點估到大埔都有法式私房菜，菜單由主廚主理，主廚出身自前著名法國餐廳香港文華東方酒店Pierre，可以一試多款高級料理—法國威靈頓牛柳、酒釀葡萄鵝肝凍、日本海膽雪葩等等，工夫繁多，所以坊間少有㗎。生蠔更加入分子料理元素，每道菜都有驚喜。
入門口前，餐廳玻璃門已經係亮點位。由著名設計師設計，玻璃門一開會變成透明，映透店內優雅環境。睇得出店家用心，以環境、菜式、酒品締造完整嘅用餐體驗。
【高級料理推介】
法式焦糖燉鵝肝
店內套餐依日本廚師發辦做法，大廚會按季節食材為食客度身煮製料理。同場亦有多款單點手工料理。以呢道鵝肝為例，就有別一般煮法，花心思用法國傳統Crème Brûlée做法，並用上法國特級鵝肝Crossover。
食得嘅玫瑰好唯美。
酒釀葡萄鵝肝凍
另一鵝肝料理就有呢道鵝肝凍，以陳年古酒釀製香印提子，再配上法國特級鵝肝慕絲，濃厚而不膩。
海膽意大利飯
絲絨咕𠱸加埋大自然元素好夢幻，開動前必影相。
【精緻前菜】
澳洲活龍蝦湯
澳洲活龍蝦湯真材實料用新鮮龍蝦，慢煮10小時製成。
西班牙紅蝦沙律
蝦味濃郁有驚喜，配埋提子、番茄、沙律菜一齊食口感好豐富。
香煎帶子沙律
沙律睇落簡單，但刺身級帶子俾到驚喜，食落好彈牙甘甜，沾少少意大利醋更開胃。
【驚喜分子料理】
薑汁泡沫時令生蠔
用分子料理技術將薑蔥汁製成泡沫，伴肥美生蠔一同入口，飽滿鮮甜又有輕盈薑蔥餘韻。
【主菜必食】
法國傳統正宗威靈頓牛柳
自家製超鬆脆酥皮包住安格斯牛柳、鵝肝油炒雜菌、矜貴Parma Ham，酥脆濃香，伴酒一流。
黑松露帶子薏米飯
將輕煎刺身級帶子，配上特製薏米意大利飯，口感更加煙韌Q彈。薏米更有超強去水腫、美肌功效，女生必食。
澳洲西鱸鰽
大廚先高溫烤焗野生西鱸鰽魚魚皮，再將魚肉低溫慢煮，做到外脆內滑。
【創意甜品推介】
原隻日本海膽雪葩
超有驚喜嘅甜品！用新鮮原隻日本海膽，加埋日本時令水果製成雪葩，味道出奇地夾。
【紅白酒．Cocktail】
Cocktail Puppy Love
一定要打卡嘅Cocktail！味道香甜，女生都好易入口。
乾冰白酒
House Wine 白酒特別加入食用級乾冰，令白酒保持低溫同散發葡萄果香。就算慢食慢活，白酒依然冰涼好飲喔。
開飯仔依家仲有好野益大家！於2022年4月29日至6月9日期間，到【L'AMOUR】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
L'AMOUR
地址: 大埔大埔太和路15號太和中心地下38號舖
電話: 98884532
