午通知我因為屋企停電所以要改出街食。由於爸爸好鍾意食蟹, 加上我地剛好係4個人, 我第一時間諗起灣仔呢間羔蟹粥非常出色嘅”一番風味”, 之前同老婆去過, 羔蟹勁鮮甜, 相信爸爸一定好鍾意。我地7點未夠已到餐廳, 客人未算好多, 不過7點後就開始多人, 餐廳裝修簡潔明亮, 座位寬敞, 4人卡座尤其舒適。餐牌設計簡單, 不過款式種類都唔少, 當中最吸引係4位用嘅晚市海鮮套餐, $988包括羔蟹粥, 蝦, 鮑魚, 軟殼蟹同斑球, 價錢相當貼地。👍晚市海鮮套餐(4人前) $1088餐前小食餐前小食份量都唔少, 有2款, 分別係篙筍同拌青瓜, 青瓜口感爽脆, 篙筍帶有微辣, 惹味又醒胃。 😊招牌羔蟹粥餐廳招牌菜羔蟹粥相當有水準, 羔蟹蟹膏飽滿, 濃濃嘅蟹膏熬底粥底呈金黃色, 每啖粥都食到香濃嘅蟹膏香味, 蟹肉肉質結實, 非常鮮甜, 大大煲4個人share都食得好滿足。😍黃金軟殼蟹軟殼蟹以咸蛋黃同牛油避風塘炸香, 蟹殼都非常鬆脆, 蟹肉飽滿爽口, 台香味濃, 香脆可口。👍果皮蒸鮮鮑老婆最鍾意呢個蒸鮑魚, 鮑魚大大隻, 富有彈性, 沾滿果皮香味, 鮮味濃郁